صفحة التحاور والتعارف ( 1 )

السلام عليكم  ورحمة الله وبركاته

تم إفتتاح هذا القسم الخاص للتعارف والتحاور بين زوار المدونة عامة وزوار مدينة حماة خاصة وذلك للتواصل وزيادة الالفه بينهم .

تحياتي للجميع :

ياسر بسام عرواني

 

358 تعليق في ”;صفحة التحاور والتعارف ( 1 )“

  1. waled قال:

    عزيزى ياسر عروانى لقد تعرفت على مدينتكم الجميلة من مدونتك ،،،،،،،،
    واعجبتب بمدونتك يوجد بها مواضيع راقية ومهذبة ::::::::::: تمنياتى لك بتوفيق والتواصل بينك وبين زوارك

    معجب بمدونتك ( وليد )

  2. اي والله
    سيد ياسر الله يعطيك العافية أنا بالفعل كنت بدي اطرح عليك فكرة المنتدى الحموي المحترم وهي انت سبحان الله سبقتني عليها (عمرك أطول من عمري)
    ست صفاء
    سلام حار بالحد والفلفل الابيض (ياولو) الك ولكل جاراتك
    أول شي (يعني) قلنالك حكي وخدي راحتك بس يعني ( تخنتيها) شوبيكي ساوتينا حماصنه هههههههههههههههههههههههههه
    تاني شي من ايمتى ما نزلتي لحماه والله بدك نفض الغبرة يلي عليكي
    هي شفلة
    تالتا سؤال وين انتي بأنو دولة وشوهالصدفة الهندية انتي وجاراتك حمويات ههههههههههههههههههههههههه
    والله هي يلي دعت على (نور) جارتك يلي قالتلك كلامك كلو صح ياصفاء كأنها ساكنه جنب مخبز الحميدية يعني من نص نص الحاضر هههههههه
    بلغي سلامي الها
    وينك بلى تسلمي عليها مرتي قاعدة جنبي أحسن ماأكلي هلق شي كعب كندرة قياس 9سم هههههههههههههههه
    على على فكرة راح نحكي عن جد هلق
    والله ياست صفاء انتهى شي اسمه حاضر وسوق متل ماتفضلتي العالم صارت فايته بعضها يعني اتا ماراح روح لبعيد (انا )من نص الحاضر التكيه
    عندي والحمدلله مركزين لصيانة الجوال الحاضر وساحة العاصي وزوجتي من السوق من منطقة الاندلس مدرسة لغة عربية
    كان البنت السوق أول اذا تقدم لها واحد حواضري متل اذا تقدم لها واحد بدوي بس هلق والحمدلله لكي تكوني مبسوطة وفرحانة بشرك أنوا كل التقنيات الحديثة
    صارت عنا (الحاضر) الكمبيوترات المحمولة والجوالات الحديثة الغالية الثمن عنا السيارات الموديل 2010 كمان عنا
    تعي تفرجي على لبس البنات اخر موضة
    بعدين صارالبنات يلي عم تسوق السيارات والله أكتر من الشباب
    بعدين صار عنا مكاتب تكسي للسيدات فقط يلي عم تسوق السيارة امراءة
    الحمدلله كلشي تمام موناقصنا شي أن الله ماكذبني يوم القيامة مصبح مسي عنا بحماه
    ستي ………………………….
    يمكن ضيقتلك خلقك من كلامي انتي وبعض السادة الزوار بس هي الحقيقة بس والحمدلله والله باقي عنا دين العالم لسعها بتخاف الله
    اه شو دقيقة طولي بالك هلق بقلها اختي صفاء ألك سلام من زوجتي وقال بتتحديها بالطبخ (والنفخ) أنا باكل وبحكم بينك وبينها شورأيك
    واخيرا شكرا للإستاذ ياسر مع العلم اسمه موغريب عني بيجوز اذا شفته أعرفه
    واعتذر لأسلوب كتابتي اللغة العامية بس يعني انا تقصدت الكتابة بها لكي اعطي أكثرروحا للمدونة كون المدونه خاصة للحموية والا كنت استخدمت اللغة
    الفصحة وامانة لا تأخذونا بااااااااااااااااااااااااااااااااااي

    سي

  3. اهلين بأبو هشام العزيز
    ياسيدي طالما من الحاضر ومن منطقة التكية فأكيد شايفين بعض لانو انا هي منطقتي كمان , أنا ساكن بشارع الاميرية
    على العموم تشرفت بعرفتك واقرب زيارة على حماة اكيد راح نشوفك ونتعرف عليك

    بس شو رايك مو هيك احسن صفحة خاصة للزوار منشان ياخدوا راحتهم بالحكي وبالذات للنسوان لانوا روح قلبهم الحكي :)

    تحياتي

  4. عرفتك انت بيتك مقابل مخبزالشعب موهيك ياسيدي بعرفك وبتعرفني بس انت وينك هلق اي دوله

  5. لا لا أخي عبد القادر صح في بيت عرواني مقابل مخبز الشعب بس مو بيتنا :)

    اتوقع انو ما منعرف بعض لاني الصراحة اسمك مو مارق عليي من قبل هيك

    انا مقيم بالامارات من 12 سنة تقريباَ

  6. أهلين أخ وليد آسف مارديت عليك

    أهلا وسهلا فيك بالمدونة واسعدني مرورك ومشاركتك

    تحياتي ,,,

  7. صفاء قال:

    صباح الورد والفل والياسمين
    اشكر السيدياسر على افتتاح قسم الحوار والتعارف للشعب الحموي ( اهل السوق والحاضر )
    تحية وردية معطرة بالفل والريحان للسيد ابو هشام وزوجته .. وسبق وقلتلك اخي ابو هشام كل الناس خير وبركة وانا عايشة بحماة وبعرفها ارنة ارنة وحارة حارة وما بناكل الفروج المشوي الا من عند مطعم الشاوي ممممم وجاراتي حمويات بيسلمو عليكم وهي جارتي الي دعت على نور مهندسة من نص السوق ههههههههههههههههههههههههههههههههههه والصدف الهندية كثيرة عندنا واحلى صدفة معرفتنا فيكم
    وعلى راسي وعيوني كل اهل الحاضر.. ربنا سبحانه وتعالى ورسوله الكريم عليه الصلاة والسلام قال لافرق بين عربي او اعجمي الا بالتقوى

    تقبل تحياتنا

  8. صفاء قال:

    يلا يا ام هشام جهزيلي حالك وعملي كم طبخة مشان شوف شطارتك بالطبخ والنفخ وبعطيكي العنوان نحنا ساكنين بالشريعة بالوادي وان شاء الله بنتعرف عليكي وبيسعدنا ذلك

  9. السلام عليكم
    تحياتي لكل زوار المدونة الجميلة وللأخ ياسر وابو هشام والاخت صفاء والجميع
    اشكر الاخ ياسر على هذه الصفحة الجميلة واتمنى لو نساهم جميعا في انجاح هذه المبادرة والتواصل بين اهل حماه في الغربة لان الصفة السائدة بين شباب حماه هي الاغتراب للأسف وأسأل الله ان يعدنا جميعا الى بلدنا وتعبنا من مرارة الاغتراب
    و أسأل الله ان يوفق الجميع
    ابو عمر

  10. صباح النور والسرور لصفاء خانم ولجاراتها الحمويات
    خلاص اذا هيك على هالحالة لازم تعملوا صبحية حموية على النت زوجة ابو هشام وزوجتي وانتي وجاراتك :) بس بتوقع محد فينا راح يتغدا لانكم راح تقضوها حكي وتنسونا :)

    شغله تانية صفاء انا بسمع بحلويات الشاوي بس مطعم الشاوي وين هادا ؟؟

  11. بيجوز قصدها مطعم الغاوي
    وبالنسبة لجارتك الله يستر عليها ويحفظها
    بيجوز شي جد من جدوده متجوز وحده حواضريه وما عرفانه ربي بعد حكمته طلعت لاإلو ههههههههههههههههه
    سؤال موجه للجميع
    ماهو السبب الرئيسي لخلاف أهل السوق والحاضر مع العلم أنهم بمحافظة واحدة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    أنا لست متأكد ولكن سمعت من جدي الله يرمحه عفوا ( يرحمه )
    انو جد من جدود السوق فات بالتوها على الحاضر ولطش بنت حواضريه بتاخد العقل ااام أكل أتله حشك ولبك بالحاضر وشقوله شرويله
    اجى هاد الجد السوقي راح استعان بطنطات الجدود هديك الايام كان كل جد سوقي بياخد العقل تحمي وقولي جد شرواله جينز انا هيك سمعت وبدي اسمع هيك
    يعني بدي صر على كلامي حتى لوكنت غلطان (حواضري موبيدي)هههههههههههههههههههههههههه
    أما زوجتي ياحرام كانت راحت بخبر كان لأنها بدها دافع على أهل السوق كونها سوقية ياحرام
    وهي هلق عم تستنجد وشادة ضهرها بالست صفاء وجاراتها وقال أنا يعني هي مانها سألانه وأليكم الحوار
    هي سمعت النكت على الحواضرية
    أنا بتخوت ماسمعت شي بعدين هي مزح
    هي بس يازوجي الغالي في أساس
    أنا اساس يلي يرصك رص
    هي ولييييييييييييييييييييييييييييييييييييييييييييييييي واه سوقاه واه صفاءاه وينكم ياأهل السوق
    هههههههههههههههههههههههههههههههههههههههههههههههههههههههههههههههههههههههههههههه
    طبعا أنا وزوجتي كان كلو مزح بمزح مافي شي من هيك مجرد دلع نسوان
    أخ ياسر شورأيك تفتح مدونة للقصر العدلي فقط بين المتزوجين
    هههههههههههههههههههههههههههههههههههههههههههه وشكرا لكم بس بدي اعرف عن جد شوكان السبب الاصلي للخلاف

  12. اعجبنى مواضيع المدونة كتير شكران

  13. لا اخي عبد القادر دخيلك شو قصر عدلي مو قصر عدلي الله يبعدنا عنو :)

    يسعدك مساكم جميعاَ وأهلا بك ياعابر سبيل اسعدني مرورك على المدونة

    تحياتي

  14. صفاء قال:

    صباح الفل والياسمين
    ام فرحان شو قصة النت عندك ؟؟؟؟؟؟؟؟؟؟؟؟

  15. صباح النور اهلين اخت صفاء

  16. صفاء قال:

    اي يسعد يومك اخي ابو هشام وزوجته والسيد ياسر وزوجته وان شاء الله منعمل لمة حموية غير شكل

    اي صح مطعم الغاوي مو الشاوي .. بالنسبة للخلاف بين اهل الحاضر والسوق يمكن هو نهر العاصي الي بيفصل بينهم هههههههههههههههههههههههههههههه هيك بتوقع ها
    ويذكر أن خلافاً ما كان يدور باستمرار بين هاتين المنطقتين، فكانوا يتشاجرون كثيراً، ودائما كان وجهاء المدينة يتدخلون لفض النزاع، فتعود المدينة إلى الهدوء، ويعود أهل المدينة أحباء من جديد. ويعود ذلك إلى اختلاف طريقة اللباس، وبعض العادات واللكنة، فأهل السوق كانوا يلبسون (الشروال) وأهل الحاضر كانوا يلبسون (الجلابية)، فيميزون العابر من أحد المنطقتين عبر ثيابه، كما أن طريقة الحديث تختلف فابن الحاضر يروي لك الحديث بطرق أكثر شعبية.

    وقد سميت هاتان المنطقتان نسبة إلى أسواقها، ففي منطقة الحاضر هناك (سوق الحاضر) وهو سوق غذائي بامتياز،
    عبد يأتي سكان الريف والبادية إلى هذا السوق ليبيعوا منتجاتهم فيه، فكان الناس يأتون من كل محافظات القطر إلى الحاضر لشراء السمنة الحموية (العربية)، و(القريشة)، والجبن المصنوع من حليب الأغنام، كما تتركز الحاضر جزء هام جداُ من الثروة الحيوانية في سورية، ومن حماه يخرج أسبوعياً العديد من الشاحنات إلى دول الخليج العربي على سبيل التصدير.

    أما السيد “مصطفى الهلالي” 55 سنة فقال: “أثناء عملي سافرت من مدينة حماه إلى ألمانيا واستقريت في مدينة تدعى (مايز) وهي مدينة يقسمها نهر الراي إلى شطرين، ومن خلال اختلاطي بأهالي هذه المدينة، علمت أن شطري المدينة هي نسخة عن ما كان يدور في السابق بين الحاضر والسوق في مدينة حماه، عندئذ شعرت أني لم أخرج من مدينتي”.

    هاد الي قدرت انقله لكم واعزروني مابقدر احكي اكتر من هيك ؟؟؟؟؟؟؟؟؟ وعلى عيني حارة الحاضر كلها من التكية للحميدية للاميرية ههههههههههههههههههههههههههههههههههههههههه

    سلام حار لزوجة ابو هشام ولزوجةياسر

    تقبلو تحياتي

    ا

  17. الله يعطيكي العافية على هالمعلومات اخت صفاء

    بس رغم كل الخلافات والمشاكسات والمشاكل منبقى على قلب واحد والنخوة والرجولة موجودة ومن شيم أهل حماه

    الله يديم المحبة

  18. صفاء قال:

    نكتة حلوة لهذا اليوم بتمنى تعجبكم خلينا ننتقل للشعب الحمصي مممممممممممممم

    يتجه الركاب إلى درج الطائرة المتوجهة إلى باريس ’’ يتوجه كل من المسافرين إلى المقعد المحدد له على البطاقة , إلا فتاتاً حمصية جلست على مقعد في الدرجة الأولى , فتوجهت نحوها المضيفة , قائلة : لا ياآنسة , لقد جلست على مقعد في الدرجة الأولى , علماً بأنك قطعت بطاقة على الدرجة السياحية , أرجوك أن تعودي إلى الخلف حيث يوجد مقعدك في الصف 23 آ .أجابت الآنسة : إنني فتاة حمصية ’ جميلة , ولن أنزل عن هذا المقعد إلا عندما أصل إلى باريس

    ألحت المضيفة ثانية وثالثة ورابعة , لتسمع نفس الجواب

    عندها توجهت إلى كبين القيادة لتطلب تدخل القبطان

    فنهض الكبتان الطيار ’ وقال للمضيفة : لايهمك ’, إن زوجتي حمصية ’ ولذا فإنني أحسن التفاهم مع الحماصنة

    توجه إلى الحمصية في الدرجة الأولى , حياها وهمس في إذنها شيئاً ما, ابتسمت الآنسة ونهضت فوراً إلى مقعدها في الدرجة السياحية

    عندها دهشت المضيفة , سألت الطيار : بربك ماذا قلت لها حتى اقتنعت بهذه السرعة

    قلت لها فقط: إن هذا المقعد غير ذاهب إلى باريس

  19. ههههههههههههههههههههههههههههههههههه تتهنى عيلتك فيكي ياصفاء شودماتك خفاف معك (فقردم) ههههههههه
    يعني هيك هادالسبب مو متل ماقلت أنا بيجوز مابعرف
    مابحط على زمتي حدا
    خدي هالكم نكته
    محشش اتصل عالشرطة وقال للشرطي تبيع الرقم
    محشش راح لصاحب المكتبة قــال: هات أصغر قرآن, قال لأيش ؟؟ قال ابغي اختمه في يوم…..!!
    في إثنين مساطيل الأول سقط بالخزان والثاني راح ينتظره عند الحنفية
    قروي طلبوا منه يثبت ملكيته للبيت عطاهم صورته واقف جنب باب البيت
    سكران راح عزا سأل كيف مات ولدكم قالو له:
    رصاصة في الراس قال: امنيح يلي ما إجت في عينه
    في واحد انكسر حوضه ركبو له مغسلة.
    خروف يسأل خروف مر عيدين و ما ذبحوك ليش؟
    قال مسجل بشهادة الميلاد حمار.
    ست صفاءءءءءءءءءءءءءء يتقلك زوجتي هي عاتبه عليكي هي استنجدت فيكي وما لبيتيها وقت قالت واه صفاءه وين النخوة السوقية
    هي لحالها نصر لأهل الحاضر (الله لايشمتني بحدا) ههههههههههههههههههه سلام لإلك ولزوجة السيدياسر من زوجتي وشكرا
    انتصرنا اهل الحاضر هههههههههههههههه هههههههههههههههههههه ههههههههههههههه هههههههههههه ههههههههههههه ههههههههههههههههههه شوصرله أبوهشام وقف قلبه من الضحك ………………………….

  20. فكرة كتير حلوة انو يكون في صفحة تواصل بالمدونة

    واكيد المغتربين رح يكونوا مبسوطين بهيك صفحة ومدونة عريقة لمدينة حماه ابي الفداء

    اروع المدن التاريخية (دخيل رب حماه )

    الف شكر لك اخي ياسر على تعبك المتواصل معنا وان كان يدل فهو على عشقك لمدينتنا الغالية

    وسأكون من المتواصلين معكم دوما باذن الله

    تحياتي .. علاء

  21. شكرا لملوماتك أخت صفاء ونحنا في انتظارك لكي نتقابل في أقرب وقت ممكن أختك أم هشام

  22. وعليكم السلام أخ مروان

    نورت

  23. حسين مسلماني مغترب قال:

    السلام عليكم كيفلم شباب وبنات أستاذ ياسر مبروك المدونه الجديد وأنشاء الله للأحسن والله الموفق مبارح ياشباب كان أخي نازل يجب أكل من المطعم وهوراجع واقف على الأشاره أجى واحد سعودي زورو نزلو أخي وقلوليش عم تزور بعدشوي أجا واحدتاني سعودي وصارو يضاربو أنا أتصل علي أخوي وجيت وشفت منظرالسعوديين والله صرت أضحك طبعا الشرطه فورا أجت كانو السعوديين بدون ملابس كلها مشققه وقت الي سئلو أخي من وين أنت قلهم من مدينة حماه أجا الشرطي قلهم لسعوديين مالقيتو غير الحمويه تقدرو تتضربوهم هدول مافي حد يقدر عليهم وفعلا عفو عن أخي بسبب أنو من حماه أخ عبدالقادر ماقلتلي من وين أنت بتعرفني

  24. الله يبارك فيك أخي حسين

    اسعدني مرورك على المدونة ومشاركتك

    تحياتي

  25. السلام عليكم وصباح الخير لكل زوار المدونة اللطيفة اليوم جيبلكم طرائف عن الحجاج ويا رب تعجبكم
    طرائف الحج

    من غرائب الأسئلة:

    أشار موفد الجزيرة نت محمد داود إلى أن موسم حج هذا العام -رغم خلوه من الأمراض والحوادث- لم يخل من غرائب في الأسئلة الموجهة إلى العلماء طلبا للفتوى،

    فقد نقلت وكالة الأنباء السعودية عن محمد بن ميرزا رئيس اللجنة الإعلامية للتوعية الإسلامية بوزارة الشؤون الإسلامية والأوقاف والدعوة والإرشاد في الحج،

    1- حاج يسأل إن كان يتوجب عليه تغطية وجهه أثناء الحج لأنه يحج عن أمه؟

    2- وآخر اتصل باللجنة يسأل هل يجوز له الزواج بعدما أدى فريضة الحج أم أن الحاج لا يتزوج مطلقا؟

    ومن بين غرائب الأسئلة ما ورد من حاج ظل يطوف من بعد صلاة الفجر حتى صلاة الظهر لأنه كان يظن أن الطائفين يبدؤون الطواف معا وينتهون معا،

    واستغرب أنه تعب من الطواف رغم أنه ما زال شابا بينما لم يتعب بقية الحجاج الذين يطوفون.

    حتى الهامش:

    حكى لي أحدأصدقائي – وقد حج قبل سنتين – أنه رأى مجموعة من النساء يبدو أنهن من الجمهوريات السوفيتيّة يتقدمهن رجل من بلادهن يقرأ العربية إلا أنه لايفهمها وذلك أنه كان يقرأ من كتاب الأدعية، وهن يردّدن وراءه،

    حتى صار يقول : طُبع ، فيقلن : طُبع ،فيقول : في الرياض !! ، فيقلن : في الرياض ،فيقول : في مطبعة ، فيقلن : في مطبعة …..إلخ

    حسبوه إبليس:

    حدثني من أثق به أنه من شدة الزحام والتدافع عند رمي الجمار رأى حاجا كاد يسقط من أعلى الجسر،

    ولكنه تمسك بالحديد بقوّة ، فسقطت ثياب الإحرام عنه ، وكان هذا الحاج إفريقيا شديدالسواد ، ضخم الجسم ، فلما رآه بعض الجهلة،

    ظنه الشيطان قد خرج، فصار يهتف بكل حماس: خرج الشيطان!! ظهر الشيطان!! ، وأخذ يسددوا الجمرات يريدوا أن يصيبوا هذا المسكين، وبدأ الجهلة يرجمون هذا المسكين بالحصى والنعال، حتى أدركته سيارة الإسعاف وهو على وشك أن يفارق الحياة.

    ( ياالله سترك)

    بدون نقاش:

    حكى لنا جدي قصة رآها في الحج قبل أكثرمن خمسين سنة، وذلك أن أحد الجهال جعل من نفسه مطوّفاً، فأوكل إليه رئيس المطوّفين تطويف اثنتي عشرة امرأة، وبعد أنا انتهى معهن من رمي الجمار، أمرهن بحلق رؤوسهن بالموس جميعاً، وعادت النساء إلى أهلهنّ بدون شعر !! .

    هلا والله:

    كنت أصلي في الحرم المكي، وبسبب الازدحام أراد أحدالمعتمرين أن يمرّ من أمامي، فمددت يدي لكي أمنعه فصافحني بحرارة!!!!

    الله كريم:

    كنت أطوف حول الكعبة فسمعت رجلاً يدعو بحماس : اللهم….اللهم….اللهم إني أعوذ بك من الخبث والخبائث !! ، فقلت له : يا أخي هذا الدعاء تقوله إذا دخلت دورة المياه ، فأجاب بسرعة : ما مشكلة ..كله دعاء كويّس .!!!

    تقليد أعمى :

    أثناء السعي بين الصفا والمروة رأى أحد الحجاج الكاميرات التي تصوّر المسعى،

    فأشار إليها بحماس لكي يظهر في الصورة بوضوح ، بعد قليل…صار مجموعة من الجهّال الذين بعده يقلّدونه؛

    ظنا منهم أنه هذا من مناسك الحجّ !!! .
    ارجو ان تعجبكم وللأمانة منقولة ………

  26. صفاء قال:

    يسعد صباحكم ومساكم جميعا
    وبمناسبة عيد المعلم العربي أهنئ جميع المعلمين والمعلمات وأقول للسيدة والاخت ام هشام كل عام وانت بخير
    وأفضل ما قيل عن المعلم : ان وقفة قصيرة مع النفس نتصور من خلالها دور المعلم في المجتمع يجعلنا ندرك ضخامة الدور الذي يقوم به المعلم وعظم المسؤولية التي تقع على كاهله فما هذه الألوف المؤلفة من اولادنا وفلذات أكبادنا الا غراس تعدها المعلم بماء علمه فانبعثت واثمرت وفاضت علماض ومعرفة وفضلا
    فمما لا شك فيه ان اولى الناس بهذا التبجيل والإجلال هو المعلم لان اسمه مشتق من العلم ومنتزع منه فالمعلم يصيد ببحر علمه على الارض القاحله فتغدوا خضراء يانعه فلذلك يتحتم على كل طالب وطالبة النظر بعين الاحترام والاجلال والاكرام والتواضع للمعلم فتواضعك له عز ورفعه لك لذا فإن حق المعلم عليك التعظيم له وحسن الاستماع اليه والاقبال عليه والا ترفع عليه صوتك ولا تغتابه عند احد كما يجي الاضغاء لنصائحه وتحري رضاه
    المعلم هذا العملاق الشامخ في عالم العلم والمعرفة وهو النور الذي يضيئ حياة الناس وهو عدو الجهل والقاضي عليه وهو الذي ينمي العقل ويهذب الاخلاق لذا وجب تكريمه واحترامه وتبجيله لانه يحمل اسمى رسالة وهي رسالة العلم والتعليم التي حملها خاتم الانبياء والمرسلين محمد صلى الله عليه وسلم
    وقال الشاعر :
    لــولا المعلم ما قرأت كتابـــاً …. يوما ولا كتب الحروف يراعي

    فبفضله جزت الفضاء محلقا …. وبعلمه شق الظلام شعاع

  27. اهلا بك اخي ابو عمر

    ويسلموا كتير على هالطرائف الحلوة يلي كتبتها

    تحياتي

  28. وأهلين وسهلين بالست صفاء

    والله يسلم هالتم على هالكلام يلي كتبتيه والله شو ما كتبنا وشو ما حكينا عن المعلم بيكون قليل

    كل عام وجميع المعلمين والمعلمات بألف خير

    من فترة كنت كاتب موضوع عن هيبة المعلم بين الماضي والحاضر يلي حابب يقراه يضغط على هالرابط

    http://bit.ly/9srz6q

    تحياتي ,,,

  29. وانتي بألف خير ست صفاء وان شالله العيد المعلم القادم تكوني حققتي كل احلامك وامنياتك انتي وجميع أقاربك
    شكرا كتير على هذا الكلام الجميل

  30. لا تزعل استاذ ياسر يلي مابيعرفك بيجهلك زرعها بدقني هههههههههههههه شايف عم اضحك لحالي
    اي ها بين هالسن ضحاك عمرين محدا يرت ههههههههههههههههههههههههه سلام أخ ياسر صحي بدي اسألك كم كيلو الخيار عندك ههههههههههههههه تجي بالسلامه جار
    وبالنسبه للأخ حسين انت كنت تسوق سيارة تويوتا بحماه (ام طاقه) لقبها طبعا اذا انت معناها مليون بالمية بنعرف بعض
    لأن أنا عندي سيارة نوعيتها كيا سياراتو (قصة حديثة) مابعرف اذا تذكرتني طب …………… بيت أبوعيدو بالحاضر عرفته أنا عندي مركز خليوي بخلفه وسلامي لأخوك وهي نظرتنا بالحمويه رجال وين ماكانوا ووين ماراحوا (أصحاب كرامه) توصلوبالسلامه

  31. السلام عليكم اهدي سلامي واحترامي الى كل امهات هذا الكون وخصوصا امهاتنا في حماة بمناسبة عيد الام والله يرحم امي الغالية ويسكنها فسيح جناته الحنونة————–انني لست شاعرا ولكنني اكتب شعوري—————————————————————————— امي امي ياورد وريحان يااجمل انسان ياهدية الرحمن لكل انسان انت الهوا انت الدوا انت اجمل انسان انت نعيمي ان مت مات قلبي معك وان عشت عاشت روحي فانا اتنفس منك والحنان ليس الا منك اهديك قلبي اهديكي روحي اهديكي ولدي اهديكي كل شئ يا عاصمة الجنة باالارض امي رضاكي رضاكي لاسير ولاامشي بدون الرضا الام ———————————————–اخي القارئ هذه الكتابة مني هدية لكل ام في هذه الدنيا ماعدا الظالمات لاطفالهم الله يرزق العبد من اجل امه وبعد موتها يرزقه من عمله ان كان صالحا الجنة تحت اقدام الامهات

  32. صفاء قال:

    الجنة تحت اقدام الامهات
    كــل ثانية وامهات العالم الاسلامية بخير

    ماما إنت بنظر الناس أمي
    لكن بنظري اروع ملاك يحضني
    و لو اقدر لأهديتك عمري

    إلى أمي الحبيبة
    لو أن حياتي بستانا.. لزرعتك أجمل أزهاري..
    لو أن حياتي خارطة.. سأسجل قلبك عنواني..
    لو أن حياتي مزمارا.. لعزفتك أجمل ألحاني..
    لو أن العالم أنشودة.. نسمعها بصوت الأطيار..
    سأغـــنيهــا و أرددهــا.. لتصل لكل الأركان..
    لو أن الكون متاهاتٍ.. إحساسك يعرف أسراري..
    لو أن العمر يُـلـَفّ و يهدى.. أهديتك روحي و كياني..
    لو أني أملك أكبر قلب.. يتسع لــكل الأكـــوان..
    لسقيته حبك وسط البرد.. لينعم بالدفء الحاني..

  33. صفاء قال:

    الأم …
    قالوا عنها..
    مصدر الحنان والرعاية والعطاء بلا حـدود …
    وقالوا ..
    هـي الجندي المجهول الذي يسهر الليالي ، ليرعي ضعفنـا ويطبب علتنـا …
    وقالوا..
    هـي الإيثار والعطـاء والحـب الحقيقـي الذي يمنـح بلا مقابـل ويعطـي بلا حـدود أو منــّـة
    وقالوا..
    هـي المرشـد إلي طريق الإيمان والهدوء النفسي
    وقالوا ..
    هي المصدر الذي يحتوينا ليزرع فينا بذور الأمن والطمأنينة
    وقالوا..
    هـي البلسـم الشافـي لجروحنـا والمخفف لآلامنا
    وقالوا ..
    هـي إشراقة النـور في حياتنـا
    وقالوا..
    هي نبـع الحنـان المتدفـق بل هي الحنـان ذاتـه يتجسد في صورة إنسان
    وقالوا..
    هـي شمـس الحيـاة التي تضيء ظـلام أيامنـا وتدفئ برودة مشاعـرنا
    قالوا..

    هـي الرحمـة المهـداة مـن الله تعالـى

    وقالوا..
    هـي المعرفـة التي تعرفنا أن السعادة الحقيقية في حـب الله

    وقالوا..
    هي صمام الأمان …

    وقالوا .. وقالوا .. وقالوا
    نعم أيه السادة قالوا عن الأم كما شاهدتم وقرأتم ما قالوا ,وسطروا أرواع القصائد في حقها وما لبثوا حتى يزدادوا فحق لهم ذلك يقول أحدهم:هي الأم لا برّ لديها وردن *** إلى بطنها بعد الولاد هو البِّرُ

    ويقول الأخر:لأمك حق لو علمت كبير*** كثيرك ياهذا لديه يسير

  34. صفاء قال:

    حبيت انقل لكم هالدعاء عجبني كتير هههههههههههههههه

    دعاء الطالب الكسول على أستاذه

    من طلب العلا نام الليالي و شد البطانية وقال أنا مالي.
    خذ الصفر فلا تبالي فإن الصفر من شيم الرجال
    دخلت الامتحان بلا تحضير فوجدت السؤال الأول عسير
    والثاني بلا تفسير والثالث كاد عقلي أن يطير
    اللهم قرب ورقة زميلي مني وابعد أعين المراقبين عني
    لذلك فاللهم عذب المعلمين والمعلمات الأحياء منهم و الأمواتاللهم املأ بطوننا بالطبيخوارحمنا من الجغرافيا والتاريخ
    اللّهم أحرق دفتر الاعداد وحوّل أصفاره إلى مئات
    اللّهم عذب أساتذة الرياضيات واحبسهم في غرفة العمليات
    اللّهم عذب أساتذة التاريخ وأرسلهم بعيدا إلى المريخ
    اللّهم عذب أساتذة الجغرافيا وسلّط عليهم رجال المافيا
    اللّهم عذب أساتذة الأدب وأصبهم بداء الكلب
    اللهم عذّب أساتذة الفرنسية وارسلهم في سفينة منسية
    اللّهم عذّب أساتذة الإنقليزية واجعلهم كفتة مقلية أو عصبانة محشية
    اللّهم عذب أساتذة العربية واجعلهم كعمال البلديّة
    اللّهم عذب أساتذة الفيزياء وحولهم من بشر إلى مومياء
    اللّهم عذب أساتذة الأحياء واجعلهم كعارضات الأزياء
    اللّهم عذب أساتذة العلوم واحبسهم ما بين الحلق والبلعوم
    اللهم عذب أساتذة التربية الإسلامية وابعثهم مدرسين بالولايات المتحدةالأمريكية
    اللهم عذّب أساتذة التربية التقنية واجعلهم يبيعون كراهبهم قطايع في لهيدودية
    اللهم عذّب أساتذة الجبر واجعل مثواهم القبر
    اللهم عذّب أساتذة التربية المدنية لينهو حياتهم في تكية
    اللّهم عذّب أساتذة الإعلامية وسلّط عليهم الفيروسات اللانهائية
    اللّهم عذّب أساتذة الرياضة وألبسه بامبرز وحفاظه
    اللّهم عذّب أساتذة الهندسة وهدّ على روسهم المدرسه
    اللّهم عذّب أساتذة الموسيقى بوجع المفاصل كل دقيقة
    اللّهم عذّب أساتذة التربية التشكيلية واجعلهم يقفون دهرهم أمام البنوك ولايقبضون الشهريةاللهم عذب مدرسالتجاري واجعله كالصرصور في المجاري
    اللهم عذب مدرس الحساب واحبسه في اسفل السرداب
    اللّهم أعطي للتلميذ الشجاعة أن يحرق المدرسة بالغاز والولاعة
    اللهم أصب بالجنون كل حارس وحارسه كل قيم وقيمة ممن يمنعون عنا بطاقةالدّخول
    اللهم أعط الأساتذة ضربة قويه والمدير سكته قلبيه والقيم العام قنبلة ذرية وللتلميذ عطلة أبدية
    واعفو عن كل من رجع عن ذنبه وترك التعليم وتاب
    وارفع من قدر كل بياع قلوب أو كاكي أمام كل مدرسة أو كتاب
    آمين آمين يا قاهر المعلمين زيدهم فقر على فقرهم وما تخليهمش يصوروا لا كرهبة لا دار يا عزيز يا ستار

  35. حسين مسلماني مغترب قال:

    السلام عليكم أخي عبدالقادر كلامك صح كان لونها أسود هاد الكلام كان قبل أربع سنوات أنا هلأمقيم في الدمام أنا أجيت من الأجازه قبل تقريبا شهر كان معي سياره شبح لون ذهبي مابعرف أدا شفتها عندكم في الحاره وعلى فكره أنا أتزوجت من عندكم من الحاره تنتين على كل حال سلامي ليك وللجميع الزوار

  36. شوست صفاء قيل يومين تحفتينا بأشعار عن المعلم واليوم عم تبهدليهم واليوم عم تدللي الامهات وبكرة بتلعني امهم على ابوهم ولي عليكي هههههههههههههه سلام

  37. يمكن هذاالدعاء بمناسبة عيد المعلم هههههههههههههههههه
    عجبتني هالعبارة(هي صمام الأمان ) يعني هي طنجرة ظغط ولا شي قنبلة موقوته هههههههههههههه
    وكمان عبارة(إشراقة النـور ) بالله كم فولت 220 أو 110
    وكمان عبارة هي(الجندي المجهول ) سؤال شونوع السلاح يلي معها (مقلاية الزيت)
    الام هي يلي بتتدخل بين الابن وزوجته
    الام يلي بدها كلشي الها والباقي ********** الام الام الام الام عفوا كان كلوه مزح بمزح
    طبعا الله يخلي امك وامي وام الزوار كلها ست صفاء كلهم عل العين والراس (وحماتي كمان) مشان مرتي وكل سنه وهن سالمات

  38. اارجو منك ست صفاء اعدم الاساءة للمعلميت ولو كان مزاحا امس كنت تنكتي عالحواضرية ليش استلمتي المعلمين بليز احذفي هي النكت وشكرا مع انني كنت شديدين الكره للجغرافية

  39. عاشقة تراب سوريا (حموية) قال:

    السلام عليكم ويسعد صبااااااااااااااااااااح الجميع مابدي سمي مشان ما انسى حدا ويزعل هلئ يمكن هاد اليوم يلي هو عيد الام كل الناس بتفرح فيه وبتهدي امهاتها الا انا بكون اتعس يوم بمر عليي بعمري وبكون فيه كتير زعلانة ومتاثرة لأنو للاسف انا مالي ام بس الحمدلله الله كرمني وانعم عليي وصرت ام على كل حال الحمدلله وكل عام وكل امهات العالم بخير وصحة وسلامة وبتمنى تقبلوني اخت الكم وسلام خاص للاخ ياسر وزوجته وابو هشام وام هشام وصفاء عنجد حبيتكم وحسيت حالي بين اهلي وناسي مو مغتربة شكراااااااااااااااااااا

  40. أهلين وسهلين بالجميع ويسعد صباحكم فرداَ فرداَ
    وأهلين بالاخت الجديدة معنا عاشقة تراب سوريا
    الله يرحم والدتك ويغمد روحها الجنة والمفروض ما تزعلي وما يكون هاليوم اتعس يوم بحياتك باعتبارك انتي صرتي ام لولادك الله يخليهم ويحميهم

    اسعدني مرورك على المدونة والمشاركة

    تحياتي

  41. صفاء قال:

    ي اهلا وسهلا بالجميع نورتو المدونة
    يسعد اوقاتكم جميعا وكل عام والجميع بخير … واهلا وسهلا بالاخت عاشقة تراب سوريا نورتي وان شاء الله ما بتشوفي التعاسة يارب

    كيفك اخي ياسر يارب تكون بخير والجميع بخير ابو هشام وزوجته شخباركن ؟؟؟ هههههههههههههههههه

    …………. بالنسبة للاخ مروان احمد الحواضرية ؟؟؟؟ خير خيو وين الاساءة الي عم تحكي عنها ؟؟؟؟؟
    Posted by مروان احمد مدللة من حماة مقيم في قطر on 2010/03/21 at 3:43 ص

    اارجو منك ست صفاء اعدم الاساءة للمعلميت ولو كان مزاحا امس كنت تنكتي عالحواضرية ليش استلمتي المعلمين بليز احذفي هي النكت وشكرا مع انني كنت شديدين الكره للجغرافية

    اذا كان في اساءة متل ما تفضلت الاخ ياسر هو الي بيقر حذفها ؟؟؟؟

    تقبلو تحياتي

  42. طولوا بالكم ياجماعة اذا التعليق بدو يتحول لزعل بيناتكم راح اضطر احذفه

    اعتقد ان الأخت صفاء قصدها المزح والضحك بالتعليق وليس الإساءة للمعلم فهي اول من بادرت بالتهنئة للمعلم والمعلمات بعيدهم واثنت عليهم بكلام المديح والشكر والعرفان لما يبذلوه تجاه الطلاب .
    ولكن من باب المونه على الاخت صفاء اذا شعر بعض الأعضاء بان الموضوع فيه اساءة للمعلم سأضطر لحذفة لتجنب الخلاف بين الزوار .

    وهي دلة قهوة لعيونكم منشان تروقوا :)

  43. صفاء قال:

    والله انا بالي طويل كتير بس ليش عم يتحسسسوا من المزح شوبيكم بقا ههههههههههههههههههههه شو حكينا عالحواضريين ياجماعة ؟؟؟ أخطانا ومنكم السماح واذا بتضايقوا من اي تعليق اشتكو للاخ ياسر يعملي حظر من المدونة مممممممممممم وهيك بتفرفشو وبتكيفو وبترتاحو مني ههههههههههههههههههههههههه

    بتمنى ما حدا يزعل من شي وما يخص لنفسو اي تعليق

  44. صفاء قال:

    شكرا جزيلا عالقهوة اخي ياسر بس وين السكر ؟؟ في ناس بتشربها قطر وجنبها جوز قطايف ههههههههههههههههههههههههههههه

  45. هههههههههههه هاد أنا من بلش بالتعليق عالحواضريه والسوقيه هههههههههه (والله علقت) بعدين ياسر انا وين فنجاني انا أكترواحد الي تعليقات هون
    بس لا تكون عطيته لصفاء وكله من بعدها شغلة فاضيه

  46. ست عاشقة الله يرحم امك ودعي للله بركي في أمل انها ترجع مابتعرفي هههههههههههههه طبعا حبيت امزح معك ومتل ماقال استاذ ياسر بما انك صرتي ام هي أكبر سعادةلالك عن جد الله يرحمها ويجعل مسكنها الجنه ولنشالله خاتمة الاحزان الك ولجميع المسلمين وهي فنجان قهوتي بما انو الاستاذياسر عامل حلة قهوة للزوار
    سلامي للجميع الجافي فيكم والرفيع

  47. صفاء قال:

    اهلا ابو هشام كيف حالك كل الحق عليك الكل هاجم علي عا اساس انا عم بتمسخر عالحواضريين ليش شو بيهنم خيو مو كلنا خلقة الله شو بيك ابو هشام دافع عني مو عااساس بدك تعطيني الجنسية الحواضرية ؟؟؟؟؟؟؟؟؟؟؟؟؟

    يسعد يومك وسلام خاص لاام هشام

  48. انا الحمدلله منيح بس يعني شوبدي قول ياشباب مشان يلي بدو يحكي رجاء لايحكي لان اذا حكى بيكون حكى ولومايحكي بيكون ماحكى ومشان صفاء صفاء عرفتوها
    اي عال اذاعرفتوها منرجع لقصة الحكي يعني الله يخليلكم ولادكم بلى حدا يحكي أبوس روحكم خلي قلبكم صافي احسن مااجيكم حافي عن جد اتفقنا انوا ماحدا يحكي ما حبابين لأن الحكي بيجيب الحكي ويلي بيحكي ومانوا قد الحكي لا يحكي بتمنى انو هالحكي يكون اخر حكي بهالموضوع تمام ست صفاء ان شالله كون دافعت عنك بكل معنى الحكي وشكرا في حد عنده حكي (هي الرجوليه) ست صفاء

  49. انا اسف ماقصدي زعل حدا بس انتو فهمتوني غلط انا اسف من الكل وخصوصا صفاء

  50. مين بيعرف معنى كلمة حماة ارجو الرد الصحيح

  51. عاشقة تراب سوريا (حموية) قال:

    صباااااااااااااااااااااااحو ورد وفل وياسمين على عيون الجميع صباحكن خير ومعطر بالصلاة على النبي (اللهم صلي على سيدنا محمد) ويسلمو اخ ياسر وصفاء وابو هشام خجلتوني بلطفكم والله يرحم امواتكم وخليلكم حبايبكم يارب بس في شغلة انا امي مو متوفية امي عايشة بس كتير احيانا في ناس بتكون ميتة بس عايشة بقلوبنا وفي ناس بتكون عايشة بس ميتة بقلوبنا وبتوقع انو هاد الشي اصعب من الموت اسسسفة عكرتكم عالصبح بس اليوم القهوة عليي كيف بتحبوها صفاء بدك ياها بقطايف ولا بدون هههههههههههههههههههههههههههههههههههههههه انا شخصيا بشربها بدون سكر يلي بدو قهوة يسجل عالدور هههههههههههههههههههههههههههههههههه

  52. عاشقة تراب سوريا (حموية) قال:

    مشان معنى كلمة حماه انا مابعرف معنى اسمي ههههههههههههههههههههههههههههههههههههههههههههههههههههههههه بس رح حاول اعرفلك شو معناها تكرم عينك

  53. أهلا وسهلا بالجميع ويسلموا ياعاشقة على القهوة :)

    اخ مروان بالنسبة لمعنى اسم حماه في موضوع موجود بالمدونة اسمه ( مدينة حماة عبر التاريخ ) بتقدر تقراه وتطلع عليه اضغط على اللينك :

    http://bit.ly/ci7X9Y

    تقبلوا تحياتي ,,

  54. شكرا اخ ياسر للرد على معنى حماة
    وانا اليوم مشتهي المحاشي بس شو ساوي انا هلا عذابي وماعندي حدا يطبخ ناوي ازوج بس خايف هههههههههههه
    من مرتي اللة وكيلك اذا بذكر اسم بنت بصير عندي زعلة شو ساوي بدي ازوج انصحوني شجعوني مين يشجع يكتب ويلي بعارض الزواج مرتين لايكتب شي بشان ما اتراجع ههههههههههههههههههههههههههه
    وانا لكم من الشاكرين

  55. عاشقة تراب سوريا -صفاء انتم من الحاضر ام من السوق

    اشهى انواع الفطائر لدى صديقي واخوي احمد السيد

    واذا زكر اسمي مع الطلب تحصلون لخصم 10 بالمائة

    الكعك الصمون البرازق الغريبة البتفورات المعجنات الحلويات الكروسان وجميع المعجنات العربية والغربية

    الدعوة عامة لشراء بيتزا من افران لبنان الحديثة حماة الحاضر اول طلعة الاميرية من جهة سوق الخضار

  56. اخ ياسر تفضل للمحل لتكون زبون مميز لدينا مع زكر اسم مروان انت والجميع الراغبين بالاستمتاع باكل البيتزا على اصولها

    الحاج مروان احمد مدللة )ابو احمد)

  57. أكيد منتشرف اخي مروان بزيارة المحل

    تحياتي الك

  58. ابو لجين قال:

    مسا الخير
    كيفك استاذ ياسر وكيف حماه واهلها
    سلام للحواضريه ولأهل السوق حتى ماحدا يزعل لانوشايف بلشت المشاكل
    هههههههه اصلا هي ميزة حماه وزكرياتها الحلوه
    وبقول للكل ما في احلا من الروح المرحه
    كل عام وانتو بخير بمناسبه عيد الام

  59. ست عاشقه بعد ماخليتينا نقرا لامك الفاتحة طلعت عايشه هيك بدك …………… شونساوي فيكي هلق الفاتحه لوين راحت الله أعلم بس لاتروح
    لشي واحد ما منعرفه خليتي العيله كلها تقرا الفاتحه عم تلعبي بأعصابنا شو فكرك هي امك لحالك بس ماعاد تعيديها فهمتي (حبابه) مشان جبلك (نحو) ما
    ههههههههههههههههههههههههههههههه (العمرالطويل إلك ولامك ولعيلتك) باااااااااااي
    ملاحظه ست عاشقة غيري اسمك بليز

  60. أهلا بالاخ ابو لجين
    نورت المدونة
    طبعا مافي احلى من القصص والحكايا يلي بتجمع بين اهل الحاضر واهل السوق الله يديم المحبة بين الجميع

    تحياتي

  61. بنت النواعير قال:

    صباح الفل والياسمين

    انا حموية ومغتربة بالسعودية وحابة اتواصل معكم اذا بتقبلوني صديقة ؟

  62. صباح النور أهلين ببنت النواعير

    اسعدني مرورك على المدونة والمشاركة فيها

    تحياتي

  63. اهلاوسهلاا بنوته اخت وصديقه (بنت نواعير) ؟؟؟؟؟؟؟؟؟؟؟؟؟؟؟

  64. عاشقة تراب سوريا (حموية) قال:

    مساااااااااااااااااالخير للجميع كيفكن يارب تكونو كلكم بخير ويااخ ابو هشام اعتبر الفاتحة راحت لأمواتك الله يرحمهم يلا كسبت ثواب والله يرحمنا احياء اموات صح ولا لاء الرحمة بتجوز عالحي والميت بس بدي اعرف بشو زاعجك اسمي حتى غيرو يعني ممكن سببب لتغير اسمي وين الغلط فيه وشكراااااااااااااااا الك وسلامي لأم هشام

  65. عاشقة تراب سوريا (حموية) قال:

    d by مروان احمد مدللة من حماة مقيم في قطر اخي مروان انا من الحاضر ومشان المحاشي تفضل بتشرفنا والله اليوم طابخة محاشي بدك سكبة من عيوني وشو محاشي على كيفك كمان زوجي اكل اصابعو وراها وهلئ هو بالمشفى تسمم منها (بمزح طبعا ) هههههههههههههههههههههههههههههههههههههههههههههههه وسلامي لزوجتك الله يخليكم لبعض

  66. عاشقة تراب سوريا (حموية) قال:

    بنت النواعير من وين من حماه انتي الله يعيني ويعينك عالغربة ويخلصنا منها ونرجع على بلادنا بقى بكفي غربة والله تعبنا ……………………. سيد ياسر بدنا صفحة خصوصي لطبق اليوم عم نحتار شو نطبخ كل يوم اقترحولنا طبخة شو رايكن صبايا بتكوني قاعدة الصبح بتشربي قهوة وبتتصفحي المدونة بتلاقي طبختك قدامك بدون ما تفكري فيها وتشوفيها بالمنام خصوصي للي زوجها كرشووووو كبير وبحب بطنو متل زوجي بشوف الاكل بنومو بيصحى جوعان ههههههههههههههههههههه

  67. هو اسمك مانو مضايقني مدام عاشقه بس للكتابه مانو حلو بدل ماتكون العبارة اذا بدي ناديكي (عاشقه) كونه الاسم بحد ذاته موحلو بناديكي مثلا (مدام يارا أو فاتن او مروة أو اي اسم يليق بمقامك مع احترامي للألك طبعا وانا اعتراضي فقط على كلمه( عاشقه ) موعلى بقية الجمله انتبهي الا سوريا على العين والراس حكومه وشعب والكبير والصغير والمقمط بالسرير لاحظي مثلا لقب (بنت النواعير) لفب حلو وشكرا لحسن استماعك نصيحة (اخ لاخته) مواكتر
    بعدين وين اليبرق والكوسا محشي اه سلام طبعا لجوزك وقليله على لساني بيقلك ابوهشام حاج غربه كلشي عنكم صارعنا احسن منه واحدث من التكنولوجيا للسيارات للموضات للبيوت وبين اهلنا وناسنا سلام ولاتأخذونا

  68. اكيد الفاتحه للطيب والميت بس أنا كنت بهزر على قول اخوتنا المصريين سلام حار الك من زوجتي ام هشام وبتقلك توصلي بالسلامه لبلدك سالمه غانمه انتي وزجك واولادك اذا عندك وبتقلك خلي اسمك هيك (جكاره بجوزي ابوهشام) ههه بقى (غيور زياده على بنات بلده) وشكرا

  69. عاشقة تراب سوريا (ام يامن ) قال:

    طيب يااخ ابو هشام مشان ما تزعل لا انت ولا اختي ام هشام رح خلي اسمي جكر فيك ههههههههههههههههههههههههههههههههههههههه دخيل ربك ام هشام شوحبيتك من دون ماشوفك حتى واخي ابو هشام مابتهون عليي لأنو زوجي صافف معك رح غير اسمي بس مو كتير رح يصير عاشقة تراب سوريا (ام يامن ) شو رايك لا تقول مو حلو بعدين بخلي ام هشام تعملك محاشي وعالمشفى دغري متل زوجي هاااا هههههههههههههههههههههههههههههههههههههههههههه يسعد صباحكم ومساكم احلى اخوة والله

  70. عاشقة تراب سوريا (ام يامن ) قال:

    والله يااخي ابو هشام لو زوجي يسمع كنا من زمان بسوريا بس الله يفرجها تقول صارت الغربة بدمووو الحمدلله على كل حال المهم الصحة والعافية الله يديمها علينا وعليكم وعلى جميع امة محمد حاسة حالي بخطبة الجمعة بدي بس حدا يرد وراي اميييييييييييييين هههههههههههههههههههههههههههههههههههه اختي ام هشام بدي اتشرف بمعرفتك وزيارتك انشالله بس اجي سوريا عندك مانع بس بشرط ها بدي تساويلي تبولة هههههههههههههههههههههههههههههه يعني شحاد ومشارط سلامي الك ولولادك الكل الله يخليلكم ياهن صح كم ولد عندك الله يخليهم

  71. عاشقة تراب سوريا (ام يامن ) قال:

    وحيات الله بتصدقو حاسة حالي بحكي مع اهلي لك صفاء وينها مالها عادة تغيب عن المدونة صفاء وين هالغيبة …………………….. اخي ابو هشام بدك سكبة محاشي اي مو على عيني ياريت كنت بسوريا كنت عزمتكن عنا عالبيت على فكرة انا بيتي بالقصور واهل زوجي كلن عايشين بالقصور بس اهلي ساكنين بالصابونية هي سيرتي الذاتية هههههههههههههههههههههههههههههههههههههههههههههههه سلامي للجميع واختي ام هشام خصوصي مشان تتوصى بالتبولة مصلحة يعني هههههههههههههههههههههههههههههه

  72. بنت النواعير قال:

    شكرا الك اخي ياسر عالترحيب

    اهلين فيك اخي عبد القادر
    فرحتني ردودكم كتيييييييييير

    من اولها ياعاشقة سوريا شهيتيني المحاشي جكارة فيكي بدي اطبخ محاشي بخاف لاتطلع بعين الولد

    انا من حماه الحاضر طريق حلب

  73. صديق القتيل قال:

    ممككن تقبلوني صديق جديد للمدونة و عندي كشة اخبار عن حماه يعني انا حواضري عتيق

  74. يسعد صباحكم جميعاَ
    لأبو هشام وام هشام وأبو يامن وام يامن ولبنت النواعير ولصفاء الغائبة ابصر بشو مشغولة او مسافرة او النت مقطوع عندها :) أكيد عذرها معاها
    ولصديق القتيل أهلا وسهلاً فيك طبعاَ اخي منقبلك صديق بينا

    يالله مين محضر القهوة اليوم ..! :)

  75. حسين مسلماني مغترب قال:

    صباح الخير لجميع ولله هون الواحد ينسى همو بس أنا كل يوم بفوت وبقرا تعليقات الناس بتمنالكم السعاده الدائمه والله لايفرجيكم زعل وللأستاذ ياسر دوام الصحه والتقدم في هذا المجال وشكرا للجميع وسلمولي على حماه وخصوصاألي ساكنين جانب موقف الصحه لأن روحي تركتها هنيك

  76. حسين مسلماني مغترب قال:

    اليوم القهوه علي أنا أذا تقبلوها من أيدي

  77. هلا أخ حسين يسعد صباحك كمان
    طالما انت من موقف الصحة كنت من زمان بعرف نجار موبيليا من بيت المسلماني ما يكون اخوك ؟

    تحياتي الك

  78. حسين مسلماني مغترب قال:

    أهلا فيك أخي ياسر أنا مومن الصحه بس روحي ساكنه هنيك ونجار الموبيليا حيان هو أبن عمي

  79. صح اسمو حيان الله يذكره بالخير
    هو اكبر مني بس بذكره لانو كان بحارة بيت جدي ممكن من 20 سنة مو شايفه

    على راسي ياحسين تشرفت بمعرفتك

  80. حسين مسلماني مغترب قال:

    الله يزيدك شرف أخي ياسروأنا ألي الشرف بمعرفتك

  81. ا مادم (ام يامن)اوه زادك الله يمن وشرف وحياتك ماني حاسه حالي الا اني اخت الك وكأني بعرفك من فتره كبيره انا عندي ولدين صبي وبنت الله يخليلك ولادك (هشام وصبا)البنت عمرها 3 سنوات والصبي عمره سنه وعشرايام العمرالطويل الك ولزوجك ولال بيتك وعلى فكره أنا مدرسه لغه عربيه بس ست يبت على كيف كيوفك يعني التبوله من ايدي مابتندمي عليها وانشالله الايام الجايه بتنزلي لحماه المدينه الغاليه على قلبنا جميعا على فكره عنا بحماه مصايف كتير حلوة والغربتليه كلهم عم يجو عليها عندي زوجي أبوهشام كل جمعه بياخدني معه بالسياره كل مرة على محل جديد ومنتزه جديد عن جد مناظر ولا أحلى من هيك بتمنى انك تنزلي وتشوفيها نحن في انتظارك صار عندك أهل بيحبوكي بالصابونيه والقصور وبحارتنا (الصحه) عن جد فرصه سعيده وبنتشرف فيكي (اختك أم هشام)

  82. صباح الخير للجميع (الاخ ياسروزوجته الاخ ابويامن وزوجته ام يامن وبنت النواعير والسيد اخونا حسين المسلماني والست صفاء وأبو طارق الحموي
    اهلا وسهلا فيكم بين اهلكم وناسكم كأني لاحظت حالي انا الوحيد فيكم يلي موجود بحماه
    واليوم عم تقلي زوجتي شوبدنا نطبخ قلتلعا بدنا نفطر ونتغدى ونتعشى محاشي وبين الغداء والفطور والعشا بدنا ناكل تبوله جكاره فيكم كلياتكم ماتققولو ما قلتلكم (الخضره الحمويه غيرشكل)طعمتها فيها بكره بنعزمكم كلكم (اشه لفه)على كل هالأكلات ضيافتكم علينا ولو وبالنسبه للأخ حسين الصحه متل ماتركتها بس يعني المحلات عم تفتح فيها كتير والحوادث صايره فيها اكتر بسبب السرعه الزائده توصل بالسلامه
    اخوكم موابن امكم وابوكم أبوهشام

  83. حسين مسلماني مغترب قال:

    السلام عليكم أخ عبدالقادر أنا عرفتك يمكن أنت عندك محل جوالات مقابل نزلت الجب صح قريب من حمشو

  84. عفست بنص قلبي صح ماضللك حجه بس تنزل على حماه بتجيب عصام وبتجي لعندي ماشي سلام أخ حسين

  85. صحيح كلامك اخ حسين ماضللك حجه وفتحت حاليا فرع تاني بساحة العاصي بتمنى انك تشرفني بأقرب وقت ممكن

  86. عاشقة تراب سوريا (ام يامن ) قال:

    يامسااااااااااااااا الخير على عيونكم جيمع اخي ياسر كيفك وكيف المدام والولاد انشالله تكونو بخير سلملي عليهم امانة …………………… اما اختي ام هشام الله يسعدك يارب والله مو بس اخت انتي اخت عزيزة وغالية والله يخليلك هالشمعتين يلي عندك ويضولك حياتك هنن وابوهم ويخليكي فوق راسهم يارب انا عندي بنت وصبي كمان ياسمين 7سنين وهي صف اول هلئ ويامن سنتين ونص الله يحفظهم وانا متأكدة انك ست بيت شاطرة وغير شكل المكتوب مبين من عنوانو ربي يقويكي ويلبسشك توب العافية يارب ونيالك بتروحي سيارين ومشاوير انا هون مابعرف غير بيتنا يلي عايشين فيه بطلع بالصدفة احيانا حتى يوم الجمعة بالبيت بس بطالع الفرق بس اجي على سوريا على فكرة انا عايشة هلئ بالامارات ساكنة بالعين اذا بتسمعي فيها هلئ بدي اسالك انتو ساكنين بالتكية يمكن ماهيك ؟

  87. عاشقة تراب سوريا (ام يامن ) قال:

    ياجماعة الكلمة يلي مابتفهموها عليي ترجموها ههههههههههههههههههههههههههههههههههههههههههههه لك بعد ما ببعت التعليق بكتشف اني مخبصة وفي اخطاء نحوية ههههههههههههههههه اختي بنت النواعير تشرفت فيكي وساوي محاشي انشالله الف صحة وهنا يارب ……………………. اخي ابو هشام انشالله يكون المحل الجديد اية الرزق يارب وتشوف على وجهو الخير معناها ابعتلك زوجي بس ننزل سوريا زوجي هوسو الموبايلات بغير موبيلاتو اكتر من تيابو بتكيف عليه شو رايك ههههههههههههه

  88. حسين مسلماني مغترب قال:

    أخ عبدالقادر أنابعرفك كتيرمنيح وأنت بتعرفني منيح بس بدي أسئلك سؤال أنت تعرف بيت دهيمش عندكم في الصحه أتمنى أذا تعرف شي عنهم خبرني هدا طلب من أخ لأخوه

  89. يسعد مساكم جميعاَ

    شو أبو هشام وام هشام عما تشهونا على الخضره والأكل الحموي والمصايف والسيارين ؟؟ :)

    بدكم الصراحة والله بلدنا حلوة وصار فيها كل شي بس نحن المشكلة مابعرف لزقنا بهالغربة وياريت عاد في فايدة متل قبل بس الحمد لله على كل شيئ

    يالله لكن جهزولنا حالكم على شي طلعة مشاوي بس ننزل اجازة :)

    وأهلين بأم يامن وابو يامن وبالنسبة للسلام لزوجتي وصل لانه دايما متابعة وعما تقرا الردود ممكن قبل ما اقراهم أنا :)
    بس شو شايف طلعنا جيران بالغربة انتوا بالعين ونحن بابو ظبي لازم على هالحالة تتعرفي على مرتي واتعرف انا على زوجك وتشرفونا بزيارة .

    يالله تحياتي للجميع ,,,

  90. زاهر شققي قال:

    تحياتي لكل زوار مدونة الأخ ياسر عرواني ..
    أما بعد إخواني .. لدي دعوة للعمل والتفاعل لكل من يحمل جوال في سوريا الحبيبة

    وأتمنى أن يتبنى الأخ ياسر الترويج لهذه المقاعة في مدونته .. وشكراً للجميع ..

    نريد أن نوصل لشركتي النهب والاحتيال

    ( MTN و syriatel شركتي الإتصالات في سوريا )
    رسالة بأن أوقفوا نهب الشعب السوري بأسعاركم هذه وانظروا إلى أسعار الاتصالات

    في الدول المجاورة
    واررررررررررررحموا جيوبنا

    إخواني ستكون المقاطعة في يوم 30/3/2010 وذلك بالاستغناء عن جميع خدمات
    الشركتين من رسائل و نت و اتصالات وليومٍ كامل من الساعة 6 صباحاً إلى 6 صباحاً
    من اليوم التالي ونتمنى أن تنجح الحملة وترتدع هاتين الشركتين وتخفضان أسعارهما الجائرة ‘لى حدٍ مقبول

    نحن أولى بأموالنا منهم

    أخي فقط أقفل جوالك واستمتع بيوم خالٍ من إشعاعات الجوال الضارة
    اصبر هذا اليوم لكي تنتفع بعدها أنت وجميع المواطنين ويكون لك دور في هذا الخير
    وإن شاء الله يكون لك الأجر في ذلك

    —————–

    أخي الكريم نريد منك وقفة جدية وقفة رجال .. أختي الكريمة أنتِ وأولادك أولى بالمال من هؤلاء المحتالين ..
    في المرة الماضية كانت رسالتنا واضحة .. كنا نقول نريد المحاسبة بالثواني .. نريد أجرة مقبولة تناسب وضع الفرد في سورية ..

    فلاحظوا ماذا فعلوا :
    قبل أن يصبح الحساب بالثواني .. صرعونا وهم يقولون .. هيييييييييه افرحوا أيها الشعب .. ها قد أصبح الحساب بالثواني .. تجدهم في كل مكان .. في المذياع والتلفاز والانترنت والجرائد والمجلات والصحف .. يهللون ويدعوننا للتهليل
    يصفقون ويدعوننا للتصفيق
    ينهبون .. ويريدون منا أن نسكت
    لا ورب العرش العظيم …

    وبعد ذلك تم الإعلان عن المحاسبة بالثواني .. فأصبح الناس يستبقون لكي يفعّلوا هذه الخدمة الجديدة

    دون أن يعلموا أن تكلفة الدقيقة أصبحت 9.6 وحدة ..

    منذ سنوات كانت بـ 10 وحدات
    لاحظوا كم أعادونا إلى الوراء

    أخوتي .. هذه دعوة إنسانية , دعوة اجتماعية , دعوة لدرئ السرقة والنهب اللذان عششا في عقول القائمين على هاتان الشركتان ..

    سنساهم في إعلام أكبر عدد ممكن من الأشخاص في سوريا الحبيبة

    وأنا واثق أنكم مللتم هذه التكاليف الباهظة ..

    حتى الميسورين من الناس .. يجدون أن هذه التكاليف بالمقارنة مع دول الجوار تعتبر كبيرة وباهظة وظالمة بحقهم

    ما هي مطالبنا :

    1- نريد تكلفة الدقيقة كلها أن تصبح كحد أعلى 3 وحدات .

    2- نريد ميزات جديدة وعروض مميزة تناسب قدر شركة قائمة في عرين العروبة سوريا .

    3- نريد تكلفة خاصة مخفضة للطلاب و المجندين في الجيش ” أسوة بالأردن القطر الملاصق لسورية ” .

    4- يجب أن تكون المكالمات مجانية في كل أيام الجمعة وفي جميع الأعياد الدينية والوطنية .

    هذه الرسالة هي صرخة أناس مظلومون .. وقد أصبحت بين يديك أيها الأخ الحبيب
    والله لا يرضى بهذا الظلم أحد
    هي دعوة للتفاعل .. لنكون يداً واحدة ضد الاستبداد والظلم .

    هذه الفكرة حضارية تناسب الواقع فلا نستطيع إلا أن نقاطعهم .

    صدقوني سيخسرون الكثير وسيرضخون لمطالبنا لأنهم لا يفقهون سوى لغة المال

    – وهي دعوة للقائمين على هاتان الشركتان نقول لهم :

    أيها السادة ماذا لو أصبحت تكلفة المكالمة قليلة ؟

    الجواب البديهي هو أن المكالمات ستتضاعف وستربحون هذا شيء مؤكد .. وسيصبح أي شخص عادي في سوريا من أصحاب المكالمات الكثيرة .. ستفعم الشركتين بالحيوية والعمل والنشاط .

    إخوتي لا تخافوا من شيء فأنتم في قطر عربي ديمقراطي

    وما تفعله هاتان الشركتان هو منافي تماماً لمسيرة التطوير والتحديث التي يقودها السيد الرئيس بشار الأسد

    فلن يستطيع الفرد أن يطور ذاته ومستقبله ومستقبل أبنائه إذا كان يدفع نصف أو ثلث راتبه أو دخله أجرة مكالمات هاتفية ..

    وأخيراً إلى الأحبة الذين يقطنون خارج سورية وتصلهم هذه الرسالة نرجوا منكم أن ترسلوها إلى أكبر عدد ممكن من السوريين وجزاكم الله على هذا الفعل الخير .

    الرجاء كل الرجاء نشر هذا الخبر لأكبر عدد ممكن من الناس قبل التاريخ المذكور

    30/3/2010

  91. السلام عليكم ورحمة الله

    أخي الكريم زاهر شققي اسعدني مرورك على المدونة والمشاركة ولكن لدي تعليق صغير عن ما ذكرته حضرتك
    هذه الحملة قاموا بها كثير من المواقع الالكترونية السورية من قبل وكذلك عن طريق موقع الفيس بوك وتم جمع اعداد هائلة ومع ذلك لم تلقى اي رد او جدوى .
    لذا اخي الكريم احترمت تعليقكك وطلبك وقمت بنشره على اللوح العام وكلنا معك وننادي بتخفيض اجور المكالمات ولكن اسمح لي وعذراَ منك في حال ورود اي تعليق من احد الزوار مخالف للشروط العامة سأضطر لعدم نشره لأنني لا أسمح ان تتحول مدونتي لصراع أطراف على أطراف اخرى .

    وكذلك اسمح لي اخي الكريم بخصوص تبني فكرة الموضوع من خلال مدونتي فلن استطيع فمدونتي هي مدونة شخصية تتحدث عن مواضيع عامة متنوعة وكذلك عن أخبار واحوال ومعلومات مدينتنا الغالية حماة فقط , لذلك لا اريد لها في يوم من الايام أن تتحول عن المسار التي تسير فيه .

    أتمنى ان لايفهم كلامي بمعنى آخر ولكن هذه فكرتي ومبدئي منذ انطلاق المدونة .

    تقبل تحياتي ,,,,

  92. الحمدلله ياربي الله رزقني زبون انشالله يكون مدسم بس للأسف ماعاد اغضر اني اربح على ابو يامن بسبب انكم صرتو من عضام الرقبه يالله خيرها بغيرها
    المحل محلكم الصدرإلكم والعتبه النا أهلا وسهلا فيكم
    اما بالنسبه للعزيمه وحياة عينكم لأعملكم عزيمه مطنطنه (غيرشكل)للأخ ياسر وزوجته وأبويامن وزوجته وجاري حسين وزوجته (حسين انت متزوج ما)
    بس بدي طلب صغيرمنكم انكم تعطوني خبر قبل يومين مشان ظبطلي شي سفره برات البلد اهرب فيها انا وزوجتي ههههههههههههههههههههههههه
    طبعا عم امزح مزح وحياة عينكم عزيمتكم علي بأحلى مطعم بحماه موافقين
    سلام للجميع (ابوهشام)

  93. مدام ام يامن انا عن جد صار عندي فضول اني أتعرف عليكي ولاحظتلك كأن مشيت الموضه صبي وبنت مو اكتر انا زميلاتي كلهم عندهم صبي وبنت
    الله يخليلك الياسمينه يلي عندك ويحفظلك (يمونه) من عيون الحاسدين يارب وبرجع بقلك بس تنزلي لحماه باخدك وبنروح انا وانتي على محل زوجي وبنقيلك احلى موبايل من عنده وحقه علي ولا تقولي ما بدي (الرسول قبل الهديه) أنا هيك عملت بخواتي وانتي بسعرهم وحياتك وبالنسبه لبيتنا مابيضيع حدا نحنا بالصحه
    وبالنسبه للمشاوير والسياريين عن جد بكره بتنزلوا ان شالله وبتشوفوا حماه ماأحلاها بالأخص هلق بلشت التجهيزات لمهرجان الربيع (شي حلو) حتى الاحلى من هيك بعد مامنعوا الطراطير بحماه كترت سيارات السوزوكي بالطرقات وصار كل واحد يحط عيلته ويقول الله على سد الرستن على السا قيه العريضة ابو قبيس
    على الكافات ومناطق كثيرة وكلها حلوه يعني صار يوم الجمعه بالرغم انه هو مقدس لفضيلته بس كمان صار مقدس عند النسوان كمان مشان يدرجوا مع زواجهم وبالنسبه ألي الحمدلله الله بعتلي ابوهشام بيحب شم الهوا بعض اوقات بالليل من كون نايمين الساعه 2 ليلا بيقلي اومي نتمشى بنركب السيارة وبنفتل حماه كلها لحالنا بالسيارة متل المجانين لصلاة الصبح من صلي الصبح وبعدها بنروح نام واحلى شي بحماه هو هدوءها بتطلعي على البرناوي بالليل بتلاقي مليان عيلات سهرانه
    صغار وكبار واغاني ام كلثوم بصوت عالي عن جد بتلاقي الها طعم حلووخاص بتمنى ماتفهميني غلط بس والله حماه غاليه على قلبي كتير كتير وامانه لا تأخذيني ست ام يامن طولت عليكي الحديث وشكرا اختك ام هشام

  94. اخ حسين ليش عم تسأل على هل العيله بيخصوك شي وعلى مين اسئلك بالزبط حدد الشخص بيجوز انا اعرفهم بالشكل بس كونو نحنا جيران تكرم عينك بس من هلق الخبر الحلو بوصله اما الخبر يلي موحلو شو ماكان بدك تعذرني ماراح وصله (اخويه) تفبل تحياتي

  95. عاشقة تراب سوريا (ام يامن ) قال:

    صباااااااااااااااحكم معطر بالصلاة على النبي العربي (اللهم صلي على سيدنا محمد وعلى اله وصحبه اجمعين ) السلام عليكم جميع …………. زوجتة الاخ ياسر كيفك شو اخبارك هه على قولة اخي ياسر طلعنا جيران تفضلو وشرفونا بزيارة منروح عالمبزرة او جبل حفيت واحلى مشاوي لعيونكم من عند زوجي من الملحمة شغل ايدو يعني والله بتشرفونا واذا ماساعتكم الارض منحطكم بعيونا انتو بس تفضلو زورونا تجدون مايسركم لسنا الوحيدون ولكننا الافضل ههههههههههههههههههههههههههههههههههههههههههههه قبلاتي لولادكم الله يحفظهم

  96. عاشقة تراب سوريا (ام يامن ) قال:

    السلام عليكم وجمعة مباركة انشالله اختي ام هشام الله يسعدلي صباحك ومساكي انتي واخي ابو هشام ومشان الموبايل رح اقبلو كيف ما اقبلو مشان خسر اخي ابو هشام موبايل هههههههههههههههههههههههههههههههههههههههههههههههههههههههه والله بعرفكن قدها قول وفعل والله بكلامك هالحلو ولسانك يلي بنقط عسل كان ملكتيني الدنيا كلا تسلمي لقلبي انشالله بتعرفي انا خوالي جيرانكم يمكن بيعرفهن اخي ابو هشام بيت الزبدي حتى خالي واحد منهم محامي اسمو عماد الدين الزبدي يمكن سامع فيه ……………………….. ياعيني نيالكم اللهم لا حسد رح يبلش المهرجان عندكم وشغلة بتصير حماه بكرا شي بياخد العقل انا اخر مرة حضرت فيها المهرجان من 6سنين كان بجنن وهلئ بنشوفو عالتلفزيون بس بعدين اختي ام هشام كلامك على البي متل العسل كيف بتقولي طولتي عليي وحيات ربي خواتي 2وانتي التالتة وبغلاتهم انشالله بس اجي على سوريا بجيبهم ومنعملك زيارة رح تحبيهم ونجتمع هيك جمعة خوات غير شكل والله يخليك ابو هشام ويديمو فوق راسكم قلتلو لزوجي شوف الرجال كيف بدلل نسوانها قلي اي بكرا بس ننزل على حماه بطالعك وش الصبح ههههههههههههههههههههههههههههههههههههههههههه بس هاد يلي عجبو بكل الموضوع اخي ابو هشام لا تراعيه بالموبايل خود منو اكتر من غيرو هههههههههههههههههههههههه ويسلم المحل وصحابو ويارب يجعلو اية رزق والله خجلتونا بلطفكم بس زكاتك اخي ابو هشام وانت طالع من الحاضر شي عشر باقات بقدونس للتبولة هههههههههههههههههههههههههه هي ضريبة لأنك بتجاكرنا بالخضرة الحموية صح اخي ياسر بجاكرونا ونحنا منتحصر سلام خاص من ابو يامن للاخ ياسر وبقلك شرفنا وانشالله رح يتعرف عليك عن قريب وكمان سلام خص نص لأخي ابو هشام طبعا في مصلحة وموبايلات وانا سلامي للجميع وطولبت عليكن لا تاخذوني ام هشام بوسيلي هشام وصبا ربي يخليك ياهن وتفرحي فيهن يارب سلااااااااااااااااااااااااااااااااااااااااااام

  97. بسم الله الرحمن الرحيم
    اهلا اختي ام يامن الله يبارك فيكي يارب ويخليلك يامن وياسمينه يارب بالنسبه لزوجي سألته عن خالك طلع بيعرفه عز المعرفه لأن هو كمان في واحد من شركاته من بيت الزبدي (حج ادهم)
    مابعرف شو بيقربك وايمتى نازلين على حماه شغلتكم طويله قريبه وبالنسبه للتبوله من كتر ماحكينا فيها صرت عاملتها عن جد شي 5 مرات ولما رحت لعند أهلي كمان عاملين تبوله هههههههههههههههههههههههههه
    على كل الاحوال انا في انتظارك حتى تجي انتي وخواتك وبجتمع فيكي انا وخواتي كمان اهلا وسهلا بس لما قال زوجي طعمة الخضرة الحمويه طعمتها غيرشكل عن جد كان صادق بكلامه انا لما تزوجنا بعد العرس بشي 20 يوم تقريبا سافرنا على السعوديه عملنا عمره انا وهو (شهرعسل) بقينا شي 25 يوم بين مكه والمدينه والطائف الله يطعمك زيارة النبي انشالله حقيقة طعمة الخضرة فيها مانها طيبه مافيها نكها يعني حاولت اعمله هنيك (تبوله فتوش خضر) مافيها نكهة الخضرة يلي موجودة بحماه بس قلي عبدالقادر نوعية المياه والتربه يلي بالسعوديه بتختلف عن يلي بحماه بقى معاكي حق مدام ام يامن انك تسمي حالك عاشقة تراب سوريا
    والله التراب اله نكهة والنكهة بدوقيها بالتبوله والتبوله عند الجيران والجيران مامعهم مفتاح والمفتاح عند الحداد ههههههههههههههههههههههههه
    هي كانت لعبه نلعبها وقت كنا صغار (حدي حدي رحنا وجينا على………………….) سلام زوجي لزوجك وبيقله اذا حب ينزل ويستقر بحماه يفتح ملحمه ضخمه وديكورها عال العال لأن الملحمات يلي عم تصير بحماه هلق للفرجه أكتر من الاكل كلها ديكورات ضخمه وجبصين وتعتيق بتحسي حالك داخله على متحف مومحل قصابه وكانت الملحمه ملحمه سابقا بس هلق لحم خاروف ولحم جمل ولحم عجل اضافه لجميع مشتقات الدجاج الشيش والشاورما وكل مطعم عم يفتح عم يساوي محل قعده طاولات وكراسي متل القصب باشي بالقصور لازم زوجك يعرفه ومع ذلك القصب باشي على عبره غيره يصنف لاشيء كونه مجاله ضيق
    بقى هي نصيحته لزوجك ونصيحتي أنا لالك اختي ام يامن اصبري مع زوجك والله النتيجه بعدين كمان هو موقليله غربته عن اهله مشان يأمن رزقك ورزق ولادك الااذا عندونيه يتزوج تاني مره أوعى ام يامن ضبي غراضك ونزلي لحماه فورا عال والله هههههههههههههه
    سلامي لولادك وامانه بوسيهم بوسات عني وقليلهم بتسلم عليكم خالتكم ام هشام باااااااااااااااااااااااااااااااي

  98. حسين مسلماني مغترب قال:

    السلام عليكم أخ ياسر التعليق ألي رسلتو فيه مشكله حتى ماوافقت على نشرو ياريت أعرف أذا ممكن حتى مايتكرر الغلط مره تانيه وشكرا ألك

  99. أهلا أخ حسين

    صحيح كلامك لم اقم بنشره لأن سؤالك للاخ عبد القادر يعتبر مو الأسئلة الشخصية ويجب عدم عرضها على اللوح العام والسبب الاهم انك ذكرت اسم الشخص والعائلة بالكامل وربما هذا الشخص يتدايق عندما يذكر اسمه وأن لديه بنت للزواج صح كلامي ام لا …!!

    تستطيع طلب ايميل الاخ عبد القادر ومراسلته وبالذات في هذه المواضع الشخصية

    تقبل تحياتي ….

  100. ممكن استاذ ياسر انك تعطي ايميلي للأخ حسين اذا فيني ساعده بأي شي ولك جزيل الشكر

  101. حسين مسلماني مغترب قال:

    السلام عليكم شكرا لك أخي ياسر وأنا أسف بتمنى تقبل أعتزاري بس أنا كان ولله قصدي شريف ومافي أي نيه سيئه بس شكرا ألك وعلى حرصك على سمعت الناس والمدونه وبكرر أعتذاري وتحياتي ألك أخي ياسر

  102. حسين مسلماني مغترب قال:

    صحيح نسيت خبرك أنا نازل سوريا خلال الاسبوع أنا اليوم خرجت نهائي عشان ضربت مدير الشركه ألي بشتغل فيها وأكيد راح نشوف بعض أذا راد وسلامي لجميع

  103. وين الست صفاء انشالله تكون بخير

  104. زاهر شققي قال:

    السلام عليكم .

    أخ ياسر ولا يهمك انا نيتي هي انو الناس تعرف بموضوع الحملة
    كلامك صحيح انو كتير من المواقع الالكترونية نشرت الخبر فيها وهي لفته كتير حلوة منهن
    بالنسبة للجدوى لسه ما منعرف ان شاء الله يكون في جدوى كبيرة من هالمقاطعة
    وهي دعوة للقائمين على هالشركتين ليفكروا بس شوي بمصلحة المواطن ..

    وبدي قول يعني انو كل رواد مدونتك من أفراد الشعب الغيورين على مصلحة الفرد بسوريا .. وما ممكن حدا يدافع عن هالشركتين لذلك نحنا واثقين ان شاء الله انو كل مين رح يسمح بالخبر رح يقاطع الجوال بهاليوم بالذات ..

    وبما انو مدونتك بتحكي عن مواضيع عامة فهالموضوع فيك تعتبره من المواضيع العامة اللي بتستحق انو الواحد يحكي فيها .. احسن من الحكي عن التبولة والأكل ههههههههه

    وبعدين هي الصفحة هي وجدت للتعارف والتحاور والتآلف بين الناس ..

    وحماة هي جزء من سوريا اللي صاير فيها هالمشكلة العويصة ..

    أخ ياسر انا بحييك من قلبي وبتشكرك لقبول وضع الموضوع بمدونتك الجميلة
    وتحياتي لجميع رواد المدونة وهالصفحة هي بالذات ..

  105. زاهر شققي قال:

    وفي خبر اليوم قرأته بأحد المواقع الإخبارية السورية .. مفاده انو شركة سيرياتل وام تي ان طلبوا من المؤسسة العامة للاتصالات انو توافق على وضع تكلف للتعليم ” يعني المسكول ” بس المؤسسة العامة للاتصالات طلبت منهن يلغوا الرسوم مشان يطبقوا هالتكلفة الجديدةقاموا رفضوا لهيك تم الغاء الطلب ..

  106. أوكي اخي عبد القادر راح ارسل ايميلك للاخ حسين

    أخ حسين مافي داعي تعتذر وبعرف قصدك شريف بس كان اعتراضي على ذكر اسم وعائلة الشخص أكيد حضرتك فهمت وجهة نظري , لك تحياتي …

    وعليكم السلام اخ زاهر
    مو مشكلة ممكن نعتبره للموضوع موضوع عام بس انا مابدي الموضوع يصير فيه أخذ ورد وبالنهاية كلنا بيعرف انو ماراح نستفيد من اعتراضنا صح ولا لا …!!
    وأخي مافي مانع الزوار يحكوا عن التبولة والأكل او اي شي بيخطر ببالهم طالما ضمن حدود الإحترام فهي صفحة عامة للجميع
    وتحياتي الك وأهلا وسهلا فيك دايما بالمدونة ….

  107. حسين مسلماني مغترب قال:

    السلام عليكم اخ ياسر في واحد جالس جنبي بيسلم عليك كتير هو كان يشتغل في مطعم الروضه في العين مامون النقار

  108. اي على راسي والله

    سلملي عليه كتير السلام من زمان ما شفناه او سمعنا اخباره

  109. حسين مسلماني مغترب قال:

    أخ ياسر هو حاليا بيشتغل هون في الدمام بيسلم عليك كتير

  110. بالتوفيق ان شاء الله

    سلملي عليه كتير السلام وان شاء الله الايام بترجع بتجمعنا ومنشوفه بخير وسلامة

  111. حسين مسلماني مغترب قال:

    السلام عليكم شو القصه اليوم مافي حدا ولافي أخبار عن الأكل والسيارين وغيرو

  112. محمد سليمان ابو عمر قال:

    السلام عليكم : الأخ ياسر
    دخلت اليوم مدونتك الجميلة وكانت بقربي الأخ عامر بارودي جارك مقابل بيتكم في حماه الأميرية وطلب ان اكتب لك على لسانه الآتي:
    كيفك يا أخ ياسر يمكن اتذكرتني لأني عرفتك دغري والله يرحم أبوك شو كان طيب شو اخبارك والله الغربة فرقت بين الشباب كلهم وانشاء الله بجمعنا بالصيف في الاجازة امانة اذا لازمك اي شي انا بالرياض اخوك عامر بارودي ابو احمد

  113. وعليكم السلام أهلين بابو عمر

    وأهلين بالاخ عامر ( أبو احمد ) طبعاَ بتذكرك والنعم والله من هيك جيران بس متل ما تفضلت الغربة فرقتنا بس الا ما تجمعنا الايام ان شاء الله
    والله بيشهد انكم من خيرة الجيران سلامي للوالد امانه اذا حكيت معه وبدي سلامتك من الرياض والله يجمعنا بشي اجازة عن قريب ان شاء الله

    تحياتي الك وللاخ ابو عمر لانو جمعنا معك واطمنا عليك

  114. ابو لجين قال:

    السلام عليكم
    حبيت شارك اليوم بهاالدعاء
    الدعاء الذي يخاف منه أبليـــس …‎

    الدعاء الذي يخاف منه الشيطان :
    اللهم انك سلطت علينا عدوا عليما بعيوبنا – يرانا هو وقبيلة من حيث لانراهم اللهم أيسه منا كما آيستـه من رحمتك وقنطه منا كما قنطـته من عـفوك – وباعــد بيننا وبينه كما باعـدت بينه وبين رحمتك وجنتك بسم الله الرحمن الرحيم لا اله الا الله رب السموات السبع ورب العرش العظيم .

  115. بسلام لكل أهل حماة وللأخ ياسر على هالمدونة الحلوة وعن جد انبسطت كتير واناعم بقرأ التعليقات وأسماء مناطق حماة والواحد ما بحس بقيمة بلدو وقدر محبتو بقلبو لحتى يبعد عنو وسلامي للجميع

  116. يسعد مساكم جميعاَ شو وينكم مختفيين ؟؟

    ابو لجين شكرا على الدعاء

    حماه في القلب : اهلا وسهلا فيك واسعدني مرورك على المدونة

    تحياتي لكم ,,,

  117. ابولجين قال:

    مرحبا كيفكم ونحنا مو مختفيين موجودين يعني حبيبنا ياسر مامنستغني
    جبتلكم اليوم شعر عن حماه بتمنا يعجبكم
    وسلامي لكل الموجودين

    لان القلب في الاعماق نادى لغير حماة ابدا لان اميلا
    حماة في شغاف الروح تثوي ودمعي كم سقا فيها الطلولا
    فليت الدهر ابقاني صغيرا ولم اكبر ولم اهوى الرحيلا

  118. اي والله يسلم هالتم يا ابو لجين على الشعر

    تحياتي الك ونورت المدونة بوجودك

  119. السلام عليكم ورحمة الله وبركاته
    الاخ ياسر وزوجته الاخ ابويامن وزوجته الاخت بنت النواعير الاخت صفاء الاخ حسين المسلماني جميع الزوار الكرام اسعدالله اوقاتكم وانشالله تكونوا يغربتكم سهيدين ومبسوطين وانشالله بترجعوا لبلدكم سالمين غانمين انتوا واولادكم يارب لكم تحية مني (عبدالقادرالشيخ موسى)ابوهشام

  120. السلام عليكم ورحمة الله وبركاته

    كيف حالكم جميعاااااااااااا بدون ذكر اسماء بخاف انسى حدا

    شكرا اخي ابو هشام على سؤالك .نحنا بخير ما بينقصنا الا شوفة بلدنا واهل بلدنا بألف خير….

    بس ممكن سؤال لاخي ابو هشام؟ انت محلك جانب بن المختار ماهيك وحتى محل بن المختار لبيت الشيخ موسى على مااذكر

    لان انا زوجي كنا بالإجازة كل يوم نمر لعنده ناخد قهوة ومكسرات وشكولاته وكتير اشياء مشان هيك حفظت انه لبيت الشيخ موسى

    وعلى كل حال والنعم فيك وفي كل الموجودين

    ودمتم بألف خير

  121. يسعد صباحكم جميعاَ

    أهلين بأبو هشام والله

    شو وين هالغيبة ماعدنا شفنا مشاركاتك اللطيفة حبينا نطمن عليك ونسمع اخبارك ابقى طلطل دايماَ لهون

    وأهلين وسهلين ببنت النواعير

    اي ها يعني لازم نتحركش فيكم حتى تشاركوا .. :)

  122. السلام عليكم اهلين بالاخ ياسر والله انا بالاكتر اشتئتلك الك ولمدونتك الرقيقة والشفافه وبحيك وبحي زوارك الاخص الحمويه شباب بلدي وبنات بلدي الاحرار
    وبالنسبه لبنتنا واختنا بنت النواعير صح محلي مقابل المختار والمحلين يلي جانب المختار (مغلقات)كمان النا امانه شرفينا بزياره بتتعرفي على زوجتي وبتعرف انا على زوجك (رب اخ لم تلده امك) حماه بلدك ومنشئك في انتظارك كي تعودي لاحضانها انتي وزوجك واولادك اذا كان عندك (الله يخليهم)وجميع المغتربين والمغتربات لبلدكم التي لاتنفصل عنكم ولن تنفصلوه عنها مدينتكم مدينه النواعير (حماه) والسلام عليكم ورحمة الله وبركاته

  123. السلام عليكم ورحمة الله وبركاته

    شكرا اخي ابو هشام انا بتشرف بمعرفتكم وان شالله بالاجازة بحاول اني ازور زوجتك اختي ام هشام

    انا عندي بنت وولد الحمد لله ونحنا بانتظار الاجازة على احر من الجمر لزيارة حماه واهلها واهالينا بنفس الوقت

    هالسنة انا جاية مع الاولاد بدون زوجي لان عنده شغل مابيقدر يسافر الله ييسر اموره واموركم جميع

  124. tabosho قال:

    الو السلام عليكم

  125. يسعد مساكم جميعا

    وأهلا بالأخ عبود

  126. ام هشام قال:

    مرحبا كيفكم شلونكم انشالله بخير كيفك بنت نواعيرتوصل بالسلامه يارب انتي واولادك والله يسرلزوجك والعمربده تضحيه (اللقمه مغمسه من دم) على كل حال بماانك عرفتي محل زوجي خلص ماضللك حجه عنوان بيتنا مابيضيع زوجي بيدلك عليه سلامي لولادك الله يخليلك ياهم بالمناسبه مابعرف اذا عم تقري التعليقات الماضيه من خلال حديثي مع بعض الزائرات على كل حال اي متى مانزلتي لحماه زورينا بتعرف عليكي وبتكون فرصه سعيدة انشالله بااااااااااااااااااي (ام هشام)

  127. السلام عليكم ورحمه الله وبركاته
    احلى تحيه وباقة ورد لكل احبابنا وزوار مدونتنا الغاليه مدونه الاستاذياسرعرواني حفظه الله ورعاه هووزوجته واولاده أما بعد.
    سبحان الله يراودني شعور عندما اكتب من خلال كمبيوتري المتواضع مع كل زائر أو زائره انني اعرف ذاك الشخص من بعيد اوقريب او حتى انني كنت على موعد معه بأن يحدثني بشكل يومي كي اطمئن عليه اسمع بعض الالقاب لتي تكتب (بنت النواعير- عاشقت تراب سوريا-حماه في القلب ) اعرف من خلالها حنين الاشخاص التي تكتب بتلك الاسماء لبلدهم كم مشتاقين لها ولمناطقها أذكر عندما كنت في بداية خدمتي الالزاميه اي مايقارب منذ 10 سنوات كنا في لبنان كنت اول مرة في حياتي أتغرب بها عن وطني الحبيب احسست بشعور غريب عندما تذكرت حماه وناسها الطيبين والله عندما ارى سيارة في لبنان الشقيق نمرتها سوريه اتمنى اني اعناق السياره او صاحبها من اشتياقي لمدينتي الغالية كنت اشعر بنفسي عنتر بن شداد عندما ادخل الحدود السوريه اللبنانيه متل يلي داخل بيته بدون مبالغه انشالله سبحان الله واظن شعور جميع الزوار متبادل مدينه حماه حلوة على بساطتها صحيح نحن جميعا ابناء النواعير عاشقين تراب سوريا وحماه في قلوبنا
    حماكي الله ياحماه ونحن مطمئنين بما اننا في عهد القائد المفدى بشار الاسد سددالله خطاه وامد في عمره وابعد عنه الاعداء والطغاة يارب امين امين والسلام عليكم ورحمة الله وبركاته

  128. السلام عليكم بتمنى يكون جميع المغتربين بخير وان شاء الله بيرجعوا لحضن الوطن سالمين وكمان اللي عايشين ببلدنا الغالي سوريا وبالأخص حماة يكونوا بخير
    وبصحة وسلام للجميع

  129. حسين مسلماني مغترب قال:

    السلام عليكم كيفكم شباب وبنات والله طاقه الشكله براسي أني أنزل على سوريا وما أرجع والله حلوه يابلدي أتمني لو ماني جاي من الاجازه عبدالقادر أول مابوصل سوريا راح أجي عندك وسلامي لجميع ولأخ ياسر وكل الأخوه الموجودين دعولنا نخلص من الغربه الكربه

  130. اهلا وسهلا فيك سيد حسين اصلا ماأحلاك ماتجي لأنو نحنا رفقا قبل ماتسافر كان عندي عصام وحكالي عن عذابك يلي تعذبته يالله الله يسرلك ويكون بعونك وعند الله مابيضيع شي اكيد وأنا بتمنى كل زائر مغترب اول ماينزل لسوريا انويزورني بمحلي عن جد نحنا اخوه بعهدالله كلياتنا شباب وبنات وكل المواقع الكتابيه قدتكون للتسليه وطق الحنك الا هل المدونة سبحان الله اصبحت الوسيله الصادقه انشالله للسؤال عن الاحباب والاصدقاء والاهل وبعيده كل البعد عن الكذب والنفاق بصريح العباره (مدونة جادة وصادقه ومحترمه وغيرقابله للاستهزاء والسخريه مثل بعض المنتديات ) وشكرا

  131. حسين مسلماني مغترب قال:

    أنا بتشرف أخي عبدالقادر وشكر كتير أكيد راح نشوف بعض أنشاء الله

  132. السلام عليكم ورحمة الله وبركاته

    صباح الخير وجمعه مباركه بإذن الله

    كيفكم اخي ياسر وزوجته وابو هشام وزجته وكل اللي متواجدين بالمدونة ان شالله تكونوا بأتم الصحة والعافية

    اهلين اختي ام هشام وانا الي الشرف بمعرفتك وان شالله اذا الله راد راح زورك واتعرف عليكي

    وسلامي الك ولكل اهل حماه نواعير حماه

  133. مسالخير للجميع اخواني واخواتي كيفكم انشالله تكونوا بصحه وعافية انتواأولادكم يارب
    مدام بنت النواعير شوهي (ابوهشام وزجته)زجتي اخدت على خاطرها هههههههههههههههههههه
    على كل حال تجي بالسلامه يارب سلامي للجميع والحمدلله رب العالمين أخبار البلد بألف خير ماناقصها غير شوفتكم
    اخ ياسر كيفك سؤال كيف ممكن حط صوره جنب اسمي متل ماعاملين بعض الزوار ؟؟؟؟؟؟؟

  134. صباح الخير للجميع

    أختنا بنت النواعير الله يسلمك اي ها هيك دايما طمنونا عنكم ما تغيبوا عن المدونة

    أبو هشام العزيز شو اخبارك ان شاء الله تمام بالنسبة للصورة لازم يكون عندك مدونة حتى تقدر تضيف صورة خاصة الك

    تحياتي ويسعد صباحكم جميعاَ

  135. هههههههههههههههههههه

    انا بعتذر اختي ام هشام عنجد موقصدي بس عم اكتب عالعتمة لان ابو حازم كان نايم مشان ماازعجوا

    والله احلى ام هشام ولا تزعلي

    لاتواخذوني انشغلت باختي ام هشام وماسلمت عليكم اخي ابو هشام واخي ياسر كيفكم ان شالله بخير

    بس اذا ممكن طلب اخي ياسر كيف بيتكبر الخط وقت التعليق مشان نتفادى هيك اخطاء زعلوا مني الجماعة

    مابيهون عليي زعل الغوالي

  136. السلام عليكم ورحمة الله بركاته
    بدي احكي نكته للست ام حازم (بنت النواعير) في حمصي بدو يتعلم الذكاء من أهل حماه راح نزل عالبلد شاف جمعت شباب حمويه قلون ياشباب بدي اتعلم الذكاء من اهل حماه قال واحد انت شواسم ابنك الكبير قلهم الحمصي ابراهيم اجا قال الحموي معناها انت ابو ابراهيم
    صفن الحمصي وقال شوعرفه والله انتوذكيين ياحمويه
    المهم هادراح على حمص فرحان ومبسوط انوا صار ذكي وتعلم الذكى وصل لحمص وجمع رفقاته اجى لعند واحد من رفقاته الحماصنه قلوشواسم ابنك الكبير قله رفيقه اسمه احمد اجى قله معناها انت اسمك ابو ابراهيم ههههههههههههههههههههههههههههههه
    بقى هيك صار فينا بالست ام حازم بما انوا قالت ابوحازم نايم معناها عرفنا شولقبها هي (ام ابراهيم) هههههههههههههههه عفوا ام حازم
    وبتسلم عليكي زوجتي كتير السلام وبتقلك هي مانها زعلانه منك وشكرا ………………………..

  137. ابوهشام قال:

    والله حبيتها لهالمدونة الله يعطيك العافية اخوي ياسر ويكترخيرك يااخي منيحة هيك حموية على بعضنا
    وباذن الله كلياتنا اخوة وبشكر كل مين عم يعلق بالمدونة وسلامي للكل بدون استثناء والله يردنا لبلدنا الحلوة حماة امين يارب العالمين
    وشكرا الك اخي ياسر

  138. ابوهشام قال:

    السلام عليكم جميعا
    واشكر الاخ ياسر عرواني على هالمدونة الحلوة
    واتمنى قبول انضمامي اليكم ولكم جزيل الشكراخوكم
    مصطفى قندقجي من حماة
    مقيم بقطر
    مرة تانية لك الشكر اخ ياسر

  139. عاشقة تراب سوريا (ام يامن ) قال:

    السلام عليكم ورحمة الله وبركلته كيف الجميع والله شتنقالكم كتير والله بيعلم كيفك اخي ياسر وكيف مدامتك انشالله بخير سلامي الها وللولاد ,,,,,,,,,,,,,,,,,,, اخي ابو هشام شو اخبارك انشالله بخير ……………. ام هشام الغالية كيفك والله شتقت لحكياتك وكيف الولاد هشام وصبا الله يحيمهم والله الكم وحشة بس انا كان النت عندي مقطوع وبعدين صار في عطل يلا المهم لما دخلت عالمدونة قريت تعليقاتكم واطمنت انكم بخير ييييييييييييييييييي………… والله اسفة نسيت سلم على بنت النواعير كيفك ام حازم يا خاينة انتي رح تنزلي اجازة هالسنة نيالك العترة عليي قاعدة هون مافي اجازة يلا انشالله السنة الجاية الله بيكتبلي ياها سلامي للجميع ولا تواخزوني اذا نسيت حدا ربي يحميكم جميع ………………………….

  140. arya قال:

    سلام اخ ياسر تقبلواغير الحمويين بينكم

  141. الأخ مصطفى ( أبو هشام )
    لا شكر على واجب اخي الكريم هذا اقل شي ممكن نقدمه لبلدنا وهو انو نعرف العالم على مدينتنا الجميلة اسعدني مرورك على المدونة والمشاركة واهلا بك صديق جديد بيننا

    أم يامن : أهلين وسهلين الحمد لله نحن بخير وعافية شو وين هالغيبة خلاص من اليوم ورايح راح سجل غياب لكل واحد بغيب كذا يوم :)
    تحياتي وسلامي لابو يامن

    arya : طبعاَ أخي أهلا وسهلا فيك المدونة صحيح معظم مواضيعها على مدينة حماة ولكن بالاول والاخير نحن سوريين واخوة بالاذن الله اسعدني مرورك على المدونة والمشاركة تقبل تحياتي ,,,

  142. السلام عليكم ورحمة الله وبركاته

    صباح الورد والفل والياسمين

    كيفكم جميعا بدون ذكر اسماء

    ماشالله شو هالذكاء اخي ابو هشام شايف انو اللي بعيش بحماه بيتمتع بذكاء عجيييييب هههههههههه

    اهلين اختي ام يامن كيفك وكيف الغربة معك الله يهونها عليي وعليكي على امة محمد

    انا نازلة مشان البيبي ينولد بأحضان بلدي والله يوفقك وييسرلك امورك مابتعرفي ممكن تصير فجأة ….كل شي متوقع

    وانت كمان ادعيلي الله يتممها معي

    وسلامي وشكري لكل المتواجدين ولا تحرمونا من هالطلة لاني ادمنت الدخول لهالصفحة كل يوم….

  143. ابوهشام قال:

    الله يسعد صباح الجميع ويجعلو يوم خير علينا وعليكم
    كيفكم ياجماعة انشالله بخير
    كيفك اخي ياسر

  144. أهلين بابو هشام شو الاخبار ان شاء الله بخير

    صار عنا 2 ابو هشام :)
    ابو هشام بحماه
    وابو هشام بقطر يالله ابو هشام تالت بيطلعلنا كنز ههههه

    وأهلين ببنت النواعير ( ام حازم )

    نورتوا المدونة تحياتي للجميع ……

  145. شوهاد صارفي ابوهشام تاني انا هلق فتت بالحيط بس انا ماعاد اعرف انا ابوهشام الاول ولا التاني ههههههههههههههههههههههههه
    بس شلون بدو يميزونا الزوار بالمخاطبه يجب ان يصير شوية تعديل على الاسم من عندي او من عند (ابوهشام) التاني هي شغلة
    امابالنسبه لام يامن شو أخبارك وين هالغيبه انشالله مبسوطه ماعدنا سمعنا شي عنك والله كمان اشتقنا لحكياتك الحلوة انشالله تكوني بخير
    شوهالاخبار الجديدة ام حازم بدك تولدي انشالله الله يتمم عليكي يارب ومن هلق طهور الولد علينا وتحلايته علينا انتي اخت النا هههههههههههههههه
    يارب تولدي بالسلامه ويجعلوه راضي مرضي بحقك و حق ابوه يارب أمانة لا تنسيني لا انا ولا زوجتي ولا اولادي (دعاء الحامل مستجاب) عن جد
    على فكرة والدتي دكتورة نسائية اذا بتحتاجي اي شي …………………… والسلام عليكم ورحمه الله وبركاته

  146. ابوهشام قال:

    مرحبا ياجماعة الخير شواخباركم كلياتكم انشالله تمام الكل بدون استثناء
    كيفك خيو ابوهشام الا ول انت الا صل شواخبارك انشالله تمام خلص خيو انا مصطفى
    كيفك خيو ياسر شواخبارك انشالله تمام الكنز بدو يطلع بوجودك ياغالي
    ياجماعة مبارح فتحت على موقع سوريا نيوز قريت قصة غريبة عن جد مبارح مانمت الليل انو شو صاير بالناس
    واحد من ريف حلب ساكن هو وابوه بنفس لبيت ومتفقين يتقاسمو فواتير المي والكهربا وابوه ماعم يدفع شي راح اخد ولادو اربعة وراميهم بالنهر طيب برايكم هدا بني ادم الواحد ئد ماكان بس ولادو
    على راسي اخي ياسر ولك جزيل الشكر على هالمدونة الحلوة
    والسلام عليكم

  147. أهلين بالاخ مصطفى ( أبو هشام )

    تسلم على الكلام الجميل وهذا كلو من زوقكك

    صح معك حئ والله انا قريت القصة من يومين بتصدق بعد ما قريتها وشفت صور الأطفال لابقى اقدر نام وانا عما فكر كيف أبوهم عمل فيهم هيك والله شي بيوقف شعر الراس انو كيف هيك أب بيرمي أولاده الاربعة قدام عينه وبيتفرج عليهم وهن عما يغرقوا …! ا جد شي مو طبيعي القصص يلي عما نسمعها .

    الله يرحمنا برحمته احسن شي

    تحياتي ,,,,

  148. نحنا من بعدك اخ مصطفى ولو انت الاصل عن جد لأن روح على مدونة القتل (الجريمه) بتلاقي انت الك تعليق قبلي واسمك يلي لفت انتباهي (ابوهشام) كونه متل اسمي بقى اخ ابوهشام انت الاول والاصل تكرم
    وبالنسبه لموضوع الجريمه يلي صارت بريف حلب كمان انا قرأتها بس تعودت على سماع هيك اخبار لاني مشترك بمجلة سالب موجب وهي مجله اسبوعية بتحكي عن جرائم المجتمع متل قصة قراتها كمان بحلب الام اتفقت مع عشيقها على ان يتخلص من ابنهاالوحيد الذي يبلغ من العمر14 سنه لأنه عم يضايقها الولد بأسئلته عن الرجل الذي يأتي اليها يوميا وزوجها مسافر فقام الرجل العاشق بقتل الطفل ورمي بالبئر بقى لاحول ولا قوة الا بالله العلي العظيم

  149. السلام عليكم ورحمة الله وبركاته
    كيفك ام حازم كيفك ام يامن كنت بتمنى اختي ام يامن تنزل لحماه هي السنه مشان هيك نساوي لمه حلوه نحنا النسوان ويصير عنا (كلام نواعم)هههههه
    بس للأسف قرأت انها مانها نازله يالله خيرها بغيرها أم حازم شوأخبارك تمام والله شغلتي بالي وديري بالك على الطريق ولا تقعدي بالمقاعد الخلفيه مشان الدجة (الخض) يعني بيأثر انشالله توصلي بالسلامة واذا بدك (مرة عمي حماتي )دكتوره نسائيه شاطره مولدة نص نسوان حماه (ايديها مباركات وولاداتها متل الصلاة على النبي الله يتمم عليكي يارب ودعيلي امانه ولزوجي واولادي كونك حامل وبالسعوديه
    صحيح ام حازم شوعندك اولاد (اكيد اذا في صبي اكيد اسمه حازم موابراهيم على قوله لزوجي ههههههههههههههههههههه
    على كل حال برجع بأكد سلامي لالكم ولكل بنت وزوجه معانا هون بالمدونه ولمدامة الاخ ياسر يلي تمنيت انويكون الها تعليقات خاصة باسمها حتى تكون صديقه واخت كمان غالية علينا والله يرجعكم لهل البلد سالمين غانمين انتوا واولادكم يارب مرزوقين اهم شي لان غربتكم كلها مشان الرزقه
    ست ام يامن لاتزعلي اذا مانزلتي لحماه هي السنه انا وزوجي كل سنه بنطلع عمره على السعوديه انشالله حنزورك هي السنه واتعرف عليكي بااااااااااااااااااااي

  150. صحي ام يامن انتي موبالسعوديه انتي بالامارات يييييييييييييييييييييييييييي على حظك المسخم يالله منشوفك السنه الجايه بصحة وعافيه

  151. السلام عليكم ورحمة الله وبركاته

    كيفكم جميع اخ ياسر وزوجته واخي ابو هشام واختي ام يامن ان شالله تكونوا بخير

    وتسلم اخي ابو هشام مابتقصر والله وربي يخليلك ام هشام وهشام وصبا ويديمك الهن

    اهلين اختي ام هشام كيفك انتي والاولاد والله لا يشغل لك بال انا بخير الحمد لله انا عندي اسراء عمرها 8 سنوات ونص وحازم 6 سنوات وحامل بالشهر السابع
    ونازلة عحماه بآخر الشهر الخامس بس مو بالبر رح انزل بالطيارة لان البر متعب كتير بالنسبة للحامل متل مابتعرفي

    وانا اللي الشرف بمعرفتك انتي وحماتك بس على فكرة شو اسم حماتك اذا مافي احراج طبعا

    لان لسى مو عارفة وين بدي اولد لان الدكتورة اللي بتابع معها دائما عملت حادث سيارة من فترة واللي بعرفه انها لحد الان تعبانة اكيد عرفتيها

    وبدي اشكر الاخ ياسر على هالمدونة الجميلة اللي خلتني اتعرف على احلى ناس

  152. محمد سليمان ابو عمر قال:

    أبشع جريمة سمعنا عنها (الله يستر شو صار آخر زمان )

    أب يرمي أطفاله الأربعة ويغرقهم في سد الفرات

    أقدم رجل في العقد الثلاث من عمره على رمي أطفاله الأربعة (صبيين وبنتين) أكبرهم طفلة في الخامسة من عمرها ، وأصغرهم طفل لم يكمل عامه الأول بعد في سد الفرات اليوم الجمعة الأمر الذي تسبب بغرقهم جميعاً .

    ونقل موقع عكس السير الكتروني الخاص عن مصادر مطلعة أن عناصر الشرطة تمكنت من القبض على ” الأب ” والذي يدعى ” زكريا. ض ” وهو من قرية المنكوبة والتي تتبع لمحافظة حلب والقريبة من سد الفرات ،و اعترف الاب فوراً بإقدامه على إغراق أبنائه الأربعة في مياه السد “.

    وقد استقل الاب سيارة اجرة من قريته واتجه إلى سد الفرات مصطحباً معه أطفاله الأربعة ( طفلتين وطفلين ) ، وقام بالتقاط صور قبل ارتكابه للجريمة .

    وبعد أن نزل من التاكسي طلب من السائق أن ينتظره بعيداً ريثما يوصل أطفاله ، دون أن يعلم السائق بأن الرجل ينوي قتلهم .

    واعترف الأب ” أنه قام برميهم تباعاً ، حيث بدأ بابنته الكبرى ، وأتبعها بأبنائه الثلاثة ، وانتظر حتى تأكد من غرقهم ، قبل أن يعود إلى التاكسي ويرجع إلى قريته”.

    وأعاد سبب إقدامه على ارتكاب الجريمة إلى ” خلاف وقع بينه وبين والده حول عداد ماء ، فأراد أن يتخلص من أبنائه كنوع من العقاب لوالده كونه يحبهم “.

    وعثر عناصر الإطفاء والدفاع المدني على الأطفال الأربعة ، حيث كانوا مفارقين للحياة ، وقد بدت على أجسامهم بقعا زرقاء ، و أجسامهم كانت قريبة من التجمد .

    يذكر أن ” الشهداء ” الأربعة( صبيين وبنتين ) ، وأشار مصدر مطلع إلى أن ” الأب ” القاتل يعمل في فرن آلي ،و لا يعاني من اية مشكلة عقلية أو عصبية .

    شام بوست

  153. ابوهشام قال:

    السلام عليكم ورحمة اللع وبركاته الله يسعد اوئاتكم جميعا
    كيفك اخي يلسر شواخبارك انشالله تمامالكلام الحلو هدامن ذوقك
    اخي ابو هشام الغالي كيفك والله هدا من طيب اصلكم
    والله ياجماعة صارزماننا اخر الزمان والله يجيرنا من الا عظم بجاه الحبيب محمد الناس تغيرت كتير والله يتغمدنا برحمتو
    لا تاخذونا ياجماعة على هالحكي ينكم الواحد مننا بيدخل على هالمدونة مشان يبعد شوي عن حياة العمل والملل بس حبينا نحكي القصة للي ماسمعها
    ولكم جزيل الشكر
    تحياتي الك اخ ياسر وشكرا

  154. صباح الخير للجميع معطر بالصلاه على النبي اخي ياسر مدام ام حازم اخ مصطفى اخت ام يامن اسعدالله صباحكم وانشالله تكونوا بصحة وخير طمنوني عنكم نحنا بحماه بخير وبالمناسبه سجلت على براكية خليوي بالمهرجان تبقى امانه زوروني الكم حسم خاص على كل شي وحياة عينكم الله يسرلكم اموركم والسلام عليكم

  155. ابوهشام قال:

    السلام عليكم كيفكم ياجماعة انشالله خير
    كيفك اخي ياسر الغالي
    شو ايمتا المهرجان ان الله يسر

  156. يسعد مساكم جميعاً

    أهلين بابو هشام شو اخبارك وأخبار أهل بيتك ان شاء الله بخير , مبروك البراكية وان شاء الله بتكون آية رزق وبالتوفيق ان شاء الله

    وأهلين بالاخ مصطفى ( ابو هشام ) نحن بخير الحمد لله انت كيف الاجواء عندك بقطر ان شاء الله الامور تمام

    بالنسبة لمهرجان ربيع حماة الثالث عشر الافتتاح ان شاء الله في الأول من أيار القادم .

    وسلامي للجميع بدون ذكر اسماء :)

  157. الله يبارك بعمرك يارب اخ ياسر واخبارنا الحمدلله عال العال داعين بالتوفيق انشالله

  158. ابوهشام قال:

    الله يسعد مساكم جميعا
    ابوهشام اخد براكة الله يجعلها اية الرزق يارب
    وانشالله هالمهرجان خير على كل اهالي مدينة حماة
    انا اخي ياسر داعيلك واموري تمام الحمد لله وانشالله انت امورك خير
    والله مبارح طول الليل عم تشتي بس الجو نار
    وتحياتي للجميع وعلى راسي اخي الغالي ابوهشام واخي ياسر

  159. arya قال:

    سلام عليكم اخ عبد القادر كيفك اسمك كيف ينكتب قصدي كنيتك شيخموس مو هيك اصح لان بصراحة اسم كنيتك يشبه اسامي الاكراد انا اريا بسلم عليك من القامشلي

  160. احلى شباب والله كيفكم اخ ابوهشام الله يسلمك يارب ويردك سالم غانم
    على راسي اخ اريا صح كلامك انا كان معي واحد بالجيش كردي من القامشلي من بيت الشيخموس بس انا كنيتي الشيخ موسى وحموي ابا عن جد
    واهلا وسهلا فيك صديق واخ
    بهدي اغنية (الغربه) لفارس كرم لكل المغتربين والمغتربات وزوار المدونه الحلوه والسلام عليكم

  161. ابوهشام قال:

    السلام عليكم جميعا شواخباركم ياجماعة انشالله خير
    كيفك اخي ياسر انشالله تمام
    الغالي ابوهشام كيفك ياغالي والله يسلمك على هالدعوة والله الغربة صعبة بس الله بيعين الحمد لله
    يارب الله ينولكم يلي ببالكم جميعا انشالله
    تحياتي للجميع وللاخ العزيز ياسر

  162. يسعد مساكم جميعاً

    شو اخباركم ان شاء الله بخير الاخ عبد القادر ( ابو هشام وزوجته ) والاخ مصطفى ( ابو هشام ) والاخ او الاخت أريا والاخ محمد سليمان ولام يامن ولام حازم وللاخت صفاء الغائبة معنا ولجميع زوار المدونة .

    اليوم الصبح قريت خبر والله زعجني بيقول الخبر :

    سبع اطفال أكبرهم هيام 11 سنة واصغرهم سيدار طفلة رضيعه عايشين في بيتهم بمنطقة الجراجمة بحماه بدون رعاية من احد حتى الطعام اذا لم يأتيهم من عند الجيران لا يأكلون ويجوعون كثيراَ ولا يستطيعون تدبير امور الطفلة الرضيعة شيئ محزن والله العظيم
    لا حول ولا قوة الا بالله شو ذنب هالاطفال والله تقطع قلبي عليهم

    مع العلم انو الاب والام وأختهم الكبيرة المتزوجة جميعهم بالسجن لاسباب لم يفصح عنها .

    الله يكون مع هالأطفال ويبعتلهم ناس حناين ترعاهم وتدير بالها عليهم .

  163. أخ ياسر ممكن تعطيني معلومات مفصله عن هذه العائلة ممكن نساعدها أنا والبابا ماديا أو ممكن البابا يتبناها مثلا

  164. والله يا اخ ابو هشام ماعندي اي معلومات عن هالعائلة بس متل ماعما قلك قريت الخبر بجريدة الفداء واتدايقت كتير على حال الاطفال وياريت لو تقدر تستفسر عن الموضوع او القصة ونحاول كلنا انو نساعدهم

    الله يكون بعونهم وييسر امورهم …

  165. السلام عليكم ورحمة الله وبركاته…

    كيفكم جميعاآآآآ بدون ذكر اسماء ان شالله تكونوا بخير.

    مبروكة البراكية اخي ابو هشام والله يجعلها اية الرزق ان شالله

    كيفك اختي ام هشام وكيف القمرين اللي عندك الله يخليلك اياهن واختي ام يامن شو اخبارها ماعم نشوفها هالايام ان شالله غيابها خير

    شو هالخبر اخي ياسر والله زعلت كتير عليهم بس معقولة مالهم اقارب ولا حدا بيعرفهم الله لا يبلينا ولايبليكم

    الله يكون بعونهم ياااااااااااااارب

  166. الله يبارك بعمرك يارب أخت ام حازم عقبال لما تفرحي بمولودك الجديد يارب وبتقلك زوجتي القمرين يلي عندها ما عما يخلوها تنام لا صبح ولا مسا هههههههههههههه

  167. صفـــــاااء قال:

    صباح الخير عالجميع
    كيفكم ان شاء الله بتكونو بخير وسلامة <<<>>> شو هالمدونة صايرة بتجنن بوجود الحمويين الجدد <<< الله يديم المحبة يارب …ولا تاخزوني عالغياب الطويل وهي رجعنالكم واشتقت للكل وشكرا كتير لكل مين عم يسال عني وقرات التعليقات كلها والله يعطيكم العافية ومنورين كلكن كلن نفر نفر

    والشكر الجزيل للاخ ياسر

  168. ابوهشام قال:

    السلام عليكم كيفكم ياجماعة كلكم انشالله تمام
    كيفك اخ ياسر انشالله تمام
    اخ ابوهشام كيفك خيو مالنا غيرك شفلنا الجماعة ونحن جاهزين للمساعدة انشالله
    والله ياجماعة قصة غريبة عجيبة بس ياحرام شوذنب هالاطفال
    الله يتغمدنا برحمتو ويرحمنا يارب ويجيرنا امين يارب
    مع تحياتي للجميع ولكم جزيل الشكر
    تحياتي الك اخ ياسر

  169. وعليكم السلام اهلابالاخ مصطفى ابوهشام انشالله عم نحاول نوصل للعائله بس ماشالله اهل الخير متوافدين قبلنا بس ليجي دورنا في ناس سبحان الله سباقه للخير وفعل الخير الله يكتبلنا الثواب يارب
    اما الست صفاء كيفك عن جد الك وحشه وين هل الغيبة الحاضر واهل الحاضر اشتاقولك انشالله ماصاير معك شي يعني غبتي كم يوم صارفي ابو هشام تاني بكره بس تغيبي اكتر بوعدك انك تجي تلاقي 20 ابوهشام هههههههههههههههههههههههه
    بس عن جد هدئت المشاحنه بين السوقية والحواضريه بغيابك وقف ضرب المواس والسكاكين والحمدلله من الحاضر مافي ولا اصابه بس بالسوق صار في 30 اصابه خطره و5 قتله يالطيف هههههههههههههههههههههه
    مع احترامي لاهل السوق والحاضر كلنا اخوه بس حابب امزح مع الست صفاء وزوجتي لأنها من السوق كمان هههههههههههههههههههه لاتواخذونا

  170. يسعد مساكم جميعاً

    واهلين وسهلين بالست صفاء والله طولتي علينا الغيبة شو اخبارك ان شاء الله تمام ان شاء الله تكوني بخير وعافية

    واهلين بالاخ مصطفى ( ابو هشام ) انا بخي الحمد لله انت طمنا عنك ان شاء الله بخير وعافية والله معك حئ قصتهم بتدايق كتير هالاطفال الله يكون الهم معين ويبعتلهم ناس حناين توقف معهم .

    وأهلين بأبو هشام الأول :) ياسيدي عن جد فرحتني انو في ناس وصلهم خبر هالاطفال وعما يساعدوهم وانت شوف الامور اذا في اي شي انا جاهز للمساعدة ان شاء الله وتحياتنا لوالدك الله يطول بعمروا .

    تحياتي للجميع …

  171. على راسي استاذ ياسر (الدال على الخير كفاعله) كلكم خير وبركه وهي نظرتنا بالحمويه (أهل الخير) الموضوع صاربأيدالبابا وماسمحلي اني اتدخل لأن الخبر قرئه قبلي بجريدة الفداء واتفاجئ عندما قلتله على العيله قلي الموضوع تركه الي ومايكلك فكر وامرني بعدم التكلم لأجل الثواب
    بس انا طلعت مرضي زيادة ماحكيت بناء على طلبه بس نشرته على الانترنيت (خرج اتأمن على سر)ههههههههههههههه شورأيك استاذ ياسر مرضي أناولا شو
    سلام للجميع

  172. أكيد مرضي للوالد والوالده والزوجه :D

    وشغله تانية انت نشرت الخبر عندي بالمدونة مو على الانترنيت هههههه ( هي سحبه حمصيه )

    أحلى ابو هشام وتحياتنا للوالد والله يجزية الف الف خير

  173. ابوهشام قال:

    السلام عليكم كيفكم ياجماعة انشالله بخير
    والله انا اخي ياسر انا كتير منيح الحمد لله وانت ياغالي الله يجزيك الخير على هالمدونة الحلوة
    واخي الغالي ابو هشام الله يخليلك الوالد وبعطبكم العافية مابتقصرو والحمد لله هدا الشي بيدل على نخوة الناس الحموية
    الحمد لله ياجماعة والله يرحمنا ويجيرنا
    والله يعطيكم العافية والك اخي الغالي ياسركل الشكر

  174. صباح الخير لكل اهل حماة الطيبين داخل حماة وخارجها والله عم اقرا الكتابة تبعكم والدموع عم تنزل الله يزيدك شرف يا حماة تقبلوني اخت معكم وهدا شرف الي طبعا انا من الحاضر مقيمة بالكويت

  175. صباح الخيرات والليرات كيفكم شباب أخ ياسر الغالي أبوهشام الملك شلونكم
    بتصدقوابالله اني صرت عم احكي معكم اكتر من رفقاتي يلي بعرفهم من اكثر من عشر سنوات هدوك مابحكي معهم بشكل يومي الله يوفقكم يارب (شومشان شو)النزله يعني لحماه ماعرفنا مين نازل منكم هي السنة وايمتى بالنسبة للاخت ام يامن عرفنا انها مانها نازله والست ام حازم الله يكون معها نازله لحماه على اواخر الخامس بس انتوا متى انشالله تحياتي الكم

  176. اهلا وسهلا أختي ام محمد نحنا كلنا اهلك وثقي تماما نحنا ما منعرفك بس قلبنا معاكي ومع كل انسان او انسانه مغترب عنا ويارب ترجعي لبلدك سالمه غانمه انتي وعائلتك يارب تحياتي الك

  177. ابوهشام قال:

    السلام عليكم كيفكم ياجماعة الغالي ابو هشا م شواخبارك انشالله بخير انشالله الكل بدو ينزل ويلي مابدو ينزل الله ييسرلو يارب
    اخي العزيز ياسر وانت ايمتا نازل انشالله بدنا نعملنا جلسة مع بعض بحما ة انشالله والله اني حبيتكم من ئلبي
    الاخت ام محمد ميت السلامة فيكي اخت عزيزة
    لاخت صفاء المدونة حلوة بوجودك واهلا فيكي اخت غالية كمان انشالله

    وجزيل الشكر للاخ ياسروشكرا للجميع

  178. يسعد مساكم جميعاً

    وأهلين وسهلين بالضيفة الجديدة الاخت المهندسة ام محمد ترا البيت بيتك هااا مافي حدا غريب :)
    اسعدني مرورك ومشاركتك بالمدونة وان شاء الله دايما بتكوني معنا وسلامنا لأخونا ابو محمد

    وأهلين بابو هشام الاول وبالأخ مصطفى ابو هشام وبالاخت صفاء وبكل الزوار ما شاء الله صرتوا كتار اذا بدي اقعد عد فيكم ما بخلص الله يديم المحبة بينا ان شاء الله

    هلئ بالنسبة الي نزلت راح تكون بعد رمضان اذا الله راد لاني بالصيف ماراح اقدر انزل هالسنة في شوية ظروف عندي بالشغل مابقدر انزل حتى تخلص مع اني متمني اجتمع مع الشباب الطيبة أمثالكم ونتعرف عن قرب على كل حال ان شاء الله يوم بدي انزل راح اعطيكم خبر وزودكم برقم تلفوني منشان نتواصل مع بعض وطبعا شرف كبير اني اتعرف عليكم

    وبالنسبة لابو هشام الاول اكيد راح نشوفه لانه لازق بحماه :)

    تحياتي للجميع ,,,

  179. بس تجي أبو بسام راح الك أهليــــــــــــــــــــــــــــــــــــــــــــــــــــــــــــــــــن باحلى عكيد هالرقبه سدادة اي والله حيالله ماشالله (وينك وينك ياناموسه) ههههههههههههههه اهلاوسهلا باابوبسام الغالي

  180. صفاااء قال:

    صباحكم فل وورد وياسمين اهلا وسهلا بالكل ماشاء الله هالسنة معناها رح تكون الهدايا كتيرة ههههههههههههههههههههههههههه والعزايم اكتر

    كيفك اخي ياسر << صارت المدونة بدها خرزة زرقا مشان العين واهلا وسهلا باخي ابو هشام نمبر 1 ونمبر 2 المدونة حليانة بوجود الطيبين امثالكم واهلين بام محمد مية السلامة نورتينا وبطمنك ابو هشام انا بخير الحمد لله هههههههههههههههههههههه غبت عنكم حسيت حالي بدي موت بشي ضربة سكينة من الحواضرية قلت اهربي يا بنت كم يوم غيبي عن العين مشان هيك هديت المشاحنة شو بيكم بقا ما حكينا شي عن الحواضرية

    سلامي واحترامي للجميع

  181. ياباطل س€ت صفاء مين يلي بدو يضربك سكينه وانا موجود هون بس بدو حدا يحكي معك ممممممممممممممممممممممممم تبقى مممممممممممممممممممم
    تبقى تبقى ؟؟؟؟؟؟؟ ممممممممممممممممم بيعينك الله هههههههههههههههههههههههههههه

  182. خبر طازه اليوم وصل
    اغتصب شقيقته .. وقتلها حتى لاينكشف أمره ..!

    حماة – الفداء
    الصفحة الأولى
    الاثنين: 19-4-2010
    أسعفت إلى المشفى الوطني بسلمية مفارقة الحياة المدعوة /غ – م/ تولد 1995 إثر اصابتها بطلق ناري بمنزل ذويها .

    وقد أولى السيد اللواء محمود سعودي قائد الشرطة اهتماماً لهذا الحادث المؤسف وطلب التحقيق السريع في أسباب وملابسات هذا الحادث والقبض على من قام بهذه الجريمة .‏

    وعلى الفور حضر السيد رئيس النيابة العامة بسلمية إلى المكان على رأس دورية من الشرطة ودورية من قسم الأدلة الجنائية بفرع الأمن الجنائي بحماة وتم الكشف عن منزل المغدورة بالقرية . حيث عثر على مسدس حربي بغرفة المغدورة نوع برواننغ عيار /9/ملم عائد لوالدها .. ومقذوفة فارغة من نفس العيار كما حضرت هيئة الكشف وتولت التحقيق وتبين أن أسباب الوفاة هو الأذية الدماغية والنزف الدماغي الناتجان عن تهتك المادة الدماغية بسبب الطلق الناري .‏

    وفي التحقيق الذي جرى حول أسباب وملابسات هذه الجريمة والتوسع بالتحقيق مع المشتبه بهم اعترف شقيق المغدورة المدعو /و/ باقدامه على مداعبة شقيقته منذ ست سنوات كما اعترف باقدامه على اغتصابها منذ حوالي /15/ يوماً في منزلهم بالقرية .‏

    وبعد ذلك أقدمت المذكورة على تهديده بإعلام والديها بالأمر .. ونتيجة لتكرار التهديد أقدم على قتلها بغرفتها بالمسدس الحربي العائد لوالده ..!؟‏

    كما اعترف بإرسال رسالة من جهاز خليوي عائد للمغدورة إلى المدعو /م/ التي تربطه علاقة عاطفية معها يطلب بالرسالة باسم شقيقته الحضور بسرعة .. بهدف استدراجه لمنزل المغدورة وقتله أمام الناس لابعاد الشبهة عن نفسه وتبرير فعلته وأنه أقدم على القتل بدافع الشرف ..؟‏

    كما اعترف أيضاً أنه قتلها بغرفتها المستقلة ورميه للمسدس بجانب الجثة .. ومن ثم اقفال باب الغرفة عليها ورميه المفتاح في الشارع العام بجانب المنزل وبتحري منزل المغدورة عثر على بارودة ايطالية أوتوماتيك عيار /12/ملم مرخصة باسم والدها ومذخر مسدس عيار /9/ملم وبضمنه /14/ طلقة حية وأربع طلقات لبارودة صيد عيار /12/ملم وتم تسليم الجثة لذويها أصولاً واحالة شقيقها القاتل إلى القضاء لينال جزاءه العادل

  183. والله خبر بيطير العقل معقول في ناس بهالوحشيه لا حول ولا قوة الابالله والله هاشي مابيجوز ولا بأي دين من الديانات حسبي الله ونعم الوكيل

  184. أهلين اخي ابو هشام والله قريت الخبر من الصبح وكنت ناوي نزله بالمدونة بس انشغلت شوي

    يالله هي انت نزلته فيك البركة

    بس بالفعل شيئ مزعج انو نسمع بهيك جريمه اغتصاب وقتل ولشقيقته هذا الانسان مو طبيعي أكيد مريض

    لا حول ولا قوة الا بالله

    يسلمو ابو هشام

    تحياتي ,,,,

  185. هاي بنات وصبايا كيفك أختي ام هشام كيفك مبسوطه انا بعرفك كتيير منيح وانت بتعرفيني درسنا سوا بجامعة البعث وتذكرتك من اسم زوجك عبد يلي كان
    يوصلنا بسيارته لحمص انا وانتي وكم وحدة تانيات شو اخبارك كم ولد صار عندك الله يخليلك زوجك ابوهشام ويهنيكي فيه يلي ماكنا نعتبره الامتل اخونا عن جد
    بالنسبه لأخباري انا الحمدلله كمان تخرجت واخدت ساعات بمدرسة ثانوي وتزوجت مهندس كمبيوتر بظن بيعرفه زوجك عبد لان زوجي بيعرف زوجك ابوهشام وصار عندي صبي (تيم) والبنت (تاله) بس بتعرفي صار عنا مسؤليات وهموم وماعاد نغضر نتواصل مع بعضنا على كل حال من تعلياقتك مبين عليكي الحمدلله مبسوطه وماشالله زوجك متل ماهو دماته خفاف الله يديمه الك يارب اختك ورفيقتك (ه ك)يلي بتحبيها باي

  186. اهلا وسهلا بالحمويه يلي انتي من نص حماه اول شي عجبتني هي دماته خفاف وصيت امبارح على اربع كياس دم مشان صير دماتي تقال هي واحد
    تنين فوتي مرتي بخمسين حيط فتحت موبايلها ودفتر هواتفها عم تتذكر اسماء رفقاتها مين هي هاء كاف وماطلع معها شي لأن رفقاتها كتار اكتر من النمل
    وانا كمان ماتذكرتك لان ذاكرتي ضعيفه كتير ههههههههههههههه
    انتي انو وحده ام البانطوالكحلي والحجاب الابيض ولا ام البنطرون الجينز والبلوزة الخضره ولا ام الشنتايه يلي عليها صورة تامر حسني ولاام البانطو البني يلي محروق طرفه يعني موكتيرمحروق شوي اي اي تذكرت انتي يلي تحت عينك اليمين في شامه قد راس الدبوس موهيك يالله عن جد ذاكرتي ضعيفة مشكلتي بستحي انا مابطلع ههههههههههههههههههههههه
    عن جد رفعي المزح ممكن تذكري اسم زوجك ممكن من خلاله بيجوز اعرفه وزوجتي تعرفك اوتتذكرك لأن صارلها سنتين متخرجة وما بتتذكر رفقاتها كتير وشكرا الك

  187. اوههههههههههه
    شوهاد ياعبد بهنيك على هالذاكرة الضعيفه يلي عندك ذاكرتك ضعيفه وهيك شلون ماتكون قويه بتفصلنا تفصيل معناها ههههههههههههههه
    رايحه ذكرك عن جد لأني مافيني اذكر اسم زوجي ولااسمي بدون احراج لأنك راح تتذكرني تتذكرلما نزلتني قدام بيتي بالوادي واجى شب سلم عليك اسمه (وائل)ونزلت انت من سيارتك وسلمت عليه وعرفك بنفسه انه هو اخوي وطلع رفيقك
    بس ان تذكرت الموقف هاد بتتذكرني انت وزوجتك بالمناسبه شوعندك سيارة هلق لأن بعرف هوسك السيارات سلامي لرفيقتي وحبيبتي ام هشام رفيقتك (هنا)(ك) باي

  188. السلام السلام عليكم ورحمة الله وبركاته
    عن جد انتي هنا اخت وائل كيفه وائل كيفون اهلك تمام انشالله اخبركم بخير على كل حال بكره عم تقلي زوجتي يتزورك بيبيتك حتى زوجك بعرفه عز المعرفه
    مجد أبوتيم شواخباره كان بظن عم يشتغل بأبوظبي مهندس شبكات بشركه ضخمة موهيك الله يحميه يارب غالي علي ابوتيم من شي سنه عرض علي اني اطلع معه على ابوظبي وعطاني عرض مغري بس بسبب بتعرفي زوجتي مانعت اني سافر بس عن جد انا وزوجتي مستغربين انك تدخلي عالنت على كل حال بتقلك زوجتي جهزي حالك بكرة جاي لعندك وهلق بتدق لعند أهلك بتاخد رقم بيتك بتحكي معك بث مباشر هههههههههههههههه
    انتي اخت غاليه علينا بس بسبب تغيرات الاحوال متل ماتفضلتي العمل والمدارس والاولاد انا وزوجتي انشغلنا كتير عن اصدقائنا انا التزمت بمحلين المحل بالحاضر ومحل بساحة العاصي بس اليوم مكرب شوي ما داومت قاعد بالبيت وفاتح النت عم اتسلى مع الشباب على فكره ام تيم خليكي هون بالمدونه احلى شباب واحلى بنات غير كل المنتديات والناس يلي هون كلهم محترمين ومؤدبين وكلهم مغتربين وحمويه وقلبهم معلق بالبلد بكره اذا الله راد اذا شفتك بنحكي بتقلك زوجتي قال انتي شاطره بالكاتو (فهمك كفايه)هههههههههههههههههههه وبالنسبه للسيارات عندي هلق سياره كيا سيراتو موديل 2010 سوداء كان عندي على ايامك الكياريو البيضا غدا نلتقي بااااي

  189. شوهاد استاذ ياسر كتر خيرك والله وصلتنا بأحبابنا الله يعطيك العافية هي المخلوقه مدام هنا صديقه غاليه علي وعلى زوجتي من اخواناالمسيحيه بس والسبع تنعام منها ومن اهلها احلى ناس والله بتحب الخيرلكل الناس وزوجها متلها ممكن ترحب فيها استاذ ياسر صديقه للمدوته بحسب المونه

  190. اي اهلا وسهلا بالاخت ام تيم صديقة اختنا ام هشام

    شايف صار فيكم متلي انا عن طريق المدونة رجعت كذا صديق من ايام المدرسة وكانت اخبارهم مقطوعة عني :)

    اي هيك دايماَ ان شاء الله الحبايب بيجتمعوا مع بعض وأكيد هالشي بيسعدني كتير

    تحياتي يا ابو هشام بس شو منشان الذاكرة القوية ؟؟ :) يعني ام تيم ما خلت علامة وعطتكم اياها وماقدرتوا تعرفوها ههههههههه

  191. على راسي ابوبسام الغالي هههههههههههههههههههههه بس عن جد زوجتي رفقاتها بالجامعه كتار وكنت ايام الخطبة (نخوه ) اخدها لحمص بسيارتي الها ولرفاتها البنات وياما تخالفت من تحت راسهم بسبب العدد الزائد وكنت اعملهم تدريجه بحمص وشوارعها وخالف الاشارات والحمدلله الشرطه ماتلحق تسجيل النمره
    بس بقول لحالي مابدي فكر وعكر مزاجي بس كمان هلق انا (نخوه) الله وكيلك بس عن جد احلى ايام كانت بس انشالله هلق اتفقت مع زوجتي انها تعزم كل
    رفقاتها المقربين الها على مركزالعائله عنا بحماه مشان ترجع ايامها الماضيه وبلشت من هلق زوجتي تعمل جردلرفقاتها مين بدها تعزم ومين مابدها تعزم والحمدلله اكتررفقاتها موبايلاتهم مقفله كل مادق على حدا من رفقاتها بيقول بقلبي يالله يالله خارج التغطيه يارب
    بس المصيبه ياابوبسام مو هون المصيبه دقت لوحده من رفقاتها قالتلها رفيقتها لزوجتي مايكلك فكرام هشام كل وحده بتطلع خارج التغطيه فينها توصلها
    (يافرحه ماتمت) وبالنسبه للذاكره بدك ملتأخذني (العتب عالنظر) ذاكرتي ضعفت بسبب وجع الاقدام والايدين بس قلي الدكتور خود حبة وجع الراس كل ماوجعتك بطنك ادعي لجاري الله يشفيه خطي امه تعبانه بتشتغل شوفيرة تكسي مقطوعه من شجرة لسعها بنت ماتزوجت اخوها الكبير اسمه حسين عنده 14 ولد وكلهم مقطوعين من شجره وفقراء ومساكين بيوجعواالقلب ياحرام تصور ابوبسام شوفيرالسيارة تبعهم الشبح فاتورة جواله بتطلع شي 16000 مامعه يدفعها ولاالخدم والحشم كلهم فقراء بيوجعواالقلب صحي كأني نعست بلشت فوت بالحيط ماتأخذني سلام ابوبسام

  192. شوي شوي اختنا ام هشام

    شكلو ابو هشام بلش يخربط والامور عندو فاتت بالحيط من وقت اجت سيرة العزايم :)

  193. ابوهشام قال:

    السلام عليكم ياجماعة شواخباركم خزاة العين على هالمدونة صايرة بتطير العءل والله هيك بلمة الحباب
    كيفك اخي ابوهشام الغالي واخي ياسر الملك شواخبارك يالله انشالله بتصير نزلتك عالعيد احلى من الصيف
    والله ياغالي من زمان ماحضرت العيد بحماة والله شهوتي احضرو بحماه
    انا انشالله نازلل اكتب كتابي عالصيف انشالله ومن الحين الشباب والصبايا معزومين ان شالله
    والله انا ئريت قصة هدا الشب اقسم بالله شي بيطير العئل ياجماعة شوصاير بالناس اكيدهدا مو بني ادم مابعرف
    على كلن الله يجيرنا ويسترعلينا امين يارب

    وتحياتي للجميع والى كل اهالي حماة الغالية
    واخص بالشكر الاخ ياسر الملك

  194. هاي
    كيفكم انشالله بخير قريت التعليقات كتير كتير حلوه وبضحك وبالاخص تعليقات عبد ابوهشام
    بتشكر القائمين على ادارة المدونه ويمكن هالمدونه اذا العذراء ماكذبتني عم توصل الاحباب والاصحاب مع بعضها البعض ومالقيت فيها شي خارج نطاق الاحترام
    راح قول على قولة اصدقاءنا المسلمين (صلوا على النبي )
    وعلى قولتنا المسيحية باركهاالرب وراح صلي لكي تبقى هالمدونه بعيدة عن العبث من قبل الناس الحسودة
    وشكرا جزيلالكم ولصديقتي الحلوه والنعومة ام هشام الغاليه يلي كانت عندي اليوم هي وزوجها عبد ووعدتها اني زورها الاحد القادم يوم العطله في بيتها صديقة دراستي يلي بعتبرها هي وزوجها عبد مثال الحياه الزوجيه والتفاهم باركهم الرب وحفظتهم مريم العذراء
    وعلى قولتكم (السلام عليكم ورحمة الله وبركاته)ضيفتكم الجديده هنا

  195. الأخ مصطفى ( ابو هشام )
    تسلم يارب على هالكلام الحلو والله ييسرلك بكتب الكتاب ونشوفك عريس قد الدنيا واكيد ان شاء الله اذا كنا بسوريا راح نقوم بالواجب
    على فكرا مافي احلى من جو العيد بسوريا الله وكيلك العيد بالغربة مالو جنس الطعمه متلوا متل اي يوم عادي
    منشان هيك انا دايما متعود ياعيد الفطر او عيد الاضحى كون بسوريا لمت الاهل والاحباب مع بعضها بالعيد غير شكل

    الاخت حمويه ( ام تيم )
    اهلا وسهلا فيكي والمدونة مدونتك والجميع اهلك واخواتك ان شاء الله ومتل ما قلتي حضرتك الله يحمي هالمدونة من عيون الحساد يلي مافي اكتر منهم بهالايام وشو منشانك أخي ابو هشام ما صدقتوا رحتوا زرتوها اليوم على السريع للمخلوقه :) على قولة المتل دق الحديد وهو حامي هههههه
    والله ما قصرتوا فيكم الخير والله الاصدقاء المميزين لازم دايما الواحد يحافظ عليهم ويضل دايما على تواصل معهم …

    يالله سلامي للجميع فرداَ فرداَ بدون استثناء ,,,,

  196. الس السلام عليكم
    شومدام ام تيم علمناكي الشحاده سبقتينا على الابواب شايف تعليقاتك عبت الدنيا (بعدين ابوبسام ماتعرف ام تيم بتبطل تطلع من عندها ) على قد مانها مزوحه ودماتها خفاف ومرحة صارلنا سنه ماحكينا معها مبالنا ياها مسافره مع زوجها ابوتيم على كل حال مدام ام تيم يسلموا كتير على الكاتو يلي عملتيه اليوم والغداء المرتب الله وكيلك رجعنا عالبيت منفوخين نفخ من الاكل على فكرة ام تيم انا بشهدلك انك ست بيت ممتازه وراح قول لابوبسام شو عملتي اكل مشان تحسبي حسابه بس ينزل لحماه بغداء يبطل يرجع فيها على الامارات قلو ولا بلى يالله بلى حرام ماراح احكي شو ام تيم تسلميلي زوجتي قاعدة جنبي عم تقرا شوعم اكتب هههههههههههههه
    على كل الاحوال وعدنا الاحد معاكي هي كتبتلك ياها بمدونه الاستاذ ياسر مشان ماتنسي ماشي (شومشان شو مومشان شي شومومشان شي ) تعلمت اللهجة اليابانيه
    وبالنسبه للأخ ابوهشام (مصطفى) شوهالحكي نازل تكتب كتابك وانا مبالياك متزوج وانا قد ولادك طلعت انا ختيار جنبك وكل عمري 28 سنه على كل حال
    انا مابستنى انت لتعزمني بعزم حالي بحالي عندي رفقة من بيت القندقجي كتير عندهم محلات بالمرابط تبقى بسأل عنك وبجي لعندك
    سماع ابوبسام قال بدويعزمنا (علي الطلائع) بس بكره يشوف الخطيبه لينسى قطر واهل قطر وبعد مايصير عنده 5 او 6 ولاد ليفطن فينا
    جاهز ابوبسام نعمل كبسه لعندو بس ينزل لحماه

  197. صحي ابوهشام مصطفى مبارك سلف والله يرزقك الزوجه الصالحه يلي تصونك وتصونها يارب ويرزق الذريه الصالحه يلي بيرضى عنها رب العالمين والمجتمع امين امين

  198. صباح الخـــــــــــــير للجميع
    صباح الخير أبوبسام صباح الخير ابوهشام صباح الخير صفااااء صباح الخير ام تيم صباح الخير ام يامن صباح الخير ام حازم
    صباح الخير ام محمد صباح الخير ام هشام صباح الخير انا صباح الخير للي ماصبحنا عليه صار فيني متل البدوي يلي راح على السينما وماتفرج على الفيلم ليش ؟؟؟؟؟؟؟؟؟؟؟؟ السبب كان عم يسلم على الحضور والمشاهدين ههههههههههههههه
    أحلى شله واحلى أهل والله
    طبعا صداقاتنا ومحبتنا لبعض ضمن عاداتنا وتقاليدنا يلي بنتشرف فيها انشالله
    وراح احكي كم نكته على الحماصنه مع العلم تم فتح مدونه خاصة الهم بس مابملك الشجاعه اني ادخلها بخاف منهم هون المدونه بحسها متل حارتي
    واحد حمصي فتح مصنع بيبسي كتب على كل علبة : رجها مليح قبل الفتح 0
    …………………………………
    في حمصي اتصل على المطعم قال في عندكم عشا قالوله إيه قال ليش ما عزمتوني
    ………………………………….
    فيه واحد حمصي حط على السيارة خمارليش ؟؟؟؟؟ علشانها بأسم أمه
    ……………………………………
    فيه حمصي عينوه مدير عام الامن العام غير رقم الدوريات من 999 إلى 2594638547592565
    ………………………………………………………………….
    في حمصي بنى مـسـجـد شـاف الناس اللي يجونه كثير قـلـب الـمـسـجـد مـطـعـم
    ………………………………………………………………
    تراهن حماصنه تنين على من يبقى تحت الماء أكثر من الآخر يدعوه للعشاء… فلم يخرج أحد منهما لحد الآن
    …………………………………………………..
    حمصي ضاعت محفظته فراح عند الشرطه
    -الشرطه قالوا له انت روح البيت وراح نطلعها ولو من تحت الارض فهو ورايح البيت شاف عمال البلديه يحفروا قالهم ايوا شدوا الهمه المحفظه لونها احمر ههههه .
    ……………………………………
    مجنون حاطط اذنه على جدار يتصنت ساله الدكتور اييش فيه قال المجنون اشششششش وكررالدكتوراسؤال قال المجنون حط اذنك معي وشوووف قاله ماني سامع شي قال هــــذا الي مجنني
    ………………………………………………………………
    صرصور رايح السينما أول مادخل شاف إعلان ^بف باف^قال من بدايتها رعب
    ………………………………………………….
    مرة واحد حمصي اتهموا بالذكاء طلع برااااااااااءة
    ……………………………………………………………
    في عشرحماصنه عم يتعلموا ربط الكرافه اربعه منهم توفو وسته في حاله خطره
    ………………………………………..
    واحد حمصي حب يخوف أولاده ذبح زوجته
    ………………………………………………
    ى في واحد حمصي محشش سالوه شو اسم اخواتك قال : كلهم محمد ما
    عدى صالح اسمه خالد
    ………………………………………………………….
    واخيرا قط لحق قطة بدو يغازلها المهم هربت منه ودعستها سيارة قام قالها القط بنظرة شماته مممممممممم خلي شرفك ينفعك
    ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
    لا تواخذونا عندي نكت على عدد الشعريلي براسي ويلي براسكم بس بدكم واحد يصحى ويتذكر بس المهم ماتحسواحالكم انكم بغربه واكم مازلتوا بين اهلكم اهل حماه الشعب الظريف والطريف (ملاحظة ابوبسام سمعت رفقاتك معك كلهم حماصنه ) بعينك الله على هالمعركة
    عندي اقتراح فتاح صفحة خاصة للنكت وشوف الاقبال يلي راح يصير عليها من الحماصنه فبل الحمويه هههههههههههههههههههه
    نكته اخيره حلوه اهل حمص عرفوا انه جايهم اعصار قوي بدو يدمر حمص راح كتبوا على مدخل حمص هنا مدينة ادلب هههههههههههههههه

    مع تحيات ع ب د ا ل ق ا د ر ا ب و ه ش ا م

  199. ابوهشام قال:

    الله يسعد اوئاتكم جميعا
    االغالي ابوبسام والغالي ابو هشام والاخت ام تيم والا خت صفاء والاخت ام يامن والاخت ام هشام والاخت ام محمد
    الملك ابوبسام والله الكلام الحلو بيطلع من حلاكم يااخي وحلى هالمدونة والله ياغالي نفسي احضر العيد بس بيعين الله انا شغلي برمضان والعيد انا مستلم فرن بالدوحة بقطر وخليها على ربك يااخي
    الغالي ابو هشام يسلم تمك على هالكلام يااخي انا عمري 27 س وين عملتني ختيار ياسيدي مانا ئد العلئة معك ياسيدي الكريم باذن الله رح زورك وانشالله بيكونا انا وابوبسام سوا انشالله ومشكور عالنكت يااخي ودمك عسل
    وسلامي للجميع ولاتا خذونا اذانسينا حدا

    والشكر كل الشكر للاخ ياسرعرواني ابوبسام الغالي

  200. صفااء قال:

    هههههههههههههههههههههههههههههههههههههههههههههه يسعد صباح الجميع
    يسلمو ابو هشام النكت كتير حلوة ويعطيك العافية بس ماشاء الله مرة شقد بتحكي ما وجعك حلقك هههههههههههههههههههههههههههههههههههههههههههههههههههه طبعا عم بمزح شكرا كتير الك وعجبتني هيدي النكتة

    في حمصي اتصل على المطعم قال في عندكم عشا قالوله إيه قال ليش ما عزمتوني
    ………………………………….
    فيه واحد حمصي حط على السيارة خمارليش ؟؟؟؟؟ علشانها بأسم أمه

    اهل حمص عرفوا انه جايهم اعصار قوي بدو يدمر حمص راح كتبوا على مدخل حمص هنا مدينة حماة هههههههههههههههه

  201. روزانا عرواني قال:

    صباح الخيرات للجميع
    صباح الخير ياسر … والله كل مادخلت ع المدونة بمر الوقت بسرعة و الواحد ما بيقدر يقاوم إلا يقرا التعليقات الحلوة لها الناس الظراف
    تحياتي للجميع

  202. صباح الخير لكلشي عندو صباح ومسا الخير لكشي عندو مسا

    شو اخباركم جميعاَ ان شاء الله الكل بخير وعافية شو أعمل تفقد ولا الكل موجود ؟؟ :) خلاص يلي بيطلع اسمو يقول حاضر هههههههه
    أبوهشام الاول وزوجته والاخ مصطفى ( ابو هشام ) والاخ مروان مدلله والاخ محمد سليمان ابو عمر والأخ حسين مسلماني والاخ ابو لجين والاخت العزيزة صفاء وام حازم وام يامن والمهندسة ام محمد والحموية يلي من نص حماه ام تيم
    شو في حدا ما انذكر اسمو ؟؟ :) يلي ما بيقول حاضر وبيثبت وجوده راح نضطر نبعت ورا ولي امره هااااااا هههههههه
    عما امزح محد يصدق حبيت غير شوية جو وذكركم بايام المدرسة والتفقد وولي الامر وهيك قصص :)

    وأهلين وسهلين بروزانا والله نورت المدونة اي ها خلينا نشوفك هون دايما بهاللمة الحلوة مو بس على الفيس بوك .

    يالله اطمنا عليكم وناطرتسجيل الحضور

    تحياتي ,,,,

  203. ابوهشام قال:

    حاضر هههههههههه انا موجود بس متاخر استاذ ماحسيت عالساعة
    السلام عليكم كيف حالكم انشالله بخير الملك ابوبسام الغالي ابوهشام وبائي الشباب على عيني وراسي
    اما اخواتي انشالله الله يسعدهم يلي بحماه ويلي متغربين الله يردهم لاهاليهم
    والله كرمالها هالمدونة عم تنور مع انو في شوي غياب والله ماني عرفان شلون بدي اشكرك اخي ياسر
    على كلن الله يوفئكن جميعا انشاء الله
    والسلام عليكم وشكرا للجميع

    تحياتي للحميع والك اخي ياسرالغالي
    جامع الشمل والله

  204. هاي
    كيفكم انشالله بخير
    كنت انبارح عم احكي مع حبيبي ابوتيم عن طريق النت والكام وقلتله اني عم فوت على المدونه بالبدايه مع وافق لحتى دخل وزارها واعطاني رأيه فيها انها بالفعل تمام التمام يالاخص لما قرا تعليقات عبد صاحبه ضحك من قلبه وقال بماانوعبد داخلها وعما يعلق فيها
    فعلى الدنياالسلام بقى عبد ابوهشام انا عم افسد على ابوتيم شو قال وبيبلغك تحياته واخد مني رقم موبايلك بدو يكلمك مابعرف بشو وهو على كل الاحوال نازل على عيد راس السنه الميلاديه اذا الرب وفقه
    بعدين ابوهشام وام هشام مشغول بالي عليكم ليش موبايلاتكم خارج التغطيه امبارح واليوم
    العذراء تحميكم يارب ومايحصلكم مكروه بجاه الحبيب عيسى عليه السلام يارب
    حتى البيت محدا عم يرد عن جد قلبي بلش يقلق عليكم
    وبالنسبه لابوهشام يسلموكتير على هالنكت الحلوة بس حكياتك موجديدة علي ومابيطلعلك مع ام هشام بالنكت الحلوة حافظة اكتر منك والله يوم يلي اجيتوا لعندي كلاوي طقت ودموعي شرت من الضحك استلمتوني انت وياها وضحكي وصل لعند الجيران
    يييييييييييييييييييييي لا تواخذوني انشغلت مع ابو هشام وزوجته ونسيت سلم عليكم
    كيفك كابتن ياسر كيف مدامتك على مااظن يمكن الزائرة الجديدة هي زوجتك يلي من نفس كنيتك موهيك ؟؟؟؟؟؟؟؟؟؟؟؟؟؟؟؟؟؟؟؟؟؟
    والسيد مصطفى ابوهشام العذراء توفقك لخطبتك وزواجك وانشالله يكون زواجك نصراني مافي طلاق متل عنا هههههههههههههههههه يعني زوجتك دايمه عليك ماتفهمني غلط
    وبااااااااااااااااااااااااااي للكـــــــــــــــــــــــــــــــــــل

  205. أهلين اختي حموية ( أم تيم )

    انا بخير والحمد لله وزوجتي بتسلم عليكم جميعاَ وهيه تقريباَ يومياَ بتابع ردودكم ومشاركاتكم بس ما بيصرلها تقعد كتير على النت دايما مشغولة ببسام وآخد كل وقتها بالبيت :)

    وبالنسبة للزائرة الجديدة لا مو زوجتي هي قرابتي واخت عزيزة من نفس العيلة

    ما تشغلي بالك اكيد أخونا ابو هشام حابب يقضي نهاية الاسبوع برا حماه وآخد ام هشام معو عما يمشورها بشي سيران ان شاء الله بكرا الصبح ما بتلاقيه غير هون وعما يعلق بالمدونة :)

    تحياتنا الك وللصغار ولاخونا ابو تيم وسلمينا عليه .

  206. روزانا عرواني قال:

    مساء النور جميعا
    بما أنك بتاخد التفقد معقولة أشوا شوي مو تسميع للدرس :))) و الله لسى الواحد لهلق بيحلم انو طلع اسمو بالتسميع و طلع مانو حافظ ههههههههه

  207. اس اسس السلام عليكم اس اسس السلام عليكم
    شوصاير بالمدونه تسجيل حضور وغياب وتفقد وصيح حاضر وليش اليوم اجى وهاد مااجى هههههههههههههههههه
    على كل الاحوال اشتقتلكم كيفكم انشالله بخير
    شايف في حضور ووجوه جديدة معنا من بيت عرواني بس عم يكتبوا عربي الحمدلله موعربي انكليزي اهلاوسهلا بعضام رقبة السيد ياسر
    انا وزوجتي بالفعل ابوبسام كنا بطرطوس طلعنا الاربعاء بالليل وعدنا اليوم الصبح شوبدكم بالحكي والله البحر الصبح بكير كتير حلو على انغام فيروز
    بس حاولت اني مااتاخر مشان ام تيم لأن الاحد عازمينها مشان ماتحكي علينا تقول بعدين شي طالع شي نازل
    ام تيم الله لايشغل بالك ومشكوره للسؤال بس انا اذا حبيت اني اطلع مشوار اول شغله بساويها اني اقفل موبايلي ومويايل زوجتي مشان محدا يزعجني ومااقطع مشواري اذا حدث شي طبعا في عندي خط تاني معروف رقمه فقط من قبل اختي الكبيرة اذا حدث امر طارق بتتصل فينا عليه
    على كل الاحوال اشالله بتجوا بالسلامه الاخ ياسروزوجته وبسام معاهم وابوهشام مصطفى وروزانا صحي في قناه على التلفزيون اسمها روتانا بتقريك ههههههههه
    وامانه بتزوروني عنوان بيتي مابيضيع لدلكم عليه عن جد مابيضيع بتنزلوا على ساحة العاصي بتركبوا سرفيس الشريعه بتنزلوا عند دوار طريق حلب
    جنب الدوار في الساعة تبع ساحة العاصي بيجي سرفيس القصور بتقله نزلني عند دوار الحرش بالضاحيه جنب مسبح الاسد يتنزلوا هنيك بيجي سرفيس عين اللوزة
    بتطلعوا فيه بتقلولوا نزلنا عند دوارالاندلس بتنزلوا عند دوار الاندلس في محمصة على اليسار بنص الشارع الاوتستراد تبع دمشق درعا بيجي بعدها سرفيس
    العاصمه (الحاضر) بتركبوا فيه وبس بتوصلوا عند ساحة العاصي بدقوا على رقم موبايلي يلي هو تنين صفر وتنين خضر وتنين زرق وتنين اللون يلي بتختاروه انتوا راح تلاقوني انشالله انشالله خارج التغطيه
    امانه ابوبسام اخت صفاء اخ مصطفى ام تيم انتي اهم شي لان بكره جايه لعنا امانه زوروني العنوان مابيضيع حدا هههههههههههههه بتوصلوا ههههههه

  208. كنت عم امزح عن جد عنوان بيتنا مابيضيع شفتوا بيت جيرانا هدول يلي عندون سيارة نحنا البيت يلي جنبون بالعلامه مشان ماضيعوا على باب الدار هلق
    متل ماني شايف هلق على الكاميرا في ولد عم يستنى حدا مابعرف مين هي علامه مشان ماضيعوا يعني اكتر من هيك دلالات ما بظن حدا دل اكتر مني
    انا عن جد بنتظاركم ههههههههههههههههههههه

  209. ابوهشام قال:

    السلام عليكم ورحمة الله وبركاتو كيفكم ياجماعة شواخباركم
    كيفك اخي ياسر كيفو الغالي بسام انشالله بخير
    كيفك اخي ابوهشام شواخبارك ياسيدي انشالله بالهنا حلوة طرطوس وانا من ناحيتي عرفت البيت ههههههههه
    كيف الصبايا اختي ام تيم الله يسلمك بالنصراني بالسنة بدنا نتزوج وان شاء الله وانشالله هيك هيك مامنتركها
    الحمد لله عم نطمن عليكم وكلكم بخير الحمد وهدا يلي بدي اياه وانشالله على طول

    وتحياتي للجميع شباب وصبايا
    والك الغالي ابو بسام كل الشكر

  210. يسعد مساكم جميعاَ

    والله ياروزانا معك حئ التفقد غير التسميع هههههههه يا لطيف شو كنت اكره دروس الحفظ والتسميع وبالذات دروس العربي وقت يكون فيها اعراب :) ما كنت طيقو بس كان أحب على قلبي درس الرياضيات والفيزيا والكيميا هدول انا واياهم كتير صحاب

    بالهنا ان شاء الله يا ابو هشام وان شاء الله تكونوا قضيتوا نهاية اسبوع حلوة على فكرا ضروري الشخص بنهاية الاسبوع يريح حالوا شوي من ضغوط العمل والتلفونات والله انا احيانا من ضغط الشغل على راسي بحس حالي خلاص مالي خلئ احكي مع حدا ياسيدي الحمد لله على السلامة .

    وأهلا بالاخ مصطفى ( ابو هشام ) نورت ياغالي .

    يالله تحياتي للجميع …

  211. صفـــــاااء قال:

    صباح الخير للجميع

    انا موجودة .. حااااااضر ههههههههههههههههههههههههههههههههههههه اما بيتك شو قريب يا ابو هشام وخاصة بالسرفيس ههههههههههههههههههههههههههههههههههههههههههه عين اللوزة والحاضر والقصور ومبعرف شو ههههههههههههههههههههههه ياهيك العزيمة يا بلا ولا بدك كمان يطلعو الضيوف بالسرفيس ويفتلو حماة ليجو لعندك شو بيك بقا هههههههههههههههههههههههههههههه بدك تدوخهم انت ما بدك تعزمن

    سلامي لكل اعضاء وعضوات المدونة

  212. لا عن جد صفاء واذا بدك بدلك على بيت جدي دلك ولا شو وحتى ماتقولي انوا انا مابدي حدا هي رقم موبايلي يلي بدو بعد اذن الاستاذ ياسر للي بدو ينزل
    مشان استقبله( 00963944015678)
    وسلامي للجميع وانا بانتظاركم

  213. يسعد صباحكم ومساكم جميعاً

    حبيت سلم واطمن عليكم بس شو منشان الغياب ؟؟ في ناس ماعما تسجل حضور وهالشي بيخلينا نبعت ورا أولياء الامور هااا :)

    تحياتي للطلاب المجتهدين ابو هشام والاخت صفاء ما شاء الله عنكم عما تجوا قبل الاستاذ على الصف :)

    سلامي للجميع

  214. صفـــــاااء قال:

    هلا هلا استاذ ياسر كيفك

    انا نظفت السبورة وشوف شو كتبت

    اليوم :الاحد 25-4-2010
    حكمة اليوم : من جد وجد ومن سار على الدرب وصل

    ————————————————————

  215. صفـــــاااء قال:

    شكرا ابو هشام الله يخلي لك جدك وبيت جدك بكرة بشوفك بالمهرجان بس رح البس ملاية سودا ههههههههههههههههههههههههههه مشان ما تعرفني مو قلت مشترك فيه ؟؟؟

  216. الله يعطيكي الف عافية ياصفاء اي هااا يا هيك الطلاب يا بلا

    ذكريني اعطيكي مرحة :)

    بتصدقوا ياجماعة انو لهلئ محتفظ بالمرحات وشهادات التقدير يلي كنت آخدها

    وفي مرا وقت كنت صغير حبيت اعمل جو بالبيت كانت امي بمشوار رحت لعبت براس خواتي البنات وطالعت كل المرحات والشهادات يلي عندي وخليتهم يساعدوني وصرت حط عليهم صمغ من ورا والزقهم على حيطان غرفة القعدة :) وعينكم ما تشوف الا النور وقت اجت امي وشافت المنظر ههههههه الافضل بلا كمل لاني انا ما بتذكر شو صار هههههههه بس حسيت الدنيا صارت عتمه

    بس بدكم الصراحة معها حئ أمي لانه الصمغ صار على الحيطان وتطبيعات الاصابع يعني كنت بستحق يلي صار فيي :) بس الاحلى من هيك انو خواتي طلعوا من القصة متل الشعره من العجين لاني اعتبرت انا العقل المدبر والعقاب نزل عليي بس :(

    تحياتي ,,, ذكروني احكيلكم قصة طشط المي والمحارم :)

  217. ممممممممممممممممممممم عباية سوداء مممممممممممممممممم تذكرتك موانتي يلي جيتي حولتي 200 وحدة وماعطيتيني حقون صفاء ؟؟؟؟؟؟؟؟؟؟؟؟ يالله حوليلي بدالهم هههههههههههههههههههه
    ال عبايه سودا ال شو انا بعرفك بدون عبايه حتى اعرفك بعبايه هههههههههههههههه
    بعدين للأسف ماوافقت اللجنه يلي مستلمه المهرجان على الموبايلات فا موضوعنا فشل والله ياست صفاء كله لخير
    بس بدي قول للأستاذ ياسر انا ماني كاتب الوظيفة كنت مع الماما عم اتلقح بالمستوصف ماعاد عيدها والله يااستاذ واه واه

  218. شو عبايه ماعباية عبود

  219. ولي ام هشام ااااا ااااااا تتتت نننن ببببب مافيشي عن جد بس عم نحكي على انواع العبايات وموديلاتها ولو ام هشام

  220. صفـــــاااء قال:

    ههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههه الله يعافيك يارب
    اي لا لا لا انا ازكى منك بكتير ياسر
    هههههههههههههههههههههههههههههههههههههههههههههههههه زكرتني فيها بس لا تقولو شقية
    ماما الله يخليها كانت حاطة خزانة عرسها وديوان بغرفتنا وكان بيتنا ضيق كتير ساكنين نحنا وبيت عمي بنفس البيت النا غرفتين والهن غرفتين وفي ارض ديار وحوش كبير للشوي والاكل والنزهات ههههههههههههههههههههه يعني مافيه تخت ننام عليه كانت تفرشلنا بالارض وانا ملا انا من كتر مو شاطرة مشان اعرف كل يوم شو في عندي وبدي طبق الجدول كنا نكتبه باخر الدفتر لجدول الاسبوع فا محسوبتكم الفهمانة جابت قلم تخطيط لونه اسود ورسمت فيه عالخزانة البيضاء جدول الاسبوع وفوق هيك زخرفتو ههههههههههههههههههههههههههههههههههههههههههههههههههههههههههههههههه وهي الغرفة بالنهار للضيوف وللقعدة وبالليل لنوم وا-جت امي شافت هيدي الشوفة وعينكم ما تشوف الا النور اجت وقتلتني احزرو بشو كنا بزمانتو يغسلو الغسيل ويغلوه ببرميل والبرميل الو ملقط بعد ما نغلي الغسيل بنلقطو فيه وبنطلعو عالغسالة طبعا هي كانت عم ىتغسل لما اجت شافت هيدي الشوفة كسرتني تكسير بملقط الغسيل كنت انا صف خامس ابتدائي هههههههههههههههههههههههههههههههههههه

  221. انا ماعم احكي عالست صفاء انا عم احكي على الست يلي حولت وحدات وما قلتلي عليها مين هي ااااااااااااااااااااا هلق بالبيت

  222. ست صفاء عجبتني الحكمة من جد وجد ومن سار على الدرب وصل اذا بدك بدلكم على الطريق انا بعرف بحماه كتير شفتوا شلون دليتكم على بيتي هههههههههههههههههه
    بس عن جد صار معي موقف حقيقي ما بنساه بحياتي .
    الوالد الله يخلي ابائكم من تجارالعقارات بحماه بيع وشراء واجار بالرغم هو مدرس لغة عربيه المهم موهي القصة اشترى شقة جاهزة للسكن بحي الندلس
    وعرضها للاجار طلعت معه مرة وشفتها مرة وحده بس المهم بعد 3 اشهر اجى عريس بدو يستاجرها بس حب يشوفها هو وخطيبته وحماته وابوه وعمه وامه قلي البابا خود المفتاح وشوفيهم ياها للشقة
    قلي البابا بتعرفها منيح للشقة قلتلوا لكن انا بعجبك يابابا
    ركبت انا والجماعه بسيارتهم وطلعنا وصلنا للبنايه المؤلفة من 3 طوابق وانا بعرفها بطابق الثاني متأكد
    وصلنا قدام باب الشقه وادخلت المفتاح حاولت انو يفتح مافتح اجى العريس بلش يشد بالباب وانا ادفش وكلياتنا متعجبين ليش ما عم يفتح الباب مع العلم المفتاح هو
    المهم بعد عشر دقائق ومحاولات فاشلة سمعنا صوت امرأة من خلف الباب تصيح ( ياخيو شوبدكم مين انتوا ليش عم تحاولو تفتحواالباب وصاحت ولييييييييي)
    طلعنا ببعضنا واشتغل الركيض العريس فبل خطيبته والعم قبل زوجته
    المهم دقيت على موبايل البابا وحكيت يلي صار معانا ركب سيارته واجى لعندنا قدام البنايه المهم طلع وطلعنا معه على الطابق الثاني طلع الباب يلي جنب الباب يلي خربطنا معه قام فتح الباب ودخلت العائلة تفرجت على البيت وراح دق الباب يلي اخطائنا معه واعتذر للمرأة وطمنها انها مجرد خطأ من ابنه (……..)
    فهمكم كفايه وتقبلتها السيدة مع ابتسامه عريضة جدا بيجوز حبيت البابا ما بعرف لأن ابوي حليوة يمكن وشخصية
    وبعدها صار البابا يحطلي علامات على شققنا مشان ماخربط مع حدا تاني بس الحقيقة موقف ما بنساه بحياتي كل ما فطنت فيه بضحك وبيضحكوا علي
    وقرروا العائلة يحطوني مختار للحارات بسبب لبابتي
    بقى استاذ ياسر شو مشان الذاكرة القوية ست صفاء لو انك محلي شو بتساوي ههههههههههههههه شوروا علي

  223. يالله باي ام تيم وصلت وبتبلغكم سلامها لكلياتكم وهي واقفه جنبي حاليا وبتقلكم العذراء تحميكم موهيك ام تيم هههههههههههههههههههه سلا مات

  224. صفاء شقية هي هي لا لالالالا هي هي صفاء شقيه هههههههههههههههههههههههههه
    استاذ ياسر وانا كمان عندي شهادات تفوق ومرحات كتير وعليهم ختم المشفى كمان احكيلكم شو قصة (الختم )
    انا كنت مدلل عند الوالدة كتير لما كنت صغير ويلي صار انوا اخوتي كلهم مجتهدين بدراستهم الاانا بسبب دلالي الزايدكنت عايش على كيفي وهذا الشي اكيد كان غلط المهم اخر السنه بيجوا اخوتي كلهم صغار وكبار معهم شهادات تفوق وبيوقفوا على الدور بيشوفوه النتائج للبابا مشان يوقع عليهم ويعطيهم اللي في النصيب
    بس انا كنت مستغرب انوا ليش المرحات والشهادات التفوق كانت توصلني على البيت مو متل رفقاتي اخدها علنا قدام الصف
    بعدين اكتشفت الحقيقة والحقيقة مرة انوا كل المرحات والشهادات يلي كنت اخدها كانت الماما تشتريها من المكتبه وتكتب هي وزميلاتها بالمشفى اسمي
    وتحط ختم المشفى عليها على اساس مين منتبه شوهاد الختم كونه الماما دكتوره توليد بالمشفى كل هالشي مشان ماازعل هههههههههههههههههههههه
    بقى استاذ ياسر اخت صفاء انا عندي مرحات وشهادات تفوق اكتر منكم
    بس في شغلة تانيه لما كان يجي دوري عند البابا مشان شوفيه النتيجة كان يقلي ديربالك على حالك اكتر فهمت هيك ما بيمشي الحال وانا قول لحالي يالله شوهالاب هي شهادة تفوق ومرحتين بدال وحدة شو بدوياني جيب الدكتوراه بالايتدائي
    وفي شغلة تانيه هلق خطرت ببالي وانا عم اكتب التعليق ياترى بس انا امي عملت فيني هيك ولا كمان اخواتي متلي شوبتقولواانتوا ممممممممممممممم
    راح روح اتأكد هلق باااااااااااااااااااااي وبردلكم الجواب

  225. السلام عليكم
    استاذ ياسر اليوم انا مسؤول عن السبورة
    وشوف شو كتبت
    الاثنين – 26- 04- 2010
    حكمة اليوم : من حفر حفرة لأخيه فهو فلاح نشيط هيهيهيهي
    التفقد: العدد الكامل 22
    الغياب : 22
    عنوان الدرس : لا تلحقني مخطوبه
    عريف الصف : الطالب عبد السميع اللميع

  226. ابوهشام قال:

    السلام عليكم كيفكم ياشباب كيفكم ياصبايا
    استاذ انا الي ماعم اجي كنت مرضان
    كيفك اخي ابو بسام الغالي اخي ابوهشاكم كيفك الاخت صفاء والاخث ام تيم والاخت ام هشام شواخباركم انشالله بخير
    صايرة هالمدونة بتطير العقل حلوة كتير
    اما انا ياجماعة اذكى منكم كلكم بحياتي مالزقت مرحات ولا شهادات بتعرفو ليش لاني مااخدت ولا مرحى ههههههههههه
    حلوة شغلة هالتفقد شكرا ياابو بسام الغالي

    تحياتي للجميع والسلام عليكم ومنشوفكم على خير انشالله
    وشكرا الك الغالي ياسرابو بسام

  227. صفـــــاااء قال:

    صباااح النور والسرور
    شو اخباركم اي ها ما تبلا هالمدونة الحلوة منورة بوجود الكل ( الاخ ياسر وابو هشام وام هشام وابو هشام رئم 2 يسعد صباحكم ومساكم )

    كيفك اختي ام هشام اشتقنالك شو قصة التحويل والعبايات ههههههههههههههههههههه ديري بالك عا ابو هشام من النسوان لاني سمعت قصص عا اصحاب المحلات بعضن بيقلها للزبونة بشحنلك رصيدك بــ 400 وحدة بشرط بتحكي معي فيهن هههههههههههههههههههههههههههههه ومبين عليه شاطر ابو هشام من المرحات الي اخدها ههههههههههههههه

    ————– بالنتسبة الي يا ابو هشام لو صاير معي الموقف الي حكيت عنو بنط
    لع عالفرندة بضل بصيح ولي ولي ولي لحتى يجتمعو كل اهل الحارة ويمسكو الي فايت عالبيت – انا اذا حسيت في حركشة من برا البيت بتنشل اطرافي لااربعة فا كيف لو صار هيك معي فورا عا مدرسة المعاقين هههههههههههههههههههه

    بالنسبة للتفقد ابو هشام <<< شو مشان الغياب 22 والحضور 22 هههههههههههههههههههههههههههههههه ولاتلحقني مخطوبة هيدي العبارة بشوفها مكتوبة على الطرطير والسيارات السوزوكي تبع سوق الهال هههههههههههههههههههههههههههههههههههههههههههههههههههههههههه وعبارة هكذا تنظر الديوك *_* وعروسة ابو راكان عيون المها ؟ صح هههههههههههههههههههههههههههه

    تحياتي للجميع

  228. يسعد صباحكم جميعاً

    شو اليوم دور مين بعمل القهوة …!! انا هلئ وصلت المكتب ولسا ما شربت القهوة :)

    كيفك يا ابو هشام الاول واخونا ابو هشام الثاني يلي ما اخد مشورتنا وراح خطب وتورط ههههه :) لا عما امزح معك لا تصدق واللله مافي أحلى من الاستقرار واهلين وسهلين ب صفاء خانم شو اخبارك ان شاء الله تمام

    مابعرف ليش ذكرتيني بالعبارات يلي كانوا يكتبوها على الطراطير والسوزوكي وباصات الهوب هوب :)
    كانت كل الطراطير يكتبوا عليها دهان ابو عنتر تقولوا اب عنتر آخد وكاله حصرية لدهان الطراطير هههههه
    ومن العبارات :
    يا ناظري نظرة حسد شكيتك لواحد أحد
    عين الحسود تبلى بالعمى
    لا تجحش محسوبك أجحش :) هي مرا قريتها على باص هوب هوب
    وطبعا لا تلحقني مخطوبة
    رضاكي ياأمي

    هدول يلي متذكرهم :)

    تحياتي ,,,,,

  229. يسعد صباحكم
    كيفكم جميع كيفك صفاء شو اخبارك كيف اهلك انشالله بخير
    والله كلامك صح موضوع مصلحة زوجي عبدالقادر (الموبايلات) مصلحه معرضة لكتيرمشاكل مع النسوان اكتر شي. بيحكيلي كل شي بيصير معه
    عندو قصص عن جد بتشيب الراس صارت معه ومتل ماتفضلتي يعني مرة حكالي انو وحدة ضلت رايحه جايه من قدام محله بساحة العاصي اكتر من 10
    -12 مره رايحه جايه المهم اجت لعندو وقالتله انا ضيعت موبايلي ممكن بس دق عليه من موبايلك قالها عبد تفضلي المهم لما دقت رن موبايلها بشنتايتها
    وقالتله انا اسفة طلع موبايلي بشنتايتي (اسلوب مشان تاخد رقم الموبايل ) من عبد بقى شايفة على ايامنا وقصص لسى عم تصير معه بتستحي الوحده تحكيها
    عما تصيرمعه وكترة القصص لما فتح فرعه التاني بساحة العاصي بس الحمدلله عبد الله يحميلياه يارب واعي لهيك قصص ومن ناحيته مطمنة ههههههههههههههههههههههههههههه

  230. صفـــــاااء قال:

    هلا ام هشام نورتي انا بخير الحمد لله واهلي بخير طمنينا عنك .. بالنسبة لزوجك الله يخليلك ياه ويديم المحبة بينكم شي طبيعي يمر علي قصص وحكايا كتير والنسوان عندن اساليب كتيرة بس كتير ذكية هالمراة هي وقت اخدت جواله اي منيح ما لطشت الجوال ولطشت الرجال وهربت ههههههههههههههههه
    صديقتي قلها واحد اذا بتريدي بدي احكي من جوالك وضروري وابي رجال كبير مافينو يطلع عالطابق التاني لعند الطبيب بدي احكي مكالمة عمل حالو عم يحكي وهو عم يمشي شوي شوي واختفى وهو جوالها نوع جيد بلاك بيري وفرحانة كتير عليه ومحدا قدا حريص على اغراضه فا لطش الجوال منها وهاد وش الضيف ههههههههههههههههههههههههههههههه

    تحياتي وسلالامي والله يخليكم لبعض

  231. هاي
    كيفك ام هشام الله يسعدك يارب شايفه صار عند صديقه جديدة (صفاء) الله يديم المحبه والمسيح يحميكم
    وين تعليقات ابو هشام عن جد لا يكون زعل هلق بخلي الكونت ياسر يطيب خاطره بكلمتين موهيك ياسر
    نحنا اهل وام هشام وين دورك انتي بالكلام المعسول اه اليوم بدي اسمع تعليق من عبد يضحكني اوك باااااااي

  232. صفـــــاااء قال:

    حموية من نص حماة اهلا فيكي اهلا ام هشام انا وياها رفقات من زمان من لما صارت الجريمة تعرفنا ببعض ههههههههههههههههههههه بهيدي المدونة الحلوة

  233. صفـــــاااء قال:

    والله يا اخي ياسر بتشوف كل عبارة الا التانية شي بيفرفح القلب واحلى من هيك بعضن بيشترو ا سيارة او طرطيرة او موتور وبيحطو عليه زينة قد حقه مرتين وين في مان فاضي بيكتبو عليه عبارة متل لا تلحقني مخطوبة وغــــــــدار يا زمن – وانت عمـــــــري وديبو خيال الطرطير ههههههههههههههههههههههههههههه وشناشيل وخرز واضاءة ملونة ومسجلة ستيريو تخيل يرعاك الله ههههههههههههههههههه

  234. محمد سايمان ابو عمر قال:

    السلام عليكم
    اخواني الكرام مررت اليوم بموقع فيه عن الخرائط العثمانية وهي مذهلى جدا من اعداد القائد العثماني ريس بيري في علم الجغرافيا احببت ان اطلعكم عليها عبر الرابط المرفق ارجو منكم مشاهدتها لمن احب ووفقكم الله
    http://wadod.org/vb/showthread.php?t=3131

  235. السلام عليكم ورحمة الله وبركاته
    انا هي صفحتي ماعاد اتحرك منها عندك مانع استاذ ياسر يلي بدو ياني بيجي لهون راح دلكم كيف
    بتركبوا سرفيس …………….. وين عم دلكم انا؟؟؟؟؟
    خربطنا
    من عيد بتفتحوا الكمبيوتر بتثبت الصفحة الرئيسيه (جوجل) بتكتب
    خربطنا
    بنعيد من الاول
    بتحط فيش الكهرباء تبع الكمبيوتر وبتعلق الكمبيوتر ………
    خربطنا
    بتوصل فيش التلفون بالكمبيوتر وبتحط فيش الكهربا تبع الكمبيوتر بتعلق الكمبيوتر ………….
    خربطنا بنعيد
    بتروح على بياع قطع الكمبيوتر بتشتري كرت فاكس (انترنت) وبتركبه بالكمبيوتر وبتعلق الكمبيوتر وبتفتح الصفحة الرئيسية (جوجل) …………..
    وصلت فيش التلفون ؟؟؟؟؟؟؟؟؟؟؟
    ماوصلتوه ؟؟؟؟؟؟؟؟
    خربطنا بنعيد
    بتروح على بياع قطع الكمبيوت…………. انقطعت الكهرباء لاحول ولا قوة الابالله
    روح ادفع فاتورة الكهرباء وتعى لاارجع دلك وين انا عالنت وبانوا صفحة
    مابتعرف وين محل دفع الفواتير وصلت لحضن امك وابوك راح دلك يتركب سرفيس الحاضر بتنزل بٍٍٍٍٍٍســـــــــــــــــــــــــــ………..
    …………..وبتركب طريق حلب و………………………… بنزل عند جسرالمزارب وبتركب سرفيس عين اللوزة وبت………………….ا
    وبتركب سرفيس عاصمة حماه (الحاضر) وبتسأل عن دفع الفواتير دفعها يالله دفعتها واو شوهالسرعة اجت الكهربا
    بنرجع بنعيد
    حطينا فيش التلفون وححطينا فيش الكهربا علقنا الكمبيوتر فتحنا الصفحة الرئيسية (جوجل) كتبنا بحث مدونة الاستاذ ياسر عرواني ونقرتين بالفارة على كلمة بحث شو صار مافي اتصال ليش ؟؟؟؟؟؟؟؟؟؟؟؟؟
    ياحبيبي خط التلفون مقطوع ليش عليك دفع فاتورة راح دلك وين محل دفع ولا بقلك حل عني تعال لعندي على بيتي اقربلك واحسن لك شو شباب دلكم على بيتي ولا شو ؟؟؟؟؟؟؟؟؟؟؟؟؟؟؟؟

  236. عنا حب خاص بالجلطات للي بدو 3 بربع هههههههههههههههههههههههههههههه شو ام تيم ماقلتيلي كيف وصلتي لعدنا عالبيت

  237. الاستاذ ياسر الاخوة الاعضاء اسعد الله اوقاتكم واليكم موجز
    شو موجز ما موجز نسينا حالنا
    حدثت اليوم معي قصة طريفة ولطيفة
    من فترة شهر تقريبا جاءت صبية لعندي على المحل وبدها تشتري خط سيرتيل (ياهلا وحيالله)
    المهم
    قالتلي انا اول مرة بحياتي بشتري خط وموبايل ومابعرف كيف استخدامه ولا كيف شحنه الوحدات مابعرف شي بدك تشرحلي كل شي
    قلتلها انا اوك تكرم عينك المهم قمت باجراءتي بتصوير الهوية والبصمه والتعليمات والخ ………..
    وطلع رقمها 0999………. فتحتوا عينيكم ودانيكم ما ماراح قول الرقم عيب هيدا رقم بنت المهم
    قلتلها بعد شهر بدك تشحني البطاقة مشان ماتحترق معاكي 30 يوم
    غابت شهر واجت لعندي اليوم قالتلي البطاقة ماعم تدق شو السبب ؟؟؟؟؟؟؟؟؟؟؟؟؟
    فحصت البطاقة ولا بالفعل البطاقة محروقة
    قلتلها ماقلتلك انا شحنيها مشان ماتحترق
    احذروا شوكان الجواب ؟؟؟؟؟؟؟؟؟
    قالتلي والله العظيم امبارح بيتت الجوال على الشاحن كل اليوم وماصار الااحترقت كأن الشاحن عاطل ماعم يشحن
    وهون كل شي بالدكان فرط من الضحك قالت ليش عم تضحكوا
    قلتلها يابنت الحلال لو انوا الشحن عن طريق الكهرباء كانت كل العالم ماشالت اجهزتها من الكهرباء هههههههههههههههههه
    قالتلي وين بدي صلحها دليتها على شركة سيرتيل
    قلتلها بتركبي سرفيس الشريعة وبتنزلي ……………. كفيلكم العنوان ولا بتعرفوا لحالكم عندي دواء للجلطات مافي مشكله هههههههههههههههههههه

  238. ا اسئلة مالها اجوبة
    إذا كانت الخضار والفاكهة تفيد في تخسيس الوزن ، فلماذا لم يستفد الفيل منها ؟

    * أنت تركض للأمام لتخفيض وزنك ، ماذا لو ركضت للوراء هل يزيد وزنك ؟؟؟؟

    *لماذا الصمغ الشديدالفعالية لا يلتصق بالأنبوب الذي يحتويه ؟

    *إذا كان العالم مسرحاً كما يقولون ، فأين يجلس المتفرجون ؟

    *إشارة ممنوع المشي على الحشيش المزروع ، كيف وضعت في مكانها؟؟

    * البطيخ الذي لايحتوي بذور ، كيف تمت زراعته ؟

    * نسمع كثيراً عن سرعة الضوء ، طيب كم تبلغ سرعة العتمة ؟؟

    * لماذا لا يصنعون طعام القطط بنكهة الفئران ؟

    * لماذا يعقمون الإبرةالسامة لقتل المحكوم عليهم بالإعدام ؟؟؟؟

    * طيب هذا سؤال أجمل منه
    لماذا كان الطيارون الانتحاريون اليابانيون ( الكاميكاز) يرتدون خوذة
    واقية ؟؟؟

    * إذا كان السوبر ماركت يفتح لمدة أربعا وعشرين ساعة في اليوم لمدة عامٍ
    كامل ، فلماذا وضعت عليه الأبواب والأقفال؟؟

  239. كمان انا اليوم مسؤول عن السبوره
    الثلاثاء -27-4-2010
    حكمة اليوم : الباب يلي بيجي منه الريح احسن من عشرة على الشجره
    عنوان الدرس : كيف تصبح رجلا في 5 ايام بدون معلم
    عريف الصف : الطالب عبدالفتاح كازوزة
    استاذ الماده : أ . ياسر عرواني

  240. صحيح في غياب كتير وين بنت النواعير ام حازم وعاشقة تراب سوريا ام يامن انشالله يكونوا بخير يارب هنن وزواجهم واولادهم فقدنالهم كتير
    على كل حال لهم سلام مني ومن زوجتي

  241. طبعا بالنيابه عن ابوعبدالقادر الصغير(هشام) ابني بيقول
    عمو ياسر ثلونوابنك بثام انثالله منيح ثلملي عليه موعمو وزبلي معك مصاصه وعكة ولذيذه وبوثار وتيس بتاتا ما ماتنسى بااااااااي

  242. ابوهشام قال:

    السلام عليكم ورحمة الله وبركاتو
    كيفك اخي ياسر الغالي كيفك اخي ابوهشام شو وينك شوهالغياب انشالله خير هيك مابيصير
    كيفكم اخواتي الاخت صفاء الاخت ام تيم الاخت ام هشام
    ((اليوم القهوة علي انا )) تفضلو
    ياجماعة انا حاطط صورة لحماة بواجهة الفرن حلوة كتير مرة نسسوان قطريات تنتين وحدة بتئول للتانية شوفي هالمنظر ما احلاه التانية بتئلها هي المدينة زرتها من اربع سنوات حلوة كتير فيها سيارات تلت دواليب وصوتها رائع جدا وضحكت التانية سالتها ليش عم تضحكي وصارت تحكيلها عالطراطير وفهمكم كفاية

    مع تمنياتي بالتوفيق للجميع وشكرا
    وشكر خاص للاخ ياسر عرواني ابو بسام

  243. مغتربة أيضا .. قال:

    السلام عليكم ورحمة الله وبركاته

    أنا متابعة المدونة من زمان .. لكن هي أول مرة أضع فيها تعليق

    مدونة رائعة عن مدينة حماة الجميلة .. ومواضيعها كلها متميزة .. وفقك الله

    سلامي للجميع ..

  244. هلا والله ابوهشام ملك الصمون والكعك بسمسم
    اهلين مغتربه والله مية السلامه كمان

  245. يسعد صباحكم ومساكم جميعاً شباب وصبايا

    واحلى ابو هشام يسلموا كتير على التعليقات الطريفة والظريفة

    واهلين بالاخ مصطفى ابو هشام بعتذر مالحقت اشرب القهوة معكم الصبح :) كان عندي كم شغله برا المكتب

    واهلين وسهلين بالاخت مغتربة اسعدني مرورك ومشاركتك معنا

    تحياتي للجميع ,,,

  246. صفـــــاااء قال:

    هلا ويسعد مساء الجميع أخي ياسر والاخ ابو هشام وزوجته واهلا وسهلا باختنا مغتربة منورة الدار والله هلا اخي ابو هشام رقم 2 انا بخير الحمد لله ويارب انت تكون بالف خير وياسر افندي دائما متاخر وبرات المكتب <> بكرة الصبح الساعة 9 بتوقيت حماة *_* عازمة الكل على قهوة والي بيجي متاخر بيشربها باردة واذا مافي قهوة منشربو مي مفلترة هههههههههههههههه

  247. اي منيح مي مفلتره مو من الحنفية فوراً :) لا لا جد بكرا بحاول ما أتأخر عليكم منشان اشرب القهوة معكم … :)

    ذكرتيني من زمان بالصيف وقت كنا نشطف ارض الديار والجنينة يلي بيتنا تلاقي بعدها مية الفيجة صارت بوظ بتشهي الشرب والله :)

  248. السلام عليكم كيفك اخ ياسر انشاء الله انت والعائلة بصحة جيدة والله احلا ايام لمى كنت معك في العين ما بتنتسى المهم .. بشكرك على المدونة الرائعة هي وانشاء الله نلتقي يوم من الايام انت رجل بيمعنى الكلمة ويرحم ابوك وسلامي الى كل شعب حماة المحترم .لكل اب ولكل ام ولكل اخت ولكل شاب ولكل شبل نشاء في ام النواعير

  249. ابوهشام قال:

    كيفكم ياشباب وياصبايا الله يسعد اوئاتكم شواخباركم انشالله تمام
    كيفك اخي ياسر ابو بسام الغالي كيفك اخي ابو هشام الغالي ملك الباندا والدمعة هههههه ولا ماعد في من هدول
    شكرا كتير اخت صفاء عالقهوة كيفك انشالله تمام واختي ام هشام واختي ام تيم واختي مغتربة شواخباركم
    الله يوفئكم جميع انشالله انتو وزواجكم واولادكم امين يارب ولي مانو متزوج ولا خاطب اخي ابو هشام الله يبعتلو ولا شورايك بهالموضوع انتة
    الله يشربكم من مية حماه هي للمغتربين بس هههه

    الحمد لله اطمنا عليكم وانشالله بكرا كمان بيكونكم بخير
    وتحياتي للجميع وشكرا
    وشكرا للاخ الغالي ابوبسام ياسر

  250. الله يسعد صباحكم جميعاَ شباب وصبايا

    أهلين وسهلين بلأخ مأمون وعليكم السلام والله الحمد لله الاهل والعائلة عندي بخير بالفعل كانت ايام حلوة ايام العين تقول امبارح يازلمة وكانوا ما مضحى على هالحكي شي 7 سنوات …!! واكيد ان شاء الله الا ماترجع الايام تجمعنا مع بعض متل ما اجتمعنا هون بعالم الافتراضي بالصدفة وابقى دايما طمنا عنك وعن احوالك واخبارك انت اخ عزيز والله ….

    واهلين بالاخ مصطفى ( ابو هشام ) منور كل يوم معنا بالمدونة الله يعطيك الف عافية ,,,

    تحياتي ,,,

  251. السلام عليكم جميعا اشكرا اخ ياسر الي الشرف اني كل يوم ارمي السلام عليك وعلى كل من رد السلام انا والله في السعودية عايش مبسوط وما نا قسني الا شوفتك انشاء الله نلتقي يوم من الايام مع بعض عنجد انا مشتاق الك كتير والله بيعلم انك غالي علي..الله كريم نرجع الى الارض الي اتربينا عليها بشكرك الف شكر من كل قلبي والسلام عليكم ورحمة الله وبركاته

  252. ابوهشام قال:

    الله يسعد صباحكم جميع كيفكم ياجماعة شواخباركم انشالله تمام
    كيفك اخي ياسر الغالي ابوبسام
    كيفك اخي مامون النقار
    كيفك اخي ابو هشام شو وينك ماحدا عم يشوفك
    كيفكم ياصبايا
    اخي ياسر المدونة منورة بوجودك وطبعا انا لازم كل يوم ادخ المدونة مشان اعرف اخر اخبارحماة على طريقة ياسر الغالي
    ومنكسب السلام عليكم انتو ناس منيحين بذكر الله
    انا اخباري تمام الحمد لله

    تحياتي لجميع وشكرا
    شكرا الك اخي ياسرالغالي

  253. محمد سليمان ابو عمر قال:

    أربعة بنات قتلى في جامعة دمشق – سوريا
    ما بعرف إذا حدى عنده علم بالقصة يلي صارت بالمدينة الجامعية .
    رح أحكيلكم عن هالحدث المأساوي يلي صار بالمدينة الجامعية بدمشق ، ويلي
    تم التكتم على أحداثه من قبل وسائل الإعلام ، ليش ؟؟؟؟ الله أعلم .
    تبدء أحداث القصة ، في غرفة أحد الطلاب الشباب في المدينة الجامعية ،
    وكعادته كل مساء يجتمع هو ورفاقه ، لتبدء السهرة ،
    ويعني لا أخفي عليكم ، سهرات هالشباب تختلف نوعاً ما عن السهرات
    الأعتيادية ، المهم وبنص السهرة والشباب عم يلعبو شدة ،
    وهاد يلي عم يدخن ، وهاد يلي عم يفصص بزر ، وهاد يلي عم يسمع المسجلة ،
    وهاد يلي عم يحاكي حبيبته عالموبايل
    وحوالي شي الساعة الثانية ليلاً ، ومن كلمة لكلمة ، بين الشباب يلي عم
    يلعبو شدة ، وهاد يلي عم يقول أنت خسران ، والثاني بيقول لأ أنت خسران ،
    قام راح واحد من الشباب ، وأخذ ورق الشدة ، ورمى به على المنور تبع
    البناء ، قام عصب واحد من الشباب وقام تخانق هو والشب يلي رمى الورق، وعلقت
    خناقة طويلة عريضة ،
    قام شعر الحرس الجامعي ، وأمن الجامعة بوجود مشكلة وعلى الفور ، طلعو
    عالغرفة يلي عم تصير فيها الخناقة ، وطلبو الهويات الجامعية ، وقعدو مشان يفهمو القصة وليش في خناقة ،
    ومن سياق الحديث واحد من الشباب عم يقول للضابط : سيدي الله وكيلك
    بسيطة ، الخناقة كلها كرمال لعبة شدة ،
    قام قال الضابط ، وين الشدة ،
    قال الشب رميتها عالمنور
    الضابط عالمنور مو هيك ، مممممممممم هلق منشوف
    بيقوم بيطلب الضابط من العناصر يلي معه أنه ينزلو عالمنور ، ويتأكدو من
    القصة.
    بينزلو العناصر عالمنور ، وأول ما بيوصلوعالمنور ، يقفوا مذهولين من
    >هول المشهد …… مشهد تقشعر منه الأبدان

    > > .

    > > .

    > > .

    .

    جريمة لا تغتفر . أربع بنات قتلى

    أربع بنات ، يبدو أنهم قتلو جراء السقوط من مكان عالي …..

    > > .

    > > .

    > > أربع بنات

    > > .

    > > بنت الكوبة

    > > وبنت الديناري

    > > وبنت البسطون

    > > وبنت السبات

    (تعيش وتاكل غيرها)

  254. صباح الخير لكل حماه ابتداء من عند ابو حسين وحمص بالزيت وبعده لعند حلويات السلطان بالاميرية والمغطوط الي عنده وصولا لعند الروادي والشعيبيات بالقشطة والجوز واخيرا بروح لعند الحجة امي الله يخليلكم امهاتكم بتغدى سخاتير والله مشتاق لكل الاكلات هي

  255. سؤال موجه الى الاخ مأمون النقار ساكن بالحميدية ممكن اعرفك

  256. السلام عليكم جميعا السلا م على كل الشباب و الصبايا في المدونة وعلى الاخ ياسر وعلى الاخ ابو هشام اهلا بيك اخ ابو هشام اهلا وسهلا اللورد السوري ممكن ليش لا منتشرف فيك الي الشرف

  257. يسعد مساكم جميعاَ

    الاخ العزيز مأمون والاخ ابو عمر والضيف الجديد اللود السوري والاخ مصطفى ( ابو هشام ) والاخ عبد (ابو هشام ) يلي صرلوا كذا يوم مو مبين عسى المانع خير والاخت صفاء ولكل اخ واخت زارونا بهالمدونة ….

    وجمعة مباركة للجميع ,,,

  258. السلام عليكم ورحمة الله بس للحموية الموجودين
    وللسوقية بالخصوص والحواضرية شوي ههههههههههههه
    اخ ياسرالله يعطيك العافية

  259. انا صفوان الكفري وانقطعت اخبارك عني من وقت سافرت على الامارات

  260. ابوهشام قال:

    السلام عليكم جميعا شواخباركم ياجماعة انشالله تمام
    اخي الغالي ياسر ابوبسام شوخبارك انشالله تمام
    اخي ابوهشام وين هالغيبة ياغالي والله فئدنالك انشالله خير
    وميت السلامة بكل الشباب والله

    تحياتي للجميع والسلام عليكم
    شكل الشكر للاخ ياسر ابوبسام الغالي

  261. هاي
    مساالورد والياسمين لكل الشباب والصبايا يلي هون المحترمين
    حابه قول شغلة انوا اليوم بدأ المهرجان وكان افتتاحوا مميز كتير غير كل سنه
    وكل سنه عن سنه عم تحلى حماه وعم تحلى شوارعها
    شوارعها ههههههههههههه عم تتخربط فوقاني تحتاني والله وقت كون عم سوق سيارتي بصير خربط بالشوارع ماعاد اعرف اليمين مفتوح ولا مغلق او الطريق كان نزلة صار طلعة هههههههههههههه
    ييييييييييي نسيت صحي سلم على الاستاذ ياسر ومدامته وابوهشام ومدامته ام هشام الغالية عليي
    وابوهشام مصطفى والست صفاء
    وبالنسبة لابوهشام ما عم شوف تعليقاته صرله فترة غايب ولا تعليقات زوجته
    انا امبارح حاكيت ام هشام عالارضي وطمنت عليهم مافيهم شي بس عم تقلي انو ضغط العمل عند ابو هشام كتير كبير ماعم يجي تقريبا لساعة 2 بالليل وعم يطلع 8 الصبح كمان الله يكون معه بسبب المهرجان حتى محل الحاضر ماعم يفتحوا كتير بسبب ضغط محله يلي بالسوق
    وقريبا راح نسمع تعليق عبد يلي حبيناه كلياتنا
    على فكرة انا ورفقاتي كل يوم بنتابع مدونة الاستاذياسر بس الصراحة ما بلاقي بعض اوقات شي يخليني علق صايره اكتر شي سلامات وتعارف بين الاصدقاء
    على كل الاحوال بحمى المسيح وبتمنى اني ما كون ضيقت خلقكم بااااااااااااااي

  262. السلام عليكم ورحمة الله وبركاته كيفك اخي ياسر يسعد مساك ومسا كل الاصدقاء والصديقات الي بيشاركو في المدونة العظيم اخ صفوان الكفري كيفك شو اخبارك انشاء الله تمام وانت في صحة جيدة الله كريم بيجمعنا ربك شي يوم والله مشتقلك كثيرا ضمني عنك بدي احكي معك لو سمحت اترك ايميلك او رقمك لو سمحت تحية للجميع والسلام عليكم بشكرك كثيرا اخ ياسر المحترم

  263. السلام عليكم
    تحيه حمويه معطرة بوردة جوريه تبدأ من طلعة الحاضرمرورا بالاميرية وهي جاية على الصحة بتنتهي جنب مخبز الحميدية لكل الحواضريه
    وتح بدون ية قد خرم الإبرة للسوقية وزياده عليهم شواستاذ مدللة عجبك هيك هههههههههههههههه عم نمزح مزح احلى عالم والله
    وراح غني غناية هدية للحواضرية يالله اسمعوا
    احم احم ( هي هي هي هي لالي لالي لالي لالي انا حواضري اه يانيالي هي هي هي هي) خلصت
    (((((((((عدنا)))))))))
    كيفكم شباب ابو بسام ابوهشام ام تيم الله حيو والله
    لا تواخذوني بس متل ماقالت ام تيم والله السبب ضغط الشغل مواكتر
    وكل مابدي قول اليوم بدي اسهر عالنت الله بيرزقني وبلتهي عنكم بيطلعلكم حصة عندي ههههههههه
    سمعت قصة كتير حلوة حكاها احد اصدقائي من اصحاب النكته
    عنوانها حادث طائرة طريف
    بعد اقلاع الطائرة وهي في السماء
    الكابتن : السلام عليكم ورحمة الله وبركاته . رحلة سعيدة انشالله معنانرجو من السادة الركاب ربط الاحزمة واقفال اجهزة الخليوي وهو عم يتكلم صاح على المايك ولييييييييييييييي
    رحنا فيها حسبي الله ونعم الوكيل
    ساد هدوء غريب وحالة توتر عند الركاب وغاب صوت الكابتن وعاد بعد قليل يقول لاتخافوا ما فيشي بس المضيفة دلقت كاسة الشاي على بنطلوني الابيض من قدام تعوا شوفوا على هل المنظر ونهى حديثه ضاحكا.
    هنا صاح احد الركاب قائلا :الله يلعن ابوك وابو المضيفة يلي عندك تعى شوف شوصار فينا نحنا من ورا ومن قدام هههههههههه
    قبل ما انهي حديثي حابب حزركم حزيرة يلي بيعرفها يجاوب
    السؤال في شي بالسماء عما يطير لونه ازرق ماهو ؟؟؟؟؟؟؟
    الجواب هو ؟؟؟؟؟؟؟؟؟؟
    على قولة البنات بااااااااااااااااي

  264. بس تكونوا تفرجتوا على المهرجان شفتوا مااحلاه شي بيطير العقل

  265. بنت النواعير قال:

    السلام عليكم ورحمة الله وبركاته

    كيفكم جمييييييييييييييييييييييييييييييع

    شكرا اخ ياسر عالمدونة الرائعة انا كل يوم بطل عليكم بدون ردود لاني مشغولة شوي هالايام وراسي مشوش بقرب السفر انت اكيد بتعرف دوشة السفر

    شو هالقصة اخي ابو هشام 1ضحكتني كتيييييييييييييييييييرمنيح انك نبهتني مشان ماخاف اذا صار معي هيك موقف وخصوصي انو سفري بالطيارة قريب

    مع سلامي للكل دمتم بحفظ الرحمن….

  266. مرحبا كيفك ام تيم ام حازم شو اخباركم انشالله منيحين
    ام تيم ماراح حكيكي هلق لأن ماضل شي نحكيه انا وانتي خربنا بيت ابوهشام بفاتورة الارضي ههههههههههههههههههه
    ام حازم نحنا على وعدنا ها ما تفكري انك ما تزورينا (مابدنا هدية) جايتك على البلد بخير وسلامة احلى هدية وبعدين وين هالغيبة الطويله
    مشغوله الله يسامحك مافيكي تكتبي ولو كلمة السلام عليكم بتوجعك اصبعتك ما مممممممممممممممم بسيطة ام حازم ههههههههههههههه
    بوسيلي ولادك وسلامي لالهم باااااااااااااااااااااي

  267. السلام عليكم
    كيف الشباب اخ ياسر عما تعاتبني على غيبتي وين مشاركاتك انت ؟؟؟؟؟؟؟؟؟؟؟؟؟؟؟
    كان الك انت مشاركات كتيرة . يااخي شجعنا حرك شوي هالجو هلكت لحالي شوخلفتكم ونسيتكم انا هههههههههههههههههه
    وشوقصة طشط المي والمحارم هات لشوف على قولة المصريين (وحشتنابكد اه واللهي) ههههههههههههه
    بالنسبة لجواب الحزورة (ذبابه لابسة بنطلون جينز) هههههههههههههههه
    اليوم حصلت معي قصة كتير حلوة وغريبه
    اجى لعندي عل المحل يلي بالصحة زلمه بيطلع عمره شي 68 سنة المهم قلي مرحبا عمو قلتلو اهلين وسهلين
    الحجي : ممكن استعمل جوالك شوي بدي اتصل على ابني
    قلتله انا اهلا وسهلا تفضل
    حكى الحجي شي 3 دقائق بعد ماوصل صوته لمخبز الجب وهو عم يحكي
    خلص حكي وقلي شوطلع عليي ابني قلتله انا شغلة فاضيه حجي مابدي شي
    احزروا شو قلي ؟؟؟؟؟؟؟؟؟؟؟
    قال (على كل الاحوال مكالمتي مالها كلفة لأن ابني بعيد عني مسافة 5 دقائق مافي خسارة
    وهون انا فرطت من الضحك قلتله ياحجي تكلفة المكالمه نفسها اذا بيكون ابنك قاعد جنبك او اذا كان على حدودسوريا
    اجى قلي مين قلك هالكلام موصحيح كل ماقربت المسافة كل ما رخصت المكالمة
    فمارأيكم ياشباب الجواب عنكم انتو

  268. مساكم خير وورد وزهور وريحان ومسك وعنبر واي شي ريحته حلوة :)

    شو اخباركم طمنوني ان شاء الله تمام والله معكم حئ انا صرلي كذا يوم مقصر بالردود بس مضغوط شوي بالشغل وكتير اوقات بعمل قبول للتعليقات يلي حضرتكم عما تكتبوها عن طريق الموبايل .

    عبد القادر ( ابو هشام ) : ياسيدي هالحجي يلي اجى لعندك شغله :) ذكرني من زمان وقت كنا نتصل ونعمل مقالب مع القرايبين او الاصدقاء وبالذات يلي كانوا كبار بالسن نتصل ونغير صوتنا ونقول لهم نحن من مركز البريد بدنا نزيت خطوط التلفون ياريت اذا بتحطوا صينية تحت التلفون منشان ما يشرشر الزيت :) وفي منهم يصدقوا وفي منهم يعرفوها انو مزحه

    بنت النواعير : والله دوشة السفر مافي أعتت منها الواحد قبل بشهر بيحس حالوا عايش بفوضى وماعارف راسوا من رجليه الله يوصلك لحماه بالسلامة وتنبسطي بزيارتك وهيك دايما خلينا نطمن عليكي ونشوف تعليقاتك وسلامنا لابو حازم .

    وسلامي للأخ مأمون النقار وصفوان الكفري ومصطفى (ابو هشام العزيز ) ومروان مدلله ولابو عمر ولأم تيم وام هشام والأخت صفاء وللجميع بدون استثناء …..

    تحياتي ,,,,

  269. الاخ مامون النقار اللسلام عليكم ورحمةالله وبركاته ارجو ان تكون في تمام الصحة والعافية ايميلي هو ( hacami2010@hotmail.com ) جوالي ( 00966566212975 )

  270. محمد سليمان ابو عمر قال:

    السلام عليكم
    اسعد الله اوقاتكم جميعا وتحياتي للأخ ياسر و لجميع الاعضاء الفاعلين في هذه المدونة الجميلة والزوار القاراء و حبيت اشارك ببعض النكت ارجو ان تضحك سنكم :

    حمصي و حموي راحوا على محطة القطار
    ولما وصلو لقو القطار مشي..
    ركضوا مشان يلحقو القطار….
    الحمصي سرررررع ولحــق وركب القطار
    !!!!! و الحموي ماقدر يلحق من كثرة الضحك
    سألوه ليش عم تضحك؟؟؟؟؟؟؟
    قال هالأجدب أصلاً جاي يودعــني !!!
    ———————-

    قال في ولد حمصي سأل امه الحامل: ماما مين في ببطونك؟؟
    قالتله أخوك
    سألها بتحبيه؟؟؟قالتلة يي طبعا بحبه
    قالها طيب ليش بلعتيه؟؟؟ :
    ———————-

    في واحد حمصي وقع بجورة. صرخ: الحقوني فوقع عشر حماصنة وراه هههههههه

    ———————-

    قال حمصي لصديقه:بتشرب قهوة.
    قال صديقه:إذا شربت قهوة ما بقدر نام.
    قال الأول:أنا بعكسك تمام بس نام ما فيني أشرب قهوة
    ———————-

    قال حمصي فتح محل سماه: / بقالة الأقمشة لحلاقة الأحذية الغذائية
    —————————

    في حمصي سأل واحد بالشارع وين الرصيف التاني ألو مقابيلك فألو الحمصي سألت هنيك قالولي هون!

    ————————

    ليش حماصنة بيكتبو على نمرة سياراتهم وثبة أو كرامة ؟؟؟
    قال لأنو بيكتبو بالشام : جيش أو شرطة ؟؟
    —————————-
    في ياباني فات على بقالية بحمص بدو يشتري عشر علب كولا وقال للبياع
    ‘كوميهاني سيبه كولا’
    قام رد البياع الحمصي
    ‘بدك عشر علب شو’
    —————————
    حمصي سمى ابنه على اسم أبوه… بابا
    ————————-

    حمصي عمل عملية جراحية .. نجحت .. قام عملها مرة تانية
    —————————
    حمصي راح يشيع بجنازة
    سأل واحد: شو بيشتغل الميت
    قال:يحفر قبور
    قال الحمصي
    سبحان الله من حفر حفرتاً لاخيه وقع فيها
    ————————-
    حمصي يصلي جنب واحد اسود
    قال الامام استوو
    قال احنا استوينا بس في واحد احترق ..
    ————————

    في صحفي سأل حمصي : كم نسبة البطالة في حمص ؟
    الحمصي : والله حمص كلها ابطال
    ————————–

    مدرس سأل طالب حمصي: شو جوز الهند بالانجليزي؟
    رد عليه: كوكو نت..
    قاله المدرس: شاطر ، حطها في جملة مفيدة،
    رد عليه: كوكو نت من الشباك !!
    ————————–

    ‏حمصي هدته رفيقتو ببغاء… واتصلت تسأله:
    شو رأيك بالهديه ؟؟ قال عادي متل طعم الجاج!!!
    ————————–


    حمصي دخل المسجد
    وسأل الشيخ لمين المسجد؟؟، الشيخ: إلنا كلنا، الحمصي: أنا بدي بيع حصتي!!
    ————————-

    ليش السمسم غالي بحمص…… لأنو بيلموه من البرازق !!!!!!!!
    ————————-

    حمصي فتح معمل تلج سمّاه معمل حمص للمياه اليابسة
    ————————
    عصفور حمصي كان يطير على ارتفاع منخفض فاصطدم بزجاج سيارة
    وسقط على الأرض ، شفق السائق عليه فأوقف السيارة وحمل العصفور
    وأخذه إلى البيت ، وهناك وضعه في قفص ووضع أمامه ماء وخبز ،
    ولما فاق العصفور ووجد نفسه وراء الشبك ضرب بجناحه على رأسه قائلاً : العمى !!
    سجن وقضبان !؟ معقولة نكون روحناه للزلمة !!
    —————————

    حمصي وقع من رابع طابق التمت الناس
    وتجمعت عليه .. سألوه شوفي قللون مابعرف هللق وصلت
    ————————–
    حمصي ما بيخلي مرته تطبخ ليييييش ؟؟ …. بيغار عليها من عيون الغاز
    ————————-

    -حمصي راح للدكتور قال له الدكتور امشي كل يوم 5 كيلو ، اتصل الحمصي
    بعد خمس ايام قال للدكتور انا هلأ في حلب شوساوي
    —————————-
    شو بيكون مكتوب داخل أحذية الحماصنة ؟؟ .. الأصابع أولاً
    —————————-
    عشرة بحارة حماصنة ماتوا ؟؟ ليش ؟ .. لما الغواصة خربت طلعوا بدهم يدفشوها
    —————————-

    ليش فترة الراحة للشغيلة الحماصنة بس عشر دقائق مو أكتر ؟ لأنه إذا أعطوهم فترة
    راحة أطول لازم يرجعوا يفهموهم الشغل من اول وجديد
    —————————-.

  271. صفـــــاااء قال:

    مســــــــــــــــــــــاء الخير

    شكرا اخي ابو عمر يسلمو ايديك
    كيفكم جميعا يار ب تكونو باحسن حال ( اخي العزيز ياسر والاخ ابو هشام وزوجته والاخ ابو هشام2 وحموية وجميع اعضاء المدونة الحلوين والاكابر
    بعتزر عن الغياب بسب اعطال النت

    تيحاتي وسلامي للجميع

  272. حواضرية و بس قال:

    شكرا على النكت الحلوة

  273. وين ابوهشام صار في بنت حواضرية مارحب فيها انا برحب فيها عنه هاي حواضرية

  274. المسافر الحموي قال:

    السلام عليكم ورحمة الله و بركاته
    أحلى تحية لكل الحموية
    بالمناسبة أنا مسافر لحماة بالسيارة من سلطنة عمان بس هي اول مرة ومحتاج مساعدة كل من لديه خبرة او تجربة سابقة بهذا المجال
    بالنسبة للطريق من سلطنة لعمان لابو ظبي امرو بسيط وحافظينو بس العترة على الباقي و خاصة خلال السعودية
    يلي عندو قدرة ليساعدني اكن له من الشاكرين
    وشكراااااااااااااااً

  275. يسعد صباحكم يلي عندو صباح ومساكم يلي عندو مسا

    شو اخباركم ان شاء الله بخير بعتذر كتير من الزوار الجدد ماعما اتواصل معهم مباشرة والسبب والله قلة دخولي على النت بسبب شوي ضغط العمل
    على العموم أهلا وسهلا فيكم والمدونة نورت بوجودكم

    المسافر الحموي أهلا وسهلا فيك ياسيدي بالنسبة للنزلة مافي اسهل منها انا نزلت شي 3 مرات ولا احلى من هيك بس اهم شي تكون سيارتك نظيفة ومنيحة لانوا القطعة بأراضي السعودية مصيبة وراح حاول أمنلك خريطة للطريق بتذكر كانت موجوده عندي اذا لقيتها بصورها وببعتلك اياها والله ييسرلك سفرتك وتروح وترجع بالسلامة .

    حواضرية : أهلا وسهلا فيكي بالمدونة ضيفة جديدة ( بس الله يستر ما تتقاتلي انتي والاخت صفاء لانو ترا حاطه حطاها وحطى الحاضر :) عما امزح هااا الاخت صفاء على سلامتها
    وسلامي طبعا لابو هشام وللاخ مصطفى ابو هشام ولابو عمر وللاخ مأمون ولاختنا العزيزة صفاء ولكل زوار المدونة بدون استثناء

    تحياتي للجميع

  276. ابوهشام قال:

    السلام عليكم ورحمة الله وبركاتو كيفكم ياجماعة شو اخباركم
    لا تاخذونا مشان الله شغاتني عنكم الظروف
    كيفك اخي ياسر الغالي اخي ابوهشام الغالي واختي صفاء فكرت بس انا غياب اتاري الكل عم يغيب
    وسلامي لكل الموجودين بالمدونة ويلي بحماة يطمنا عن المهرجان شو الاوضاع

    مع تحياتي للجميع وشكرا
    والشكرللاخ ياسر عرواني ابو بسام الغالي

  277. حواضرية و بس قال:

    سلام كبير للجميع وشكرا على الترحيب وانشاء الله ما بتقاتل مع حدا لأني ما بحب المشاكل بالأخير كلنا ولاد حماه الغالية والأخت صفاء باين انها حبابة انشاء الله منكون اصدقاء

  278. حابب علق على صفحة عدد سكان حماه هون موهنيك ممكن
    واو
    شوهاد عدد محافظة سكان حماه مليونين وواحد وخمسون الف وسبعمائة وستون نسمة
    يعني اذا شحدت من كل واحد ليرة ليرة مواكتر بيصير عندي مليونين وواحد وخمسين الف وسبعمائة وستون ليرة
    خلي يروح مني سبعمائة وستون ليرة مواصلات
    بيضل معي يامعلم مليونين وواحد خمسين الف
    شي حلو
    اول شي بعملوه
    بتزوج وحدة على ام هشام ابوها زنكيل حرج مال بتحبني وبحبها وماعندها اخوة ابوها بعد العرس بشي 5 ايام بيعض على لسانه بيسلمها
    بصير انا الوريث الوحيد لزوجتي بعدين شو بيصير زوجتي الجديدة من كتر مادعت عليها ام هشام بتحس بمغص بشيلها على اقرب مستوصف وزيادة عليها
    بيقلولي معاها هداك المرض
    بطر اني اسئل على هداك الدواء مابلاقي شي اكيد
    للأسف مافي بعد كم يوم بيزورها عزرين وبياخدها كزدورة معه بصير انا الوريث الشرعي الها كونه ماضل غير انا بيكون حسبت قدمت واخرت طلع معاها شي 50 مليون ماشي الحال نعمة الله
    بيكون صار معي يامعلم 52 مليون ليرة وواحد خمسين الف هي هــــــــي ابوبسام شونمت خليك معي
    احلى شي اذا اجى واحد وقلي شحدني ليرة بأدحه كف وبقله انقلع كلكم كذابين يخربيتكم من كل واح بتلموا ليرة ليرة بيصير معكم هيك مصاري
    روح اشتغل وتعاب متل غيرك
    ماناقصنا غير الشحادين
    شوصفاء ام تيم مصطفى حواضرية ام حازم ابوبسام ظلمته شي للشحاد موحرام الشحادة ؟؟؟؟؟؟؟؟؟؟؟
    ههههههههههههه سلام اخيرا الله لا يعيزنا لحدا يارب ودايمة صحتنا وشغلنا علينا يارب كلياتنا كلياتنا ســــــــــــــــلام

  279. المسافر الحموي قال:

    شكراً أخي ياسر على ردك اللطيف وإذا بالامكان ترسل لي الخريطة على الايميل طبعا حسب المستطاع لان الاستفادة من تجارب الاخرين ممتازة
    أنا معي سيارة تيوتا كامري 2004 وارد بس نظيفة مو ماشية كتير والظاهر لي انها ان شاء الله تستحمل السفر ولا شو رأيك
    طالما انت مجرب السفر بالسيارة

  280. حواضرية وبس؟؟؟؟؟؟؟؟؟!!!!!!!!!!!

  281. محمد سليمان ابو عمر قال:

    السلام عليكم اخواني الاعزاء
    الله يديم جمعتكم الطيبة في هذه المدونة باشراف الاخ الكريم ابو بسام
    مشان النزلة على سوريا بالسيارة بنصحك بحكم تجربتي من الرياض لسوريا استخدم طريق حائل افضل من الطريق القديم عبر حفر الباطن والمدن فيه متحضرة اكتر بامكانك الاستراحة بالمدن وحاول تخلي سيارتك مليانة بنزين بكل مدينة وهو من الرياض الى القصيم (بريدة ) الى حائل ثم الى القريات بطول 1200 كم . اهم شي افحصها عند ميكانيكي فهمان واتأكد من الدواليب والفرامل والسيور والله يوصلك يالسلامة.

  282. ماسة قال:

    مرحبا أنا ماسة حابة كتير اشترك معكن لأني حبيتكن كتير

  283. ماسة قال:

    عن عنجد من بعد حماه وأهالي حماه ونخوة شبابهامافي والله يديمها علينا نعمة

  284. المسافر الحموي قال:

    السلام عليكم
    يعطيك العافية اخ محمد بس انا سمعت الصعوبة في الطريق الواصل من الإمارات إلى الرياض

  285. السلام عليكم ورحمة الله وبركاته
    كيفك ام تيم شواخبارك امبارح شفتك بالمهرجان بس ما حبيت سلم عليكي كان معي رفقاتي عم نتمشى
    وبالنسبه للأخ ابوهشام مصطفى المهرجان وضعه هي السنة عال العال ممتاز وفي حركة حلوة بس هي السنة اخر سنة للمهرجان حوال القلعة
    بدو يصير السنة الجاية المهرجان بحماه كلها مافي منطقة معينة

  286. صباح الخيرات والليرات لكلشي معنا
    صاير معانا وجوه جديدة (حواضرية وبس والاخت ماسة ) اهلا وسهلا فيكم ويا مية مرحبا .
    انسة ماسة انتي بحماه ولا مغتربة وشكرا
    اليوم انا صبحت صباح ولا احلى من هيك امبارح اشتريت من عند جاري البان واجبان (قشة حليب حموية) غير شكل
    اليوم الصبح ام هشام الله يرضى عليها عاملة من الصبح شعبيات على ايدها بالله بحياتي مادقت بطيبتهم ممممممممممممم شوبدكم بالحكي اشتهيتكم معي
    فطنت فيكم باخر لقمه هههههههههههههه
    يالله عن اذنكم اتأخرت على شغلي سلام

  287. المسافر الحموي قال:

    السلام عليكم
    شكرا كتير اخ محمد وبشكرك على معلوماتك بس انا سمعت المشكلة بطريق الواصل بين الإمارات والرياض
    بس على كل الأحوال كلام السيدياسر طمني مشكور والواحد بيستفاد من تجارب الأخرين مشكورين جميعا

  288. يسعد صباحكم ومساكم جميعاَ

    شو اخباركم ان اء الله الجميع بخير وصحة وعافية

    راح بلش كلامي مع ابو هشام شو صاير معك شي بدك تجمع ليرة ليرة وبدك تتزوج على اختنا ام هشام وكمان عما تتمشى بالمهرجان مع الشباب وعيونك يمين وشمال والله شكلها اختنا ام هشام تاركتك على راحتك :) وينك ياام هشام وينك ترا الرجال مالهم آمان هااااااا هههههههه
    ( بعرف هلئ راح ترد عليي ام هشام وتقلي لا لا انا واثقة من ابو هشام وماعندوا هيك شغلات :) ) أحلى ابو هشام طبعا عما امزح معك والنعم منك والله بس وين حصتي من الشعيبيات :(

    اخي المسافر الحموي والله ما لقيت الخريطة لسا خليت اختك ام بسام تنكتب البيت عليها بس لقيتها راح ابعتلك اياها أكيد وبالنسبة للكامري ممتازه للسفر بس اهم شي تكون نظيفة ومتل ما قلك ابو عمر شيك عليها منيح وبالذات الدواليب والسيور وبالسلامة ان شاء الله

    وأهلين وسهلين باختنا والضيفة الجديدة ماسة نورت المدونة واسعدنا وجودك معنا ,,,

    وتحياتي طبعا للجميع بدون استثناء فردا فردا شباب وصبايا بس الاخت صفاء وينها مو مبينة صرلها كذا يوم عسى المانع خير بس بتوقع مشكلة النت عندها يلي ماعما تخليها تدخل .

    يالله سلام ومنشوفكم على خير

  289. ماسة قال:

    A شكرا كتير على ترحيبكن الحلو

  290. ماسة قال:

    وانا من حماه وعايشة بحماه وعم ادرس سنة تالتة جامعة

  291. محمد سليمان ابو عمر قال:

    السلام عليكم
    اخي المسافر الطريق داخل الامارات ممتاز وسبق سافرت عليه عدة مرات وطوله قرابة ال500 كم الى الحدود في البطحاء . أما القسم الثاني من البطحاء الى الرياض ضمن الطريق الصحراوي عبر حرض ما عليه ضغط وحاول تمشيه بالنهار يمكن احسن وبس توصل الرياض الله محييك بضيافتنا . والسلام عليكم

  292. اي والله , الله يعطيك العا فية ياابوبسام غبت غبت واخر شي حركت ام هشام عليي أليك الحوار كا اذكر
    كنت عما اقرا تعليقك وانا عم اضحك وام هشام سامعتني طلعت فيها لقيتها صافنة وشاردة
    قلتلها قولة الطفل البريء مابك قالت اي والله معه حق كلامه في روحانية اهل المتل ماخلوشي الا وقالوه (يامأمنة بالرجال متل المي بالغربال)
    قلتلها لايابنت الحلال (ده ياسر بيهزر) فهزت رأسها وذهبت وهي توتوت وتتكلم مع نفسها يمكن الماني او فرنسي او لهجة غير معروفة
    المهم خرجت ومعها ورقة تشبه ورقة الحكم بالاعدام وقالت حكمت عليك يازوجي بمايلي :
    1- عدم الخروج من المنزل الا باذني
    2-الجلي والطبخ لمدة اسبوع بالمي الباردة
    3-تشفير جميع القنوات الديجتال وترك قناة واحدة فقط وهي السودان
    4- الاكل والشرب بالحمام لمدة اسبوع قابلة للزيادة
    5- ذهابها الى اهلها في فترة العقوبة متى ماشاءت
    6- تحفيض ابني هشومة بخرق مع فضهم وليس حفوضات جاهزة (حتى ابني لحقه نصيب )
    7- تجهيز الفطوروالغداء والعشاء والاتيان بهما الى غرفتها وان اقف جانب الباب لحين انتهاءها من الطعام
    فقلت لها يازوجتي الحبيبة انا ابوهشام على سن ورمح قالتلي هي جزات كل واحد حابب يلعب بديله (يمين وشمال نظراتك )
    انبسطت سيد ياسر هي ماسلمنا على المخلوقة وصار فينا هيك شلون لوانو مسلمين عليها شوكان صار حلها اذا بتحلها طالعت الشعبيات من عيوني عامص
    خلص خيو ماعاد نحكي بالاكل والشرب قدامكم باطلة ومحوله كل شروطها بكفة ومحطة السودان يلي بقيت بالديجتال بكفة ههههههههههههههههههه
    طبعا الحمدلله كل هالشي صار بس كان مزح بمزح مني ومنها بس نحنا زوجين من دور على الشغلة الصغيرة لنمزح ونضحك فيها
    وانا شخص ضد اي شخص مابيسايرزوجته او حتى يلعب معها لأن الحب الحقيقي الذي يرضى عنه الله تعالى هوالحب الصادق بين الزوجين
    الله يديم زوجتي الي يارب وزوجتك سيدياسر الك ويطعم الشباب والبنات العذابية كل منهم الزوج والزوجة الصالحة يارب والسلام عليكم ورحمة الله وبركاته
    صحي نسيت قلك ياسر كمان اليوم شفت ام تيم وسلمت عليها ههههههههههههههههه

  293. يه يه يه ست ماسة على هالصدفة الهندية كمان انا من حماه وعايش فيها ههههههههههههههههههه

  294. ولي …………… شوهندية ماهندية شوهي حماه ماحماه ست ماسة انا من الاسكيمو بس واقف عم استنى الباص يالله اجى الباص مع السلامة

  295. استاذ ياسر اليوم السبورة عليي
    اليوم : الجمعه 7 – 5 – 2010
    حكمة اليوم : لاتطلب بالدين ياغالي انا متلك عايف حالي
    عنوان الدرس : الترغيب والترهيب في لعبتي التركس والطرنيب
    حريف الصف :حج حسين حصل (اذا بتحصل)
    المادة : اللغة الغجرية

  296. (((((((((((((((((((( بشرى ساره لأهل السوق))))))))))))))))))
    استبدل جنسيتك السوقية فورا بجنسية حواضرية مع فرق فقط 100000 الف دولار
    تخلص منها وارفع رأسك عاليا
    وداعا للنظرات التي تنظرها الناس اليك (سوقي هههههههههه)
    اسعرنا مدروسة والعرض مغري حتى نقاذ الكمية . بادر اخي السوقي الينا وتخلص من هوسك الذي يرافقك مدى العمر وانتسب للحاضر والحاضر يعلن الغائب
    انتبه …………..
    مع كل جنسية حواضرية بتاخد مجانا كسرية وشرويل وحطاطة وزنار عريض
    هههههههههههههههههههههههههههههه كا الاحترام والمودة لاخوانا السوقية عم نمزح مزح هاااااااا سلام

  297. حابب سمعكم كم نكته كونه اليوم الساحة فاضية والداعي حديدان
    ______________________________
    بدوي مصاب بالسرطان قال لولده لما أموت لاتقولهم مت بالسرطان قولهم مت بالأيدز علشان ماحد يتزوج أمك من بعدي
    __________________________________________________________
    مرة واحد صيني اتجوز وحده صينية خلفوا واد زنجي عنيه زرقه وشعره اصفر راحوا سموه : سم ثينج رونق .
    ____________________________________________________
    لا في مرة واحد بلع شفرة انجرح شعوره
    ___________________________
    مرة صرصورة طلقت صرصور ليش ؟؟!!…….لأنوا ما سجل المجاري بأسمها
    ___________________________________________________
    في اثنين محششين قال الاول للثاني تشووووف النملة الي على الجدار الثاني قال انا اشووووف النملة بس وين الجدار
    _____________________________________________________
    واحد سكران راح يصطاد لما وصل نسي الطعم راح جاب ورقة وكتب عليها طعم ورماها في الماء .. بعد شوي طلعت له ورقة مكتوب عليها سمكة .
    ____________________________________________________-
    مسطول دخل عزا اهل الميت وقعد قال اللي جنبه عزيت رد عليه لا عالديزل
    ____________________________________- .
    حمصي اشترى سيارة اوتوماتيك قطع رجله اليسار
    _____________________________-
    واحد غبي قال لصاحبه اذا عرفت اش بالكيس بعطيك منه سمكة قال بحر
    ___________________________________________-
    فى تمساح سوي رجيم صار ضب
    _________________-
    وحدة اتصلت بخطيبها قالتلو حبيبي انا اهلي موهون ولحالي بالبيت
    قلها خطيبها حبيبتي ماتخافي قرئي سورة يس
    _______________________________________
    دكتور حب يعمل لحاله دعاية كتب ( في حال لم تستريح ندفع نحن لك المعاينة 3 ادبال)
    اجى واحد نصاب قرأ الاعلان وضحك وقال وقع والله وقعه هالدكتور المغفل
    راح لعند الطبيب ودفع معاينة 1000 ليرة متفائل بعد قليل انه سيأخذها 3000 ليرة
    فقال للطبيب انا ماعم استطعم شومااكلت ماعم حس بالطعمة فقال له الدكتور هي ملح دوق وهي سكر وهي عسل وهي قهوة المهم هذا النصاب كل ماياكل يقول للدكتور مافي طعمه (مشان يخسر الدكتور المعاينة) قله الكتور بسيطة يافلانة (الممرضة) هاتي حنجور رقم 8 فأتت الممرضة بالحنجور .
    قله الكتور تذوق فلما ذاق النصاب صاح يع شوهاد (بول) قلة الدكتور مبروك صرت تستطعم مبروكة علينا المعاينة
    هاد النصاب انزعج وقال بسيطة انا اكبر نصاب بالمنطقة خلي هيك واحد يضحك عليي
    راح تاني يوم لعند الدكتور ودفع معاينة تانية 1000 ليرة قله الدكتور خير شوبك قله النصاب يادكتور صاير عم انسى
    ما عم اتذكر ابوي ولا امي ولا اخواتي ولاشي لوك كل شي كل شي حاول الدكتور يعالجه مااستفاد شي والنصاب يقول للدكتور يادكتور لاتحاول ماراح اتذكرشي انا فاقد للذاكرة تماما
    هون الدكتور قله بسيطة يافلانة (الممرضة) هاتي حنجور رقم 8 . نط النصاب وقال انشالله هاد يلي دوقتنياه هديك المرة قله الدكتور اي مبروك رجعتلك الذاكرة ههههههههههههههه لاتواخذونا تصبحوا على الف خير

  298. المسافر الحموي قال:

    السلام عليكم جميعا
    اولا الله يعطيك العافية اخي ابو بسام ويعطيها العافية للأخت ام بسام وكتر خيركم ما قصرتو وبشكروا كتير للأخ محمد وضل سالم
    بس حابب استفسر منكم عن اماكن الأستراحات على الطريق ولا تأخذوني على كتر الأسئلة بس حابب اجمع اكبر قدر من المعلومات قبل السفر
    لحتى تكون السفر ميسرة بإذن الله وبرجع بشكركم ويعطيكم الف عافية

  299. حواضرية و بس قال:

    بماذا يتميز المواطن السوري عن غيره

    1- بيفهم بالطب و بيشخص ويوصف الدواء و بيفهم بالكهرباء وتصليح السيارات والطبخ و السياسة و الطابة و العمار ………..وكل شي بيخطر بالبال
    2- بيحط الريموت كونترول بكيس حتى ما يتغبر و تروح الأرقام
    3- بعد انتهاء الزيارة والسلام بيوقف يحكي عالباب نص ساعة عالأقل
    4- في خزانة المطبخ عنده عشرين قطرميز فاضي منشان اذا احتاج يستخدمها وما زال مصر على جمع المزيد
    5- بيجي بعد الموعد بساعتين دون ان يعتذر
    6- بيحكي بصوت عالي في المكالمة الدولية منشان التاني يسمعه
    7- بيعتبر حالو افضل واحد بالشراء والمفاصلة بعدين بيكتشف ان المحل يلي جنبه ارخص و بدون مفاصلة
    8- بيحتفظ بأكياس محلات اللبس و الأحذية و ورق الهدايا تحت الفرشة لسنوات من مبدأ إلّما يلزمو
    9- بيشتري قبل الإفطاربرمضان الف نوع حلو
    10- عنده منقل شوي للرحلات بيستخدمه مرة واحدة أو 3 مرات إن كترت
    11- بيفكر إنو أي حدا بيشتغل بالخليج بيغرف مصاري من غير حساب و أغنى واحد بالدنيا
    12- بيكون مشغول بقيمة البخشيش طول العشا ….ياترى أعطي 25 أو 50
    13- بيتخانق ساعة مشان يدفع حساب المطعم بحرارة شديدة ….وقلبو عم يقول حق بق
    14- بيفرش شرشف التخت على طقم الكنبايات منشان ما يتوسخ ولمّا بيجوا الضيوف بيترك الشرشف
    15- بينتظر بفارغ الصبر بياع المحارم ابو السبعة بمية ليموّن لشهرين عالأقل
    16- عندو التخبيص بلعبة الشدة مصيبة كبيرة وممكن يخسر رفيقو مشان برتية

    هي المعلومات قريتا بأحد المواقع وحبيت انقلها و آ سفة عالإطالة

  300. ياأخي تعى انت وسيارتك بطيارة على حسابي وخلصنا……………..
    بسب بدك نصيحة انا بزمانه طلعت بسيارتي سياحة على البوكمال والقامشلي وديرالزور وكل واحد قبل ماسافر يدلني شكل فوتوني بمية حيط
    بعدين ربطت سفرتي مع بولمان مسافر على ديرالزور ومشيت بسيارتي وراه كل مايوقف على استراحة وقف معه وامشي معه حتى وصلنا ورجعت على نفس الطريقة ولما مشيت ورا البولمان اخدت الطريق مختصراكتر من يلي قالولي عليه الناس وشكرا لأستماعك سلام

  301. ست حواضرية هي مواصفات المواطن الحواضري فضحتينا ولي عليكي هون جاية تنشري غسيلنا
    هلق بتضحك علينا صفاءءءءء
    ههههههههههههههههه

  302. الله لا يفضح حدا هههههههههه

  303. المسافر الحموي قال:

    السلام عليكم
    حابب اطمن على الحموية يلي بالرياض
    ان شاء الله اموركم بخير و مو متاثرين بالفيضانات

  304. اليكم اللهجة الحموية القديمة (مصطلحات) قرأتها في احد المواقع

    دنيي سليماني : برد قارص

    عليي السخام : يمين مقدس

    مليان : ممتلئ

    دشرو : اتركه

    لأ ولو : تقال عند التعجب

    أتورة : برهة من الزمن

    مكسليت : دراجة هوائية

    بالزور : رغما عنه

    معلي : لا بأس

    عالحارك : بسرعة

    مي هون : ليست هنا

    ألفطو منيح : نظفه جيدا

    شلافيط : حار جدا

    سطامة : شخص غبي

    شي إنو : جزء صغير

    مشفتر : متكبر

    ماكينة مزوزقة : سيارة جميلة

    مبروك : مجنون

    سعره فليفلة يالله : باهظ الثمن

    لحم بعجين : إمرأة سمينة

    شايع : تقال للإنسان والجماد

    حيشاكم : بعيد من قبالكم

    سخاتير : أكلة عريقة

    مغطنيس : مغناطيس

    باجوء : الفم

    تسومم : تقال عند تناول الطعام

    طسو : انظر إليه

    معصمص : هزيل البنية

    مأرفع : وصل إلى حد اليبسان

    مألف : مسرع جدا

    زطي : شخص خروق

    فز : قم

    بقالة : غالبا ليس لها معنى

    بحفض : أي بالناقص منك

    جاطي : وعاء كبير

    بركدا : تقال عند وضع الإحتمالات

    ممضمينة : نوع من أنواع الحلوى

    شاروخ : حذاء أو نعل

    سيري : مصطلح يستخدم في لعبة التركس

    لا تأس : لا تخاف

    دنك : مطأطأ الرأس

    إلطيلو : انتظره

    وبعج : وتقال عند التدرع

    خمير : شاي ثقيل

    سيلك : طريق ممهد

    لاتجور : لا تقسو

    مخشكر : وتقال عند الإنتهاء من العمل

    بينبأ : يوصل إلى الطرف الاخر

    و إز كان : عدم المبالاة

    جنأ : صحن صغير

    نبريج : انبوب مياه

    أول عمن أول : أي في قديم الزمان

    ساقية : منتزه قرب مدينة حماه

    صعي : حقا

    يا سما : أداة نداء
    بقى وين الست صفاء تعلق على المصطلحات هههههههههههههههههه

  305. مسا الخير للجميع

    شو الاخبار ان شاء الله بخير طمنونا عنكم

    الله يعطيك العافية يا ابو هشام على هالتعليقات يلي عما تحطها يسلموو كتير

    وكما يسلمو للاخت حواضرية على المواصفات يلي حطتها بالفعل كلها من واقعنا

    وتحياتي لجميع الزوار شباب وصبايا

  306. اهلين اخ ياسر ولو هاد اقل شي ممكن نعمله لنحلي المدونة بس ماقلتلي شورأيك بالعقوبة ولوكنت محلي شوبتساوي ؟؟؟؟؟؟؟؟؟؟؟؟ هههههه

  307. أهلين بابو هشام الله يعطيك العافية ماعما تقصر

    ياسيدي والله طلعت اختنا ام هشام قدها وقدود وعرفت كيف تضبطك بلائحة هالعقوبات ( يارجل اقوى من عقوبات الكونغرس الامريكي :) )

    وبالنسبة للشطر التاني لسؤالك ( اذا كنت محلي شو بتساوي ؟؟؟ )

    أحتفظ بحق الرد :)

  308. حواضرية و بس قال:

    يعني أنا كتبت (المواطن السوري) مشان ما حدا يشمت بس الأخ أبو هشام ثبتا على الحواضريين
    اذا ابتليتم (بأي شي ) فاستتروا ما هيك

  309. للأسف (هيك) حواضرية خانم
    حق الرد ؟؟؟؟؟؟؟؟؟؟؟؟؟؟؟؟ مممممممممممممممممممم والله ياشيخ ماراح يطلع بايدك لا انا ولا انت شي زمن تفتيل الشوارب ولى وراح ههههههههه

  310. يارجل شوهالمدونة يلي عندك كم صفحة ومن انو سنة فاتحها ماشاءالله بحر والله انا ضعت قدمافيها مواضيع امبارح كنت عم ابحث عن شوية مواضيع طريفة لحماه طلعلي صفحة اول مرة بقراها شاعر حموي يمدح الطعام لما فتحتها طلعت صفحة من صفحات مدونتك
    بعدين ممكن انك تنزل فهرس على زاوية من زوايا المدونة باسماء الصفحات كاملة كي يسهل علينا التصفح والزيارة وشكرا لك اخ ابوبسام الغالي ولزوجتك اختنا ام بسام سلام من زوجتي ام هشام ســــــــــــــــــلام

  311. هاي
    كيفكم تأخرت عليكم كان كمبيوتري بعيد عنكم داخله فايروس لحتى اجى فني الكمبيوتر وصلحه .
    بعدين في ناس جديدة معنا هاي لكلياتكم
    كيفك كونت ياسر
    هاي عبودة شو شمستنا انت وام هشام على سلمت عليي وماسلمت شوالقصة بدي قلها لام هشام شوام هشمو صايرة عم تغاري على ابوهشام مني مممممممم والله ياام هشام معاكي حق بس شوبدك بالحكي عن جد عبد شبعان احترام واحد غيره اجى اتشفتر قدام رفقاته وسلم عليي
    بس على الاكتر خجل اكتفى برفع حواجبه مع ابتسامه لطيفة هههههههههه
    بس تاني يوم ماقصر بدي افسدلك عليه اجى سلم مصافحة وعزمني بالطريق على كاسة تمرهندي والعذراء اشتهيتك معي ماقلك ابوهشام كنو ماحاكيلك ممممممممم يالله عرفتي مني مافي مشكلة ههههههههههههههههه
    بعدين شوهالعقوبات يلي حطيتيها متل ماقال الكونت ياسر اصعب من قرارات الكونغرس الاميركي
    بس في عقوبة نسيانتيها استخدميها معه انا استخدمتها مع ابوتيم انويقلع بالشورت على باب البيت من المساء حتى الصباح
    لأ عن جد لا تساويلو شي والله عبد مابيستاهل إلا كل خير بارككم المسيح وحفظتكم العذراء يارب صديقكتم (هنا أم تيم)

  312. المسافر الحموي قال:

    السلام عليكم
    شكرا كتير سيد ابو هشام على العرض المغري وبالنسب للسؤال عن السفرة انا عم بسأل لأنو بلد غريب وما بس غريب فيه جنسيات غريبة كتير من هنود او باكستان …..إلخ وخصوصا انك عم تسمع مشاكل كتير شي اعتداء او قتل وضروري يكون الواحد بيعرف الطرق المسكونة والأمانة قبل ما يطلع وخاصة انا ما لوحدي
    مع العيلة وبتعرف انتي انو الشب وين ما كان ممكن يرتاح ويمشي حالوا حتى لونام بالسيارة بس لما بكون معك عيلتك بصير حكي تاني ولازم يسأل الواحد بدل المرة الف وبالنسبة للسفر داخل سوريا ما في داعي تسأل حدا لأن بلدك وبتعرف انو سوريا امان وبنفس الوقت اغلب الطرق مسكونة وفيها ضيع على الطريقومافي جنسيات غريبة ما متل لما بدك تسافر بطريق صحراءوبجوز تقطع اكتر من 100 كم لحتى تشوف شي حدا
    وسلام للجميع

  313. يافضيحتك ياام احمد يافضيحتك ياام احمد
    مشكورة ست هنا انا لحالي بعرف طريق بيت اهلي راح ضب غراضي وقول الله على شي بلد كتر خيرك تعبتي معي باطلة ومحولة كاسة التمرالهندي
    يابنت الحلال نحنا كنا بالسلام على سلمت ولاماسلمت صارعلينا حصر داخلي
    هلق بكاسة التمر الهندي شوراح نساوي مالي غيرابوبسام (اخوي) يحجزلي بشي اوتيل نص نجمة ماشي الحال بالامارات احسن الي واشرفلي
    بعدين بالشورت على باب البيت والله ماضل غير تحلقلي عالصفر ونتزلني جاثيا وكواع وركب
    خلص هي ام تيم وابوبسام عليي ياسر طالع الشعبيات من عيوني عامص وام تيم كاسة التمرالهندي
    كسرنا الدف وبطلنا الغنى هههههههههههههههه
    على سلامتكم والله احلى اصدقاء

  314. كاسة تمر هندي بسيطة شلون طاوعك قلبك تشربها بدوني اه بكرة بتجيب ابريق لكل الزوار

  315. اذا انفضت الحكاية ببريق تمرهندي
    احلى بريق تمر هندي شغل بيت السلطان يخدم احلى زوار مدونة
    بكرة بجيب بريق تمر هندي وبدلقه على الكمبيوتربيوصل عن طريق النت بقى كل واحد بيحط كاسة بكرة جنب كمبيوتره مشان توصلوه حصته موافقين
    هههههههههههههههههههه

  316. صباحكم خير وعافية

    أول الشي أهلين باالحموية ( ام تيم ) : والحمد لله على سلامة الكمبيوتر نحن قلنا بينا وبين حالنا خير وينها ام تيم صرلها فتره مو مبينة على العموم الحمد لله على السلامة ونورت المدونة وشو منشان الفضايح ونشر الغسيل :) بس معقول هيك يا ابوهشام الدنيا مهرجان وفرحة واحتفالات و كاسة تمر هندي ..!!
    كان المفروض تتصل بام هشام وتخبرها تلبس وتجهز حالها منشان تمرق تاخدها وتروح انت واياها وام تيم على افاميا الشام لأنك عازمهم على العشا بس هيك تقضيها بكاسة تمر هندي وبدون ام هشام .!!! لا هيك ما معك حئ والمفروض هالمره العقوبات تزيد ويرتفع رتمها أكتر من قبل وانا ممكن حسب المونة على اختنا ام هشام بطلب منها رفع العقوبة مقابل عشا دسم ألك ولأم تيم بشي مطعم بحيث تطلع الفاتوره أكتر من حئ برميل تمر هندي ههههه :)
    شو رايكم ؟؟؟ ( لا تقولولي اقتراح مناسب واكيد ابو هشام موافق :) )

    المسافر الحموي : ياسيدي معك حئ تسأل وتستفسر طالما اول مرا بتنزل بس لا تحاول تصعب الامور ان شاء الله بتلاقيها سهلة وميسرة وبالذات اذا انت بتحب السفر في ناس خلقهم ديق للسفر منشان هيك ما بيحبوا ينزلوا بالسيارة اما اذا بتحبالسفر بتلاقيها كتير حلوة ونصيحة بس حسيت حالك مخربط او بدك تخربط وقف واسأل وفي ناس كتير ولادين حلال بيساعدوك بالسلامة ان شاء الله ماخبرتنا ايمته ناوي السفره ان شاء الله .

    مره تانية يسعد صباحكم جميعا بدون استثناء شباب وصبايا
    تفضلوا اشربوا القهوة لساتها سخنه :)

    تحياتي ….

  317. كلامك صحيح اخ مسافر الحموي بس الفكرة كانت غايبة عن بالي ياسيدي شغلك صح والحرص واجب توصل بالسلامة يارب انت وعيلتك سالم غانم

  318. (شومشان شو) الفهرس بزاوية المدونة في صفحاتك كاملة (انني اطالب كعضوفعال ) ان يكون لنا شرو ط
    1- دفع الرسوم التي تترتب علينا من قبل الجمعية (الانترنيت)
    2-تخصيص راتب شهري لكل عضو فعال لا يقل عن 2500 درهم شهريا
    3- ارسال الهدايا من قبلكم لجميع الزوار المدونة
    4-
    5
    6
    7
    8
    تركت الفراغات للزوار بركي حدا عنده طلب نسيانه
    شو ابو بسام برميل تمر هندي لكن تحمل كنك بتتحمل وباافاميا كمان تراجع عن الكلام يلي حكيته لانو انا يلي تحت القتل والضرب
    هههههههههههههه على راسي ابوبسام

  319. والله بتستاهل أكتر من من هيك يا ابو هشام على نشاطك بالمدونة

    خلاص تكرم عينك انت سجل طلباتك وانتظر الرد :) :)

    تحياتي …….

  320. صفاااء قال:

    مساء الورد الحموي والياسمين الحواضري والفل السوري
    منورة المدونة وعطرها فايح بوجود الطيبين
    ميرسي لكل مين سال عني بالمدونة اشتقتلكم والله وحشتوني كتير وبشكرك كتير ام هشام على خفة دم قولي لجوزك معك فقر دم هههههههههههه رح قلكن ليش كنت غايبة عن المدونة باللهجة الحواضرية
    ياستي ملا انتي كان عندي شغل كتير لفوء راسي بالبيت وعم نفرط فول وبازلياء ملينا الفريزر شي 6 جواطي وكل جاطي ناقص اتورة اتورة مو للطفحة ومن كتر ما اشتغلنا مابقا نقدر نفز على حيلنا وامي الله يحميها تقلي طسي منيح لا تكون الفولة مدودة وسلقنا اتورة فول وصبينها بالجناأ واكلنا شو طيب الفول المسلوق هالشايع ما بقا نقدر ندشرو حتى شرقنا مرقة الفول هههههههههههههه واخي المعصمص بقا يروح يكب قشر الفول لطشتو كف صغير راح مأرفع عا المسكليت كبهن واجا بدو اجرته وغير هيك المدونة ما كانت تفتح معي من اللاب توب ووو صاير فيها تقل من كتر الزواروالاعضاء بسم الله ماشاء الله الله يحميها من عين الحساد الله يبارك فيها وبكل الموجودين هههههههههههههههههههههههههههه
    هههههههههههههههههههه

    احترامي وسلامي للجميع

  321. صفاااء قال:

    ايمتى باخد الجنسية الحواضرية ؟؟؟

  322. اي اهلين وسهلين والله بالاخت صفاء

    وانا عما قول لحالي وانا قاعد بالمكتب منين هالصوت الحموي الحواضري الأصيل منين طالع :) فتحت لقيتك كاتبه تعليق بالمدونة ههههههه

    ياستي اذا مشغولة بالمونة مو مشكلة معذورة بس لازم تجيبيلنا ورقة اذن موقعة من والدتك ( الله يحفظها ) مع طابع ب 5 ليرات من الكولابات يلي جنب السرايا منشان نحطها بملفك بالمدونة ونكتب سبب الغياب :)

    على سيرة الفول وبعد ما قريت ردك اتصلت بمرتي التلها جايي على بالي اتعشى فول مدمس قالتلي اي ماعندي فول مسلوق جاهز :( التلها مابعرف دبري راسك صفاء ذكرت الفول وانا اجى على بالي هههههه قالتلي في بالفريزر حمص مسلوق اذا بتحب بعملك اياه , بدل الفول حمص التلها مو مشكلة راح مرقها هالمره :)

    يالله سلام وتحياتي للجميع ,,,

  323. اهلين والله بالست صفاء كيفك شلونك كيف الجو عنكم بالسوق انشالله مافي برد وتلج الله يحميكم لبعض ويحمي بعض الكم هههههههههههههههه
    والله انا صارلي يومين عم اكل فول مدمس بس المشكلة ماعم استجر احكي لأن صارلي يومين عم اتشنطط بالشعبيات والتمرالهندي
    بقى صرتي انتي اليوم كبش الفدا
    مابعرف بيجوز تسخني ههههههههههههههههههه
    بعدين بتقلك زوجتي قال ليش عم تحكيها بالحواضري هي مابتفهم هي اللهجة لأن هي اساسها من حي الاندلس وصارت من المغضوب عليهم ولاالضالين امين
    بتقلك (بليز لوسمحتي كلميني بالسوقي يالتيف شواسيه) اوك
    ذكرتيني بنكته
    كان في عيلة حواضرية بدها تتطور وتتقدم معاهم عملة ليوم العملة
    قال ابوهم راح زوج ابني وحدة المانية بيصير يحكي الماني وبتصير عيلتنا مثقفة ومتطوره المهم يابنت الحلال
    زوجوه لابنهم وحدة المانية وتركوه معها بغرفة مدة 6أشهر مشان يتعلم اللهجة الالمانية . بعد 6 أشهر دقوا الباب عليهم ليشوفوا التطور على ابنهم
    ولا سمعوا صوت امرأة عريض من الداخل (مــــــــــيــــــــن هـاد) ههههههههههههههههه
    بقى هي قصتها متل زوجتي أول ماتزوجتها كان كلامها كلو( اوك. بليز. برضو. اذا ممكن. لوسمحت .ياي .)
    بينما اليوم ماشاءالله عليها ( وينك ولا طس قدامك يلعمى ضربك. يابطيخ وينك. يخربيتك )ههههههههههههههه
    الله وكيلك ياأم الصفصف عم امزح مزح سلام

  324. هلق أنا هيك عبود الله يسامحك والله بعمري ماحكيت هالكلام القاسي والله عم تحط على لساني حكي بحياتي ماحكيته
    اصلا هي العقوبات يلي مكتوبة كلها من بنات افكارك انا عم اضحك واتفاجئ بيلي عم تكتبوه متلي متل اي زائرة هون
    ياجماعة الخير والله انا بدي سلتي بلى عنب هلق بتاخدوا عني فكرة اني قوية وغيرمتفهمة

  325. ام بسومة ( زوجة ياسر ) قال:

    مساء الخير

    كيفكم شو اخباركم ان شاء الله بخير انا بعتذر كتير منكم لانوا ما عما شارك مع اني كل يوم تقريباَ بقرا ردودكم ومشاركاتكم

    حبيت سلم عليكم وبالذات على الصبايا صفاء وام هشام وام تيم وام حازم وام يامن وحواضرية وماسة ولا تآخذوني اذا نسيت حدا وسلامي كمان للشباب ولجميع زوار المدونة وان شاء الله بحاول كل يوم طلطل عليكم وشارك معكم …..

  326. ممممممممممم ياحرام والله القط بياكل عشاكي يامسكينة وجعتي قلبي قومي نامي بكرة عندك دوام بمدرستك بكرة بتتأخري على طلابك وبتحطيني انا السبب

    ا

  327. لللللللللللللللللييييييييييييشششششششششششششش وشاركت ام بسام اويها
    طمنونا ياجماعة انشالله يكون ابوبسام بخير مايكون معاقب انشالله تكون اجت سليمة يارب انا بتوقع هلق انوياسر العين اليمين زرقا واليسار خضرا
    على كل حال اهلا وسهلا مدام ام بسام اخت لكلياتنا

  328. اهلين ام بسومة كيفك انشالله بخير من زمان طلي علينا وخلينا نقرا مشاركاتك اللطيفة مشان بكرة اذا زرتينا نكون نعرف عنك شي على كل حال انا بنتظارك
    ام بسام مشان دوقك تبولتي ونعمل لمة انا وانتي وام تيم وصفاء وام حازم وام يامن وماسة وحواضرية اتشرفنا فيكي ام هشام

  329. تعملوا لمة ؟؟؟؟؟؟؟؟؟؟؟
    يعني تشحدوا مثلا ام هشام اي موغلط الشغل موعيب
    على كل حال ديروا بالكم من المكافحة ……………….
    وفي بابين هدول محدا يقرب عليهم باب المناخ وباب عمربن الخطاب هدول محجوزات الي يوم الجمعه
    هههههههههههههههه (ال لمة ال) بس وضحي لمة شو الله يصلحك يا ام هشام

  330. ام بسومة ( زوجة ياسر ) قال:

    تسلمي يا ام هشام كلك زوء

    وان شاء الله بس انزل على سوريا منتقابل ومنتعرف عليكي وبتزوريني وبزورك

    كنت فاتحة المدونة عما اقرا وياسر علمني كيف اعمل موافقة على التعليقات فقلت خليني سلم واطمن عليكم قبل ما نام , بسام وابو بسام من ساعة نايمين ههههه قلت خليني استغل الفرصة لانه بوجود بسام مابقدر اشتغل على الاب توب بتاتاَ

    يالله تصبحوا على خير بشوفكم بكرا ان شاء الله

  331. حبيبي والله مفهوم شوقصدي وانا حديثي كلو عالفطرة ماعندي خزعبلات لاتواخذيني ام بسام بس الصغير عم يبكي لازم شوف شوفيه راح اغلق كمبيوتري وخلي ابوهشام وكمبيوتره عالقين للصبح تصبحي على ألف خير وخلينا ديما على اتصال بااااااااااااااااااااااااي

  332. نيالون والله انا نعست بس ام بسام الله يخليكي اقرئي التعليق منيح قبل ماتوافقي لأن نمرة رجلي42 قياسها مناسب بلى ماتصير 55
    حبابة صحي لياسر وقليله تصبح على خير بيقلك ابوهشام وخلي يرجع ينام بعدها

  333. حواضرية و بس قال:

    مسا الخير لكل الموجودين
    اخت ام هشام بدي اسألك عن عيار عجينة الشعيبيات لأني جاية على بالي اعملن وما بعرف العيار ولّا انتي بتجيبي العجينة جاهزة

  334. سلام عليكم جميع انشاء الله يكون صباح جميل عليكم جميع
    أخي ياسر اسعد الله صباحك والله يسلم اياديك على مدونتك الحلوة والله مو مجاملة
    بجد حلوة ومتعوب عليها وان شاء الله عقبال الموقع الرسمي
    المتكامل أو المنتدى وسلامي الى كل الشلة الحموية وغيرهم
    وتقبلوني صديق

  335. صفاااء قال:

    صباح الخير
    هلا اخي ياسر وام بسام كيفك شو اخبارك وهلا بام هشام وابو هشام منورين حارتنا والله يخليكم لبعض ودائما تبقو مبسوطين وهلا بحواضرية وهلا بكل الموجودين

    ابو هشام الجو عنا برد قارص سليماني ههههههههههههه حابين نجي نصيف عندكم بالحاضر وام هشمو بتعملنا تبولة ويلانجي وبيتزا مشان اعطيها رايي فيها وياريت نتعرف على بعض ؟ شو اسم المدرسة الي بدرسي فيها
    وبالنسبة للصبايا ايمتة حابين تعملو لمة انا جاهزة وابو هشام بيوزعنا عالمناطق الي مش محجوزة هو ادرى ؟؟ ههههههههه بنلتقى بحديقة الثورة او حديقة ام الحسن اتفقوا وخبروني

    تحياتي لكم

  336. مرحبا كيفك أم بسام وام تيم صفاء حبيبتي وحواضرية كيفكم انشالله بخير
    اليوم انا فرحانة اول مرة باخد راحتي بالكتابة وابوهشام مانوهون اليوم مااجى على الغداء مزحوم شوي
    اليوم ساويت اكلة (تقريضة بالفرن) طبعا أبوهشام كتيربيحبها وانا بساويها بلحمة جمل طيبة كتير كتير بالذات اذا كان فيها اثارحد
    ممممممممممم شوبدكن بالحكي اكلة مابتتفوت (تفضلوا تغدوا معانا)
    وبالنسبة لست صفاء بدي ضحكك بشغلة ابوهشام من فترة شي 3 جمع اشترى فول شي تقريبا 50 كيلو لأن هو كتير بيحب الفول بالشتوية
    بياكله حاف
    المهم انا شفت هالكمية طار عقلي قلتله شوبدك تفتح بياع فول ليش كل هالشي وانا ايمتى بدي خلصهم لحالي
    اجى قلي يالله لا تزعلي بسيطة احذروا شو عمل؟؟؟؟؟؟؟؟
    حطهم بالسيارة ونزلهم عالدكان وعندو بالمحل صانعين طالعهم علىنصية المحل وخلاهم يساوا الفولات وجبلياهم جاهزات المهم حكيت للماما
    قالتلي اي والله الله يرضى عليه عندي شي 100كيلو بركي بيعطيهم للصناع يلي عندو
    المهم ابوهشام جاية و عم يضحك قلي تصوري ياام هشام على منظر كياس الفول الفايتة والطالعة قدام الجيران أحلى شي تاني يوم جيرانه كلها جابت فول وعطت صناعها (صناع محلاتهم ) يفتحواالفولات عم يقلي منظر بيفرط من الضحك .
    بعدين انسة حواضرية بالنسبة للعجينة أنا بجيبها جاهزة من عند خالي عندو محل حلويات بالحاضر (سوق برهان)
    (محل انس عسكر)ممكن تتطلبيها من عندو قليله بدي (عجينة المهدي) وسلميلي عليه قليلو بتسلم عليك بنت اختك ام هشام مشان يتوصى ويراعيكي
    يلا باي اجى ابوهشام جوعان بدي لحقه مشان مايطلع خلقه لأن اذا كان مروق مافي احلى منه واذا عصب مافي (؟؟؟؟؟) منه حطوها على كيفكم سلامات باااااااي

  337. السلام عليكم
    مرحبا والله محدا بيقوم كلمين يضل قاعد بمحله شلونكم شواخباركم صرلنا زمان ماحكينا مع بعض ولابعض حكا معنا شي 6 او 7 ساعات
    مشان توزيع المناطق ست صفاء بدك طولي بالك شوي لبعد المهرجان لأن كلها البواب محجوزة الي
    وبالنسبه للأكل التبولة والليالنجي والبتزا تبقى أنا باكلهم وبعطيكي رأي الشخصي ( بيمشي الحال ) يمكن .
    وبالنسبة انكن تجوا تصيفوا بالحاضر والله صعب شوي لأن ممنوع الدخول للأجانب (أهل السوق) بدو يكون معاكي جنسية حواضرية
    وجواز سفر وعليها تأشيرة دخول وخروج وبتدفعي دخولية تقريبا شي 1000 دولار للنص الشخص الواحد هههههههههههههههههه
    وبنصحك لاتحاولي انك تدخلي سرقة لأن الحدود الحواضرية السوقية مراقبة .
    صحي انتي قلتيلي فيكي عرق حواضري ؟؟؟؟؟؟
    ياستي مشان هالعرق يلي عندك بينسمحلك انك تعملي جوله فقط بحديقة الثورة لمدة 5 دقائق مو اكتر هههههههههه
    وبالمناسبة حتى مكالمة الأرضي غليت بين السوق والحاضر يعني اذا بدك تتصلي على حدا بالحاضر تكلفة الدقبقة الواحدة 250 ليرة من السوق
    اما اذا حدا بدو يتصل من الحاضر على السوق تكلفة الدقبقة الواحدة 1 قرش سوري موأكتر
    وهلق برجع بعمل دعاية من اول لجديد اغتنم الفرصة مع كل جنسية حواضرية بتاخد خلاط ستارمكس وقلم ستيلو ازرق تعى لحق حالك هلق بتقول كان هون
    هههههههههههههههه
    اهلا وسهلا ست صفاء نورتينا وايمتى انك تحبي تتعرفي على ام هشام زوجتي فيكي تندلي على احد المحلين الاقرب اليكي بتاخدي رقم موبايلها وبتزوريها
    وبالنسبة للأخت ام بسام انشالله ماتكوني فيقتي ابوبسام وسلمتيلي عليه بيجوز اذا فاق من النوم(بيكون بجك بجكة هي قدها عليي وعلى الانترنيت وعلى الساعة يلي عرفني فيها هههههههههههههههههه)
    أنا هالشي بعرفه من خلال عملي بعض اوقات تقريبا الساعة 2 او 3 باليل بيندق الموبايل او حتى باب البيت على مشان الله مشان محمد البطاقة راح تحترق بدي اشحنها وانا صاير بستحي اكتر من النسوان (ليش ضحكتوا) كان ماعجبتكم هي الكلمة سيدي المهم بقله تكرم عينك بس المصيبة موهون لأن جاية مستعجل بينسى ياربي يجيب يحاسبني على هوا اللبكة نسي جزدانه ومصاريه ببنطلونه التاني وقد مابيكون ابن حلال ما بيحاسبني لبعد شهر ليفطن وانا بس اني فقت من النوم مابغضر ارجع نام هي العادة فيني بشعة
    يلا لاتأخذونا طولنا الحكي عليكم بس عندي اقتراح عمو ابوبسام انك تفتح صفحة جديدة للمدونة لأن الكمبيوتر عم ياخدله صفنه شي 3 دقائق لتفتح الصفحة
    أقولو هذا القول استغفرواالله لي ولكم فيافوز المستغفرين استغفرواالله اخ ياسر (أقم الصلاة)هههههههههههه

  338. اليوم اتفرجت على فيديو كليب لكاظم الساهر كتيير رائع وكلماته واقعية عنوانه (المحكمة) بهديكم كلماته لأنها مؤثرة ومن واقعنا الحالي

  339. حواضرية و بس قال:

    السلام عليكم وانشاء الله تكونوا جميعا بألف خير الأخت العزيزة ام هشام
    انا عايشة برا سوريا بشان هيك صعب عليي جيب العجينة جاهزة بدي اعملها بإيدي
    على فكرة انا بساوي عجينة القطايف وبتطلع معي كتير طيبة وبعرف اعمل مشبك بس لسة ما جربت الشعيبيات
    بدي اسألك سؤال مرت خالك انس آنسة ديانة و الأستاذ ظفر الله عسكر بيكون خالك كمان لأن كان استاذي بمدرسة صلاح خضير
    ملاحظة:
    =====
    أنا مدام مو آنسة
    الأخ ابو هشام أنا بقترح عليك تعمل ورشة بالنصية مخصصة للمونة بالأجرة وتجيب صانعين تانيين لأن صناعك ما رح يلحقو من كتر التواصي
    وغير الآرمة واكتب محل ابو هشام للاتصالات والمونة (لسنا الوحيدين لكننا الأفضل)
    وسلام لكل الموجودين باي

  340. يسعد صباحكم جميعا

    شو اخباركم ان شاء الله بخير

    ابو هشام امبارح قريت ردك معقول صفحة التحاور عما تاخد 3 دقائق حتى تفتح معك ..!! لهل الدرجة صايرة تقيله اذا بالفعل صايرة هيك خليني افتح صفحة جديدة .

    باعتباري اليوم صاحي بكير من الساعة 6 الصبح ومابعرف شو يلي مصحيني بس فجأه لقيت حالي نشيط ومصحصح فراح حضرلكم القهوة ويلي بيدخل بيلاقي فنجان قهوته جاهز :)

    يالله تحياتي للجميع …

  341. وصباحك اسعد اخ ابوبسام
    انا يوميا صاير الي تعلياقات بسبب اني ثبت الصفحة الرئيسية عندي مدونة ياسر عرواني مشان هيك اجباري بدي اقرا االتعليقات
    هي سبب والسبب التاني بدون مااعرف وجوهكم او حتى اعرف من وين انتوا حسيت حالي منكم وفيكم عن جد بعدين أنا مليت من الرفقا يلي بحيبوا مصلحتهم قبل كل شي والله ان شاالله ما عم جامل حدا فيكم حبيتكم شباب وصبايا بالله
    الله يحميكم ويردكم سالمين غانمين انتواواولادكم يارب ويهدي بالكم
    وبالنسبة للصفحة متل ماقلتلك فيها غصات كتير مع العلم انا عندي خط النت سرعتة ممتازة اضافة لمواصفات الكمبيوترالحديثة
    وبالنسبة لمدام حواضرية انا عم حاكيكي من محلي بالسوق بس اطلع عالبيت بخلي ام هشام تردلك هي اذا ماقرأت تعليقك قبلي وردت .
    وان عم ادرس مشروع فرط الفول انشالله وراح نضيف انشالله كم شغلة معه توم ونتف ملوخية وتقوير كوسا
    بكرة راح نتعاقد مع بياعين سوق الهال وكمان جماعة الحاضر الصغير بماانهم قريبين على محلي وراح ساوي عرض كرمالك مع كل كيس فول هدية 400 وحدة
    هههههههههههههههههه
    تسلمي مدام حواضرية
    وبالنسبة لخالها صحيح مدرس في ثانوية صلاح خضير معناها لازم تعرفي والدي مدرس لغة عربية هشام الشيخ موسى مستلم الشهادات
    كان من شي 17 او 18 سنة مدرس بمدرسة عثمان الحوراني بعدين انتقل لمدرسة صلاح خضير
    على كل الاحوال مدام شو بيلزمك نحنا اهلك واخوتك انشالله ســـــــــــــــــــــــــــــــــــــــــــــــلام

  342. ms na3ora قال:

    شــــــــو شــــــــــايفة فاتحين قهوة !! هههه

  343. شكلها وصلت ريحة القهوة لعندك ..!! :)

  344. مسا الخير للجميع

    ما شاء الله من كثر التعليقات الصفحة صارت شوي تقيلة عند البعض منشان هيك قمت بفتح صفحة جديدة

    لذلك يرجى من الجميع متابعة التعليقات على الصفحة الثانية

  345. leena قال:

    مرحبا حبيت أبدي إعجابي بالمدونة وتمنيت يكون عندي متلا

  346. الله يعطيكم العافبة

  347. صفااااااااااااااااااااااااااااااااااء كيفك

  348. احمد قال:

    انا يوم غلى يوم يزيد اعجابي بهذه المدونه وارجو من الله لكم التوفيق والاستمرار

  349. احمد قال:

    اللله يعمر سوريا ويحفضها من الاعداء امين اللهم امين

  350. صباح الخير اهلين تاني مرة بالست مروة فيكي تزورينا بصفحة التحاور الثانية فيها تعليقات كتيير حلوة بدك نصيحتي بلشي بقراءة التعاليق من الاول للأخير
    سلام

  351. نسيمة قال:

    c vrraiment tre jentille

  352. jalal قال:

    hlaaaaaaaaaaaa